Ekesode 29:36 - MUKANDA WA MYIDI MUKULU

³⁶ “Dituku dionsu, wikale wosha ngombe mulume bua kukobolola bantu. Wewe ujidila tshilambuilu, utshimiamina manyi.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Wewe newoshe muana wa ngombe ku dituku ku dituku bua kubuikidila bantu mibi yabo, wewe neutokeshe tshioshelu hawoshila bintu bia kubuikidila nʼabi bantu mibi yabo, wele manyi ha tshioshelu bua kutshijidila.

Ekesode 29:36 Referans Kwoze

Ebrewu 10:11

Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

Ekesode 30:26

Mafuta awu, ujidila nawu ntenta wa kusambakena, mushete wa ndondu,

Yezekiyele 43:27

Papita lumingu alu, dituku dia muanda mukulu, batuangaji nebamone mua kulambula pa tshilambuilu milambu ya kuosha ne ya bobumue inudi nufila. Nuenu benza nanku, nenganyishe milambu yenu. Meme Maweja-Nangila Mvidi Mukulu ndi ngamba nanku.

Yezekiyele 43:25

Dituku dionsu lumingu lujima, ufile mulambu wa mbuji wa mpumbu, wa kukobolola nawu bantu. Pashishe, ulambule kabidi mulume wa ngombe ne mukoku wa tshimpanga bidi kabiyi ne bulema pambidi.

Dibadika 7:1

Moshe mumane kuasa nzubu wa tshijila mujikije, kujidilaye nzubu awu kabidi ne bintu bionsu bivua mu nzubu pa kubilaba manyi. Kujidilaye kabidi tshilambuilu ne bintu bionsu bivuaku, kubilabaye manyi.

Lewitiki 16:27

Ngombe mulume ne mbuji bivuabu balambula bua kudikobolola, biena mashi avuabu bangate bua kujikija mikiya ya miaba ya tshijila, nebapatuke nabi mu mitanda bua kuosha tshiseba, munyinyi ne bia munda.

Yezekiyele 43:20

Wangate mashi a ngombe awu, ualabe ku matumba anayi a tshilambuilu avuabu balepesha maye mulu, kabidi ku matumba a tshibumba tshibidi, ne panshi ku nseke yonsu inayi ya tshilambuilu. Ke muudi mua kumusha mikiya idi ku tshilambuilu, kutshijidila.