Ekesode 29:18 - MUKANDA WA MYIDI MUKULU

¹⁸ Woshe bintu bionsu abi, bua bikale mulambu wa kuosha wa dipembu dimpe udi unsankisha meme Maweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Wewe newoshe tshimpanga tshijima ha tshioshelu, tshidi mulambu wa kuoshila Yehowa, udi utua dihembu, udibo boshila Yehowa ha kahia.

Ekesode 29:18 Referans Kwoze

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Filipe 4:18

Ndi nnujadikila ne: nkadi mupete bionsu binuvua bantumine. Bidi bikumbane bipite. Bu mudi Epafrodite muntuadile mpindiewu bimuma basue kumpesha, bionsu bindi nkengela, ndi nabi. Bintu bienu bidi bu mulambu wa dipembu dimpe, udi Mvidi Mukulu wanyisha, umusankisha.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Marke 12:33

Nenku, muntu udi ne bua kunanga Mvidi Mukulu ne muoyi wende onsu, ne lungenyi luende luonsu ne bukole buende buonsu. Udi ne bua kunanga kabidi muntu nende bu mudiye mudinange yeye mene. Kuenza nanku nkupita kuoshila Mvidi Mukulu nyama pa tshilambuilu ne kumulambula milambu ya mishindu yonsu.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.

Misambu 50:8

Tshiena nkudiwila bua milambu yebe nansha, bualu utu uyindambula matuku onsu.

1 Bakalenga 18:38

Maweja-Nangila kutuma kapia, kuoshaku mulambu, nkunyi, mabue ne buloba. Kukamishaku mayi onsu avua mu mikidi.

1 Bakalenga 3:4

Dituku dikuabu, mukalenga Shelomu kuya ku Ngibone bua kulambula milambu, bualu Ngibone uvua muaba wa tshjila mupita kumanyika ku yonsu. Shelomu uvua mumane kulambula milambu ya kuosha mipite bungi, nkama ne nkama pa tshilambuilu tshivua muaba awu.

1 Samuele 7:9

Samuwele kuangata muana wa mukoku, kuulambula Maweja-Nangila, kuoshaye mujima. Pashishe kulombaye Maweja-Nangila bua afuile bena Izrayele luse. Maweja-Nangila kuitaba dilomba adi.

Lewitiki 9:24

Diakamue kapia kufuma kudi Maweja-Nangila, kutema, kuosha milambu ya kuosha yonsu, ne mafuta a ku milambu mikuabu bivua pa tshilambuilu. Bantu bonsu bamone nanku, kuelabu tunkunduluila. Pashishe kudielabu mpala panshi.

Lewitiki 1:17

Mutuangaji apande nyunyi awu mu tshiadi amutanyinyike. Oshe munyinyi onsu pa nkunyi ya kapia idi pa tshilambuilu, bualu mmulambu wa dipembu dimpe didi disankisha Maweja-Nangila.

Ekesode 29:25

Pashishe, wangate kabidi bintu abi, ubiteke pa tshilambuilu pa mutu pa mulambu wa kuosha, bua bikale mulambu wa dipembu udi unnunkila meme Maweja-Nangila.

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Genese 22:7

Izake kukonka Abrahame ne: — Tatu! Awu ne: — Muananyi. Izake ne: — Tudi ne nkunyi ne kapia, kadi muana wa mukoku wa kulambula udi penyi?

Genese 22:2

Mvidi Mukulu kumuambila ne: — Angata muanebe umuepele Izake uudi mupite kunanga awu, uye nende mu ditunga dia Moriya pa mukuna umbakuleja, umungoshile pa tshilambuilu.

Ekesode 29:17

Usaye mukoku wa tshimpanga awu, usukule bia munda ne mikonu. Ubiteke pa tshilambuilu pa mutu pa munyinyi ne mutu.

Lewitiki 1:9

Kadi, bia munda bionsu, ne bikonu bia ngombe, babisukule mu mayi. Pashishe mutuangaji abioshe pamue ne munyinyi onsu udi pa tshilambuilu, bua dipembu dimpe dia mulambu wa kuosha disankishe Maweja-Nangila.

Lewitiki 4:31

Bumushe munyinyi wa mafuta onsu, bu mudibu benza bua mulambu wa bobumue. Mutuangaji awoshe pa tshilambuilu, bualu mmulambu wa dipembu dimpe didi disankisha Maweja-Nangila. Mutuangaji akobolole muena Izrayele awu anu mushindu ewu bua Mvidi Mukulu amufuile luse.

Lewitiki 8:21

Kusukulaye bia munda ne bikonu mu mayi. Kubishaye ne munyinyi wa nyama uvua mushale pa tshilambuilu. Bualu mmulambu wa kuosha, udi ne dipembu dimpe didi disankisha Maweja-Nangila.

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.