Ekesode 29:14 - MUKANDA WA MYIDI MUKULU

¹⁴ Ewu ke mulambu wa kukobolola nawu batuangaji. Kadi, tshiseba tshia ngombe awu, munyinyi ne mala bidi bishale, uye kubiosha anu mutantshi mule ne mitanda.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi wewe newoshe munyinyi wa muana mulume wa ngombe, ne tshiseba ne tunvi ne kahia ku butshika bua tshitudilu ebu mbualu bua kubuikidila bubi bua bantu.

Ekesode 29:14 Referans Kwoze

Lewitiki 4:21

Pashishe bintu bionsu bidi bishale, mutuangaji umuke nabi mu mitanda, aye kubiosha bu mudibu bosha bintu bidi bishale bia ngombe mulume, padibu bakobolola mutuangaji munene. Mulambu ewu mbua kukobolola nawu bena Izrayele, bua Mvidi Mukulu abafuile luse.

Ezela 8:35

Bonsu, bavuabu baye nabu mu bupika, bamane kupingana, bavua balambula Mvidi Mukulu wa Izrayele milambu ya kuosha mu dina dia bena Izrayele bonsu: nyama ya ngombe milume dikumi ne ibidi, mbuji ya mikoku ya bimpanga makumi tshitema ne isambombu, ne bana ba mikoku makumi muanda mutekete ne muanda mutekete. Bavua balambula kabidi mbuji ya mpumbu dikumi ne ibidi bu mulambu wa kukobolola nawu bantu. Bavua boshila Maweja-Nangila nyama yonsu ayi.

2 Kulondolola 29:24

Batuangaji kukosa mbuji ayi muminu, kumiamina mashi ayi ku tshilambuilu, bua kukobolola bantu bonsu bena Izrayele. Bualu mukalenga Izkiya uvua muele diyi ne: balambule milambu yonsu, ya kuosha ne ya kukobolola bantu, bua bena Izrayele bonsu.

Ekesode 30:10

Ku tshidimu tshionsu, Arone ikale utshikobolola, umiamine mashi a nyama ku nsengu inayi idi ku tshilambuilu, bua kukobolola bantu. Mukenji ewu, bikale bawenzulula ku tshidimu tshionsu kudi ndelanganyi yenu yonsu. Tshilambuilu etshi netshikale tshijidila, tshikale muaba wa tshijila menemene.”

Lewitiki 16:27

Ngombe mulume ne mbuji bivuabu balambula bua kudikobolola, biena mashi avuabu bangate bua kujikija mikiya ya miaba ya tshijila, nebapatuke nabi mu mitanda bua kuosha tshiseba, munyinyi ne bia munda.

Lewitiki 16:11

“Arone neafike ne ngombe mulume udiye udikobolola nende. Neenze bionsu bidi bikengela bua kudikobolola, kukobolola ne bena diku diende. Pashishe neakose ngombe awu muminu.

Lewitiki 16:3

“Nenku bua kubuelaye muaba awu, ikale ne ngombe mulume bua mulambu wa kudikobolola nawu kudi Mvidi Mukulu, kabidi ne mukoku wa tshimpanga bua mulambu wa kuosha.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Lewitiki 8:17

Kadi munyinyi wa ngombe awu uvua mushale, tshiseba, bia munda ne bunyawu, Moshe kumuka nabi mu mitanda, kuya kubiosha amu muvua Maweja-Nangila mumuambile.

Lewitiki 5:8

Muntu awu afile nyunyi ayi kudi mutuangaji bua ayele mulu, ayinyukule, ayilambule Maweja-Nangila. Bangabanga mutuangaji alambule nyunyi wa mulambu wa kudikobolola nawu. Anyongobole nyunyi awu nshingu, kayi umukosa mutu.

Lewitiki 5:6

Kadi bua Mvidi Mukulu kumufuila luse ku bubi buvuaye muenze, udi ne bua kulambula Maweja-Nangila dishina dia mukoku nansha dishina dia mbuji. Bidi mulambu wa kudikobolola. Ke mudi mutuangaji mua kukobolola muena tshibawu amu mushindu ewu.

Lewitiki 4:32

“Padi muena tshibawu awu musue kulambula Maweja-Nangila mukoku, asungule amu mukoku mukaji udi kauyi ne bulema, bua Mvidi Mukulu amufuile luse.

Lewitiki 4:29

Ateke tshianza pa mutu pa mbuji awu, amukosele muminu muaba udibu bashipela nyama ya milambu ya kuosha.

Lewitiki 4:25

Mutuangaji atue munu mu mashi awu, aalabe ku matumba matalame adi ku tshilambuilu tshia milambu ya kuosha. Pashishe mashi adi mashale, ayitshikije kuinshi kua tshilambuilu atshi.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Dibadika 19:5

Pashishe boshe ngombe awu mujima, yeye mutangile. Boshe munyinyi, tshiseba, mashi ne bunyawu.

Yezekiyele 43:21

Pashishe, wangate mulume wa ngombe uvuabu balambula awu, bamoshile ku mpenga kua muaba wa tshijila wa Maweja-Nangila, muaba udibu balongolola bua mudimu awu.

Malaki 2:3

Nennyoke kabidi ndelanganyi yenu. Nennuele tumvi mu mesu, tumvi tua nyama inudi nuosha mu bibilu bienu. Nebanuimanshe nuenu pamue ne tumvi atu.