Ekesode 25:40 - MUKANDA WA MYIDI MUKULU

⁴⁰ Wewe Moshe, wenzeje bintu bionsu abi anu mushindu umvua mukuambile ku mukuna eku.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Udimuke biebe bua kuenza bintu bionso bu tshidikishilu tshinakukulesha mu mukuna.

Ekesode 25:40 Referans Kwoze

Ebrewu 8:5

Kadi mudimu udi batuangaji aba benza udi amu tshidikijilu ne mundidimbi bia bidi mu diulu. Bidi bifuanangana ne bivua bienzekela Moshe. Pavuaye ne bua kuasa ntenta, Mvidi Mukulu kumuambila ne: “Wenze bionsu bilondeshile tshilejilu tshimvua mukuleje pa mukuna.”

Bienzedi 7:44

Mu tshipela, bankambua betu bavua ne ntente wa kusambakena, uvuabu benze mushindu uvua Mvidi Mukulu muambile Moshe, kabidi bilondeshile tshivua Mvidi Mukulu mumuleje.

Ekesode 26:30

Uvuluke mua kuasa nzubu ewu anu mushindu umvua mukuleje ku mukuna eku.

Dibadika 8:4

Tshitekelu tshia miendu tshivua tshifula ne tshiamu tshia mpawungi nkayatshi, biangatshile ku dikasa diatshi too ne ku tshilongu tshiatshi tshia ndekelu. Bavua batshienze bilondeshile tshilejilu tshivua Maweja-Nangila muleje Moshe.

Ekesode 25:9

Nzubu awu, ne bintu bia kutekamu, bikale anu mushindu undi nkuleja.

1 Kulondolola 28:19

Davide kuamba ne: — Bionsu ebi bidi mu mukanda uvua Maweja-Nangila mumpeshe. Mu mukanda ewu, Maweja-Nangila mmumvuije ku tshintu ku tshintu munudi mua kuenza mudimu ewu.

1 Kulondolola 28:11

Pashishe, Davide kupesha Shelomu dibeji divuabu bazola mushindu wa kuasa muaba wa tshijila, ne bibambalu bidi bilamikaku, — bibambalu bia kubutshila mpetu, bibambalu bia kulu, nansha bia munda, — ne tshibambalu tshia kuteka mushete wa ndondu.

Ekesode 25:39

Bua kuenza tshitekelu tshia muendu ne bintu bionsu bidiku, ubienza ne kilo makumi asatu ya tshiamu tshia mpawungi nkayatshi.

Ekesode 27:8

Tshilambuilu atshi, tshikale tshienza ne mabaya, kadi ushiye munda muatshi mutupu bu mumvua mukuambile ku mukuna eku.

Ekesode 31:11

mafuta a kujidila nawu bantu ne bintu, benze kabidi manananshi a mu muaba wa tshijila. Midimu yonsu eyi, bayenze anu mushindu umvua meme Maweja-Nangila mukuambile.

Ekesode 36:2

Moshe kubikila Beshalele, Okoliyabe ne bantu bakuabu bavua Maweja-Nangila mupeshe tshipedi tshia kuenza midimu ayi kuyikumbaja.

Yoshua 22:28

Tuvua bele meji ne: matuku adi kumpala, pikalabu mua kutuambila, nansha kuambila ndelanganyi yetu ne: kanuena ne tshinudi mua kuamba, nebandamune ne: “Monayi mudi bankambua betu base tshilambuilu etshi, anu mushindu umue ne tshilambuilu tshia Maweja-Nangila. Kadi kabavua batshiase bua kulambuilapu milambu ya kuosha, nansha milambu mikuabu. Bavua batshiase bua tshikale tshimanyinu pankatshi petu nenu.”

2 Kulondolola 4:7

Kuenzabu bitekedi bia miendu dikumi bia tshiamu tshia mpawungi, bilondeshile mushindu uvuabu babambile bua kubifula. Kubitekabu mu tshibambalu tshinene tshia mu nzubu wa Mvidi Mukulu, bitanu ku dia balume, bitanu ku dia bakaji.