Ekesode 29:1 - MUKANDA WA MYIDI MUKULU

¹ “Ujidile Arone ne bana bende ba balume ku mudimu wa butuangaji nenku: “Usungule muana wa mukoku mulume umue ne bimpanga bibidi kabiyi kalema pambidi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Wewe newenze bualu ebu bua kubajidila bankuatshile mudimu wa buakuidi. Angata muana mulume wa ngombe ne bimpanga bibidi bidi biakane,

Ekesode 29:1 Referans Kwoze

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Matayi 6:9

Nutendelele mushindu ewu: “Tatu wetu udi mu diulu, dina diebe dia tshijila ditumbe;

2 Kulondolola 13:9

Nudi bipate batuangaji ba bushiwa ba Maweja-Nangila, ndelanganyi ya Arone, ne bena Levi. Nudi badisunguile batuangaji bu mudibu benza kudi bena matunga makuabu. Bua muntu kupeta mudimu wa butuangaji wa mvidie eyi, idi kayiyi nansha mvidie mene, uvua ufila amu ngombe mulume umue ne mikoku ya bimpanga muanda mutekete.

Lewitiki 22:20

Kadi panudi nundambula tshimuna ne bulema pambidi, tshiena ngitaba mulambu wenu awu to.

Lewitiki 16:3

“Nenku bua kubuelaye muaba awu, ikale ne ngombe mulume bua mulambu wa kudikobolola nawu kudi Mvidi Mukulu, kabidi ne mukoku wa tshimpanga bua mulambu wa kuosha.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Lewitiki 6:6

Nanku kapia kikale katema anu kutema pa tshilambuilu kashidi, kakayi kajima.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Ekesode 29:21

Pashishe, wangate mashi makese adi pa tshilambuilu, ne mafuta a tshijila, umiamine Arone ne ku bilamba biende. Umiamine kabidi ne bana bende ba balume ne ku bilamba biabu bionsu, nebikale bia tshijila.

Ekesode 28:3

Bilamba abi, babitele anu kudi bantu bandi meme Maweja-Nangila mupeshe tshipedi tshia butedi. Arone ikale uvuala bilamba abi, padibu bamujidila ne padiye ungenzela mudimu wa butuangaji.

Ekesode 28:41

“Bilamba abi, wewe Moshe ubivuadike muanenu Arone ne bana bende ba balume, ubalabe mafuta, ubambike midimu yabu. Ke muudi mua kubabanjija nanku bua bashale benza midimu ya butuangaji.

Ekesode 20:11

Bualu meme Maweja-Nangila ndi mufuke diulu, mayi manene ne bionsu bidimu, anu mu matuku asambombu. Meme kuikisha dituku dia muanda mutekete, kudijidila, bua dikale dituku dia Dikisha.

Lewitiki 8:1

Maweja-Nangila kuambila Moshe ne:

Yezekiyele 43:23

Paudi ujikija kulambula, wangate mulume a ngombe ne mukoku wa tshimpanga, bidi kabiyi ne bulema pambidi.

Ekesode 28:1

“Wambile mukuluebe Arone ne bana bende ba balume: Nadabe, Abihu, Elazare ne Itamare, ubumushe munkatshi mua bena Izrayele, bua bangenzele mudimu wa butuangaji.

Lewitiki 6:13

“Bobu bamane kujidila Arone ne bana bende ba balume, badi ne bua kulambula Maweja-Nangila kilo isatu ya bukula ku dituku dionsu, mmomumue ne: balambule tshia bibidi tshimue tshia bukula dinda, tshikuabu dilolu.

Lewitiki 7:35

Bintu abi, bidibu bumusha ku milambu idibu balambula Maweja-Nangila, nebikale bia Arone ne bana bende, biangatshile dituku didibu babajidile ku mudimu wa butuangaji bua kukuatshila Maweja-Nangila mudimu.

Lewitiki 14:11

Mutuangaji imanyike muena nsudi awu ne bintu biende bionsu kumpala kua Maweja-Nangila, mu mushiku wa ntenta wa kusambakena.