Ekesode 29:39 - MUKANDA WA MYIDI MUKULU

³⁹ woshe bana ba mikoku babidi ba tshidimu tshimue, umue dinda, mukuabu dilolu.

Mukanda wa Nzambi Dihungila Dikulukulu ne Dihungila Dihia-dihia 2003

³⁹ Wewe newoshile umue wa mikoko ne dinda ne mukuabo dilolo

Ekesode 29:39 Referans Kwoze

2 Bakalenga 16:15

Pashishe, mukalenga Akaze, kutumina mutuangaji Uriya diyi, umuambila ne: — Bituadija ku mpindiewu, wikale wenzela mudimu ku tshilambuilu tshinene. Dinda dionsu, wikale ulambulapu mulambu wa kuosha, dilolu dionsu mulambu wa bukula. Wikale ulambuilapu kabidi milambu ya kuosha idi bantu bafila, pamue ne milambu ya bukula ne ya maluvu a mvinyo. Wele kabidi mashi a nyama ya milambu ayi ku tshilambuilu. Kadi, bua tshilambuilu tshia tshiamu tshikunze, meme nkayanyi nengambe tshitudi mua kuenza natshi.

Bienzedi 26:7

Bisamba bietu dikumi ne bibidi bidi bitendelela Mvidi Mukulu butuku ne munya, bitekemena amu: bidi Mvidi Mukulu mulaye, nebikumbane. Mukalenga Agripa, bena Yuda mbamfunde amu bua ditekemena adi.

Luke 1:10

Diba divuabu bosha musenga wa kamonya, bantu bonsu bavua batendelela pambelu.

Misambu 5:3

Mukalenga wanyi, Mvidi Mukulu wanyi, teleja ne ntema pandi nkubikila. Wewe ke undi ndomba.

2 Kulondolola 13:11

Dinda ne dilolu badi balambula Maweja-Nangila, milambu ya kuosha ne ya manananshi. Mampa adibu balambula Maweja-Nangila, badi baateka pa mesa a tshijila. Dilolu dionsu badi batemesha miendu idi pa tshitekelu tshia miendu tshia tshiamu tshia mpawungi. Tudi tukumbaja mudimu wa Maweja-Nangila anu mudiwu. Kadi nuenu nudi babenge Mvidi Mukulu mulelela.

Ekesode 29:40

Kadi, muana wa mukoku uudi udianjila kulambula dinda, ulambule pamue ne bintu ebi: kilo isatu ya bukula busambakaja ne litre umue ne tshitupa wa mafuta a olive, welemu kabidi maluvu a mvinyo litre umue ne tshitupa.

1 Bakalenga 18:29

Diba dia munda munya dimane kupita, kubikilabu kabidi mvidie Baale bikole, bamutendakena too ne ku dilolu diba didibu balambula. Kadi, mvidie Baale kena mubandamune diyi nansha dimue: kena mubambile bualu, kena mubaleje nansha tshimanyinu to.

2 Bakalenga 3:20

Butshia dinda, diba dia kulambula milambu, kumonabu mayi afumina mu ditunga dia Edome, kuwujawu buloba.

Ezela 9:4

Meme kushala nanku too ne diba divuabu balambule mulambu wa dilolu. Bantu bonsu bavua batshina dinyoka, divua Mvidi Mukulu mua kunyoka bena Izrayele bafume ku bupika bavua benza bualu bubi abu, kusemenabu kundi.

Misambu 141:2

Dilomba dianyi dibande kuudi, bu muinshi wa kamonya, dilomba dianyi dikale bu mulambu wa dilolu.

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Ekesode 12:6

Nulame tshimuna atshi too ne ku dituku dia dikumi ne dinayi dia ngondu ewu. Pashishe bena Izrayele bonsu nebashipe nyama wabu awu dilolu.

2 Kulondolola 2:3

Ungenzele panyi nanku, nkadi pa kuashila Maweja-Nangila Mvidi Mukulu wanyi nzubu wende wa tshijila. Neboshilemu milambu ya manananshi. Nebatekemu mampa a tshijila matuku onsu. Nebalambulemu milambu ya kuosha dinda ne dilolu, matuku a Dikisha, dituku dionsu didi ngondu ubala, ne matuku a bibilu bia Maweja-Nangila Mvidi Mukulu wetu. Ke mikenji idi bena Izrayele ne bua kukumbaja kashidi.