Ekesode 25:8 - MUKANDA WA MYIDI MUKULU

⁸ Nanku, bena Izrayele bandongoluele muaba wa tshijila, bua ngikale munkatshi muabu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bobo bangashile tshitendelelu, bua meme kuikala munkatshi muabo.

Ekesode 25:8 Referans Kwoze

2 Korente 6:16

Mutudi mua kutendelela mvidie ya bisamba bikuabu mu nzubu wa Mvidi Mukulu mbishi? Bualu tudi nzubu wa Mvidi Mukulu udi ne muoyi. Ke pavua Mvidi Mukulu mene muambe ne: “Nengase nzubu wanyi munkatshi muabu, nengendakane nabu miaba yonsu. Nengikale Mvidi Mukulu wabu, bobu nebikale bantu banyi.”

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.

1 Bakalenga 6:13

Meme nensombe mu nzubu ewu munkatshi mua bantu banyi bena Izrayele kashidi. Tshiena mua kubalekela to.

Ekesode 29:45

Meme nengikale Mvidi Mukulu wa bena Izrayele musombe munkatshi muabu.

Zekâya 2:10

Maweja-Nangila udi unuambila ne: “Nuenu bonsu bamvua mutangalaje nseke yonsu ya buloba, nyemayi mpindiewu, numuke ku matunga a ku mutu kua ditunga!

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Zekâya 8:3

Ke pandi ngamba ne: Nempingane mu Yerushalayime. Nensombe mu Siyone tshiakabidi. Bantu nebinyike Yerushalayime ne: ‘Tshimenga tshidi tshilamata Mvidi Mukulu.’ Mukuna wanyi wa Siyone, nebawinyike ne: ‘Mukuna wa tshijila.’

Yeshaya 12:6

Bena Siyone, sankayi, nutshionkomoke, bualu Mvidi Mukulu mmunene! Wa tshijila wa Izrayele, mmuase munkatshi muenu!

Dibadika 5:3

Nuipate bantu aba bonsu, balume ne bakaji, bua kabatampakaji mikiya mu mitanda yenu. Bualu meme Maweja-Nangila ndi munkatshi muabu.

Lewitiki 21:12

Padi mutuangaji awu mumane kujidila ne mafuta, bua kungenzela mudimu, kena mua kumuka mu nzubu wa Mvidi Mukulu to. Bualu udi mua kunyanga muaba wanyi wa tshijila. Bualu meme Ndi Maweja-Nangila.

Lewitiki 4:6

Atue munu mu mashi awu, amiamine mashi misangu muanda mutekete ku luseke ludi lumueneka lua tshilamba tshidi tshilembeleja muaba wa tshijila udi Maweja-Nangila.

Ekesode 15:2

Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Lewitiki 10:4

Moshe kubikila Mishayele ne Elishafane, bana ba balume ba Uziyele mansebende wa Arone. Kubambilaye ne: — Umbushayi bitalu bia bana benu muaba wa tshijila, numuke nabi mu mitanda bua kubijika.

Bienzedi 7:44

Mu tshipela, bankambua betu bavua ne ntente wa kusambakena, uvuabu benze mushindu uvua Mvidi Mukulu muambile Moshe, kabidi bilondeshile tshivua Mvidi Mukulu mumuleje.

Ekesode 29:46

Bena Izrayele nebajadike ne meme ndi Maweja-Nangila Mvidi Mukulu udi mubapatule mu ditunga dia Ejipitu bua meme kusomba munkatshi muabu. “Ndi Maweja-Nangila Mvidi Mukulu wabu.

Lewitiki 26:11

Nzubu wanyi wa tshijila neikale munkatshi muenu. Tshiena mua kunubenga to.

Dielulula 12:11

Diba adi, muaba wikala Maweja-Nangila Mvidi Mukulu wenu musungule bua kusomba, nenumutuadile milambu eyi mishilangane, imvua munuambile: ya kuosha, ya bobumue, ya tshia dikumi tshia bintu bia mu madimi, ya budisuile, ne ya mapiku, inuvua bamulaye.

Yoshua 22:31

Pinase, muana wa mutuangaji Elazare, kubambila ne: — Mpindiewu tudi bamanye ne: Maweja-Nangila udi nenu, bualu kanuena bamuenzele tshilema tshinene tshituvua tutshina. Nanku kanuena bakebele bena Izrayele dinyoka kudi Maweja-Nangila to.

Ekesode 15:17

Maweja-Nangila, wewe kubafikisha, kubasombesha, pa mukuna uudi mudisunguile, pa muaba uudi musue kusomba, mu nzubu wa tshijila uudi mudiashile.

1 Kulondolola 22:19

Nenku, mpindiewu enzayi muenu muonsu bua kumanya tshidi Mvidi Mukulu wenu musue. Tuadijayi kuashila Maweja-Nangila Mvidi Mukulu wenu muaba wa tshijila. Nutekemu mushete wa ndondu wa Maweja-Nangila ne bintu bia tshijila bia Mvidi Mukulu.

Yezekiyele 37:26

Nentue nenu ndondu bua kunupesha bupole bua kashidi. Nemvudije bantu benu. Nenteke nzubu wanyi munkatshi muenu kashidi.

Yezekiyele 37:28

Bisamba bikuabu nebimanye ne: ndi Maweja-Nangila, ndi mujidile bena Izrayele bua bangenzele mudimu. Bualu nzubu wanyi neikale munkatshi muenu kashidi.”

Yezekiyele 43:7

Maweja-Nangila kungambila ne: — Muntu, tangila muaba ewu. Ke muaba udi nkuasa wanyi wa bumfumu. Ke muaba undi ndiata makasa anyi. Nenshale muaba ewu munkatshi mua bena Izrayele kashidi. Bena Izrayele, nansha bakalenga babu, kabena mua kupepeja kabidi dina dianyi dia tshijila, ne buenzavi buabu, padibu bajika munemu bitalu bia bakalenga babu.