Ekesode 29:27 - MUKANDA WA MYIDI MUKULU

²⁷ “Pashishe, wambile bena Izrayele ne: tshiadi tshia mukoku wa tshimpanga ne tshibelu tshiudi muele mulu munyukule mbia tshijila.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Wewe neujidile tshiadi tshidibo banyukula, ne tshihela tshidibo babisha mulu tshia tshimpanga tshia kujidila kua Alona ne tshia bana bandi balume.

Ekesode 29:27 Referans Kwoze

Dibadika 18:11

Pashishe nuangate kabidi tshitupa tshia bintu bidi bena Izrayele bela mulu bua kundambula. Bintu abi nebishale biebe ne bia ndelanganyi yebe kashidi. Nebabidie amu kudi bena diku diebe, balume ne bakaji, badi kabayi ne mikiya.

Lewitiki 10:15

Nanku, misangu yonsu idibu bosha mafuta pa tshilambuilu kumpala kua Maweja-Nangila, nebafile kabidi tshibelu ne tshiadi, babiela mulu, babinyukule Pashishe wewe ne ndelanganyi yebe, nubiangate, nubidie, bualu mbintu bivua Maweja-Nangila munupe kashidi, bu muvuaye mumane kuamba.

Dielulula 18:3

Nanku padi bena Izrayele balambula Maweja-Nangila milambu ya bobumue ya ngombe, mikoku nansha mbuji, batuangaji nebapete diboku, mbanga ne tshifu.

Ebrewu 7:28

Mikenji ya Moshe idi iteka bantu badi ne bilema mulongu wa batuangaji banene. Kadi miaku ya mutshipu wa Mvidi Mukulu ivuaye muambe kunyima kua mikenji, mmiteke Muana udi mufike ku bujima buende bua kashidi bu mutuangaji munene.

Dibadika 6:20

Pashishe mutuangaji neele bintu abi mulu, neabinyukule bua kubilambula Maweja-Nangila. Nanku bintu abi nebishale bia mutuangaji. Neangate kabidi tshiadi ne tshibelu bia nyama bu mudi tshibidilu. Pashishe muntu awu udi mua kutuadija kunua maluvu.

Lewitiki 9:21

Pashishe Arone kuambula biadi bia nyama ne tshibelu tshia ku dia balume dia nyama, kubiela mulu, ubinyukula kumpala kua Mvidi Mukulu, bu muvua Maweja-Nangila muambile Moshe.

Lewitiki 7:37

Eyi ke mikenji idi itangila milambu ya kuosha, milambu ya bintu bia mu madimi, milambu ya kukobolola nayi bantu, milambu ya dinua tshibalu, milambu ya dibanjija ne milambu ya bobumue.

Ekesode 29:26

Tshiadi tshia mukoku wa tshimpanga muibidi awu, wewe Moshe utshiele mulu, utshinyukule kumpala kuanyi meme Maweja-Nangila, kadi utshiangate tshishale tshiebe.

Ekesode 29:28

Nanku, padi bena Izrayele bandambula mulambu wa ditua ndondu, Arone ne ndelanganyi yende nebikale bangata tshiadi ne tshibelu.

Lewitiki 7:30

Neambule yeye mene bionsu bidibu ne bua kulambula Maweja-Nangila: ke munyinyi wa mafuta, ne tshiadi tshia nyama awu. Bele tshiadi tshia nyama atshi mulu, batshinyukule bua kutshilambula.

1 Samuele 9:24

Mulambi kuya kuangata tshibelu tshia nyama ne mukila, kubiteka kumpala kua Samuwele. Samuwele kuambila Shawule ne: — Ke munyinyi uvuabu bakutekela ewu, udie ne bantu bonsu bandi mubikila aba. Dituku adi, Shawule ne Samuwele kudia muaba umue.