Ekesode 29:40 - MUKANDA WA MYIDI MUKULU

⁴⁰ Kadi, muana wa mukoku uudi udianjila kulambula dinda, ulambule pamue ne bintu ebi: kilo isatu ya bukula busambakaja ne litre umue ne tshitupa wa mafuta a olive, welemu kabidi maluvu a mvinyo litre umue ne tshitupa.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Woshe muana umue wa mukoko ne tshia dikumi tshia tshihiminu tshia bukula busangisha ne tshia tshinai tshia tshihiminu tshia manyi, ne tshia tshinai tshia tshihiminu tshia nvinyo bu mulambu wa kunua.

Ekesode 29:40 Referans Kwoze

Filipe 2:17

Ndi kumpala kua Mvidi Mukulu bua kumulambula ditaba dienu. Pamue apa nebasakidile muoyi wanyi ku mulambu wenu. Nansha biobi bienzeka nanku, nensanke, nnubueje bonsu mu disanka adi.

Yowele 2:14

Misangu mikuabu udi mua kushintulula meji adiye nawu, kunusankisha pa mutu pa kunukengesha. Diba adi, nudi mua kumutuadila milambu, ya ntete, ne ya maluvu.

Yezekiyele 46:14

Dinda dionsu, balambule kabidi Maweja-Nangila kilo itanu ya bukula misambakaja ne litre ibidi ya mafuta. Mikenji ya milambu ya ku dituku dionsu badi ne bua kuyikumbaja kashidi.

Yezekiyele 45:17

Nanku, yeye ke udi ne mudimu wa kufila milambu ya kuosha, milambu ya bukula, ne milambu ya maluvu a mvinyo, bidibu bafila mu bibilu. Udi wenza nanku nangananga bua tshibilu tshia ngondu mupiamupia, bua matuku a Dikisha, ne bua matuku makuabu adi bena Izrayele basangile. Mukalenga udi ne bua kufila milambu bua kudikobolola, milambu ya bintu bia pa madimi, milambu ya kuosha, ne ya bobumue, bua bakobolole bena Izrayele.”

Yeshaya 57:6

Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Lewitiki 23:13

Mulambu awu, nuulambule pamue ne mulambu wa kuosha wa bukula bua kilo isambombu, bunuvua basambakaje ne mafuta. Nenganyishe dipembu dia mupuya wa mulambu awu. Nundambule milambu ayi pamue ne litre wa maluvu umue ne tshitupa.

Yowele 1:13

Nuenu batuangaji, vualayi bilamba bia mu madilu! Nuenu badi benza mudimu ku tshilambuilu, dilayi! Nuenu bantu ba Mvidi Mukulu wetu, luayi, bungamayi butuku bujima! Bualu milambu ya ntete, nansha ya maluvu, kabatshiena bafika nayi mu nzubu wa Mvidi Mukulu.

Yowele 1:9

Batuangaji badi benzela Maweja-Nangila mudimu, badi badila, bualu bantu kabatshiena bafika mu nzubu wa Mvidi Mukulu, ne milambu ya ntete, nansha ya maluvu.

Yezekiyele 46:11

“Matuku a bibilu ne bikondu bisunguluke, nebafile mulambu wa kilo makumi asatu ya ntete ya kuenza bukula pa mulume wa ngombe umue, nansha pa mukoku wa tshimpanga umue, udibu balambula. Bua bana ba mikoku, muntu yonsu neajadike bunene bua mulambu wende. Nebasakidile litre isambombu ya mafuta ku kilo makumi asatu ya ntete ya kuenza bukula.

Yezekiyele 46:7

Asakidile mulambu wa kilo makumi asatu ya ntete ya kuenza bukula pa mulume wa ngombe umue, ne pa mukoku wa tshimpanga umue. Kadi bua bana ba mikoku, neafile ntete ya kuenza bukula, bungi budiye mumone bukumbane. Neasakidile litre isambombu ya mafuta ku kilo makumi asatu ya ntete ya kuenza bukula.

Yezekiyele 46:5

Udi ne bua kufila kabidi ne kilo makumi asatu ya ntete ya kuenza bukula pa mukoku wa tshimpanga umue. Kadi bua bana ba mikoku, neafile ntete ya kuenza bukula, bungi budiye mumone bukumbane. Neasakidile litre isambombu ya mafuta ku kilo makumi asatu ya ntete ya kuenza bukula.

Yezekiyele 45:24

Pashishe neafile mulambu wa kilo makumi asatu a ntete ya kuenza bukula. Neasakidile litre isambombu ya mafuta ku ngombe yonsu ne tshimpanga bidibu balambula.

Yezekiyele 20:28

Meme kubafikisha mu ditunga dimvua muditshipe bua kubapesha. Kadi, kuaka kuayibu, mbamone nsongu ya mikuna ivua ne mitshi ya bifufu. Kubandabu kuine aku bua kulambula milambu. Bavua bamfikisha munda ne bintu bivuabu balambula, manananshi avuabu bosha, ne maluvu avuabu balambula muaba awu.

Yezekiyele 4:11

Neunue ku dituku anu litre umue wa mayi. (Biakudia biebe nebikale bungi bua momumue dituku dionsu.)

Dielulula 32:38

Nuvua bayilambule nyama, bayilambule maluvu a kunua. Nanku ileje bukole buayi, inupandishe, inulame ne muoyi!

Dibadika 29:16

Pashishe, nundambule kabidi mbuji wa mpumbu, bua mulambu wa kunukobolola nawu. Milambu yonsu eyi, nuyilambule pamue ne mulambu wa ku dituku dionsu, ne milambu ya bukula, ne ya maluvu a mvinyo.

Dibadika 28:24

Panudi nuenza tshibilu tshia matuku muanda mutekete, dituku dionsu nungoshile nyama, pamue ne mulambu wa ku dituku ku dituku, ne mulambu wa mvinyo. Dipembu diayi nedinsankishe.

Dibadika 28:10

Nanku dituku dia Dikisha dionsu nundambule mulambu wa kuosha ewu, pamue ne mulambu wa nyama ne wa mvinyo wa ku dituku ku dituku.

Dibadika 28:5

Nundambule kabidi kilo ya bukula isatu, busambakaja ne mafuta litre umue ne tshitupa.

Dibadika 15:24

pikala bantu batupakane nanku mu mpukapuka kabayi bamanye, nebangoshile bonsu pamue ngombe mulume bua mulambu wa kuosha. Nenganyishe mupuya muimpe wawu. Pashishe, nebasakidile kabidi milambu ya tshibidilu ya bukula ne ya maluvu a mvinyo. Nebasakidile kabidi mbuji wa mpumbu bua mulambu wa kukobolola nawu bantu.

Dibadika 15:7

Neasakidile kabidi maluvu a mvinyo litre ibidi. Nanku nenganyishe mupuya muimpe wabi.

Ekesode 30:24

a kase kilo itanu — bilondeshile tshipimu tshidibu bangata bua muaba wa tshijila, — kuikale kabidi litre isambombu ya mafuta a olive.

Ekesode 16:36

(Mana avua muntu yonsu upeta, avua bu litre inayi. Mmumue ne: tshia dikumi tshimue tshia tshipimu tshia tshibidilu.)

Genese 35:14

Yakobe kuimanyika dibue muaba awu, kuela manyi ne maluvu a mulambu pa dibue adi bua kudijidila.

Ekesode 29:39

woshe bana ba mikoku babidi ba tshidimu tshimue, umue dinda, mukuabu dilolu.

Ekesode 29:41

Kadi muana wa mukoku uudi ulambula dilolu, umulambule kabidi pamue ne bukula, mafuta ne maluvu bu muuvua muenze dinda. Bualu mmulambu wa dipembu dimpe wa kungoshila meme Maweja-Nangila.

2 Bakalenga 3:20

Butshia dinda, diba dia kulambula milambu, kumonabu mayi afumina mu ditunga dia Edome, kuwujawu buloba.

Osheya 9:4

Bena Efrayime kabena mua kulambula kabidi mulambu wa maluvu, mu dina dia Maweja-Nangila. Kabena mua kumulambula milambu bua kumusankisha. Biakudia bia bena Efrayime, nebikale anu bu mampa adibu badia mu madilu. Muntu yonsu udi ubidia udi upia mikiya. Mampa a bena Efrayime, neajikije anu nzala yabu. Kadi, kabena mua kubuela nawu mu nzubu wa Maweja-Nangila to.

Lewitiki 6:13

“Bobu bamane kujidila Arone ne bana bende ba balume, badi ne bua kulambula Maweja-Nangila kilo isatu ya bukula ku dituku dionsu, mmomumue ne: balambule tshia bibidi tshimue tshia bukula dinda, tshikuabu dilolu.

Dibadika 4:16

Kadi, Elazare, muana wa balume wa mutuangaji Arone, neikale ne mudimu wa kulama nzubu wa tshijila ne bintu bionsu bia tshijila bidimu. Yeye kabidi ke udi utangila mafuta a kuela mu miendu, musenga wa kamonya wa kuosha, bintu bia mu madimi bidibu bandambula matuku onsu, kabidi ne mafuta a tshijila.