Ekesode 28:18 - MUKANDA WA MYIDI MUKULU

¹⁸ Mulongu muibidi wikale ne mabue a grenate, safire ne dia mbongu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ mulongo muibidi wa mabue a escarboucle ne saphir ne calcédoine,

Ekesode 28:18 Referans Kwoze

Didimanyisha 4:3

Uvua ukenka mpala bu mabue a mushinga mukole a yaspise ne sarduwane. Muanzankongolu uvua wenza tshijengu kulu kua nkuasa, wengelela bu dibue dia emerode.

Yezekiyele 28:13

Uvua musombe mu Edene, mu lupangu lua Mvidi Mukulu. Bavua bakubuikile ne mabue a mushinga mukole a mishindu yonsu, makunze, matoke, a mayi a matamba, a mbongu, a mayi a nkunde, a komaline, a jaspe, a safire, a ngrenate ne a emerode. Uvua mutuale bilengejilu tatuabu benze ne tshiamu tshia mpawungi dituku divuabu bakufuka

Yezekiyele 27:16

Bena Edome batua basumba bintu bia bungi kuudi, bakufuta mabue a mushinga mukole a mishindu mishilangane; batua bakufute bilamba bifikuluke, bilamba bitela biela malenda, ne bilamba bia buanda bua ndanda.

Yezekiyele 10:1

Diba adi, mvua mumone tshisasa tshivua pa mitu ya bakerubine. Tshivua ne tshintu tshifuanangane ne nkuasa wa bukalenga, muenza ne dibue dia mushinga mukole dia Safire.

Yezekiyele 1:26

Pavua kabidi dibue dia mushinga mukole dia Safire, divuabu basonge bu nkuasa wa bukalenga. Pa mutu pa nkuasa wa bukalenga apu, pavua pamueneka bu muntu.

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Musambu wa Solomo 5:14

Maboku ende adi bu lukanu lua tshiamu tshia mpawungi, lulengeja ne mabue mafiike a mushinga mukole. Mubidi wende udi bu mubanga mupela, mulengeja ne mabue a safire.

Yobe 28:16

Kaena mushinga umue ne tshiamu tshia mpawungi, tshia safire, nansha ne mabue a mushinga mukole a komaline.

Yobe 28:6

Badi basangana mabue a safire a mushinga mukole, mu mbuebue ya mu buloba. Mu lusenga luabu badi bapeta tubulu tua tshiamu tshia mpawungi.

Ekesode 39:11

Mulongu muibidi uvua ne dibue dia grenate, dia safire ne dia mbongu.

Ekesode 24:10

Kumonabu Mvidi Mukulu wa Izrayele, muimane pa mabue matoke a mushinga mukole, engelela. Mabue awu avua mafuanangane ne mubidi wa tshibuashibuashi.

Ekesode 28:17

Pa tshilamba atshi, pikale milongu ya mabue a mushinga mukole inayi: mulongu wa kumpala wikale ne mabue a rubise, topaze ne emerode.

Ekesode 28:19

Mulongu muisatu wikale ne mabue a yasinte, agate ne ametiste.