Ekesode 25:22 - MUKANDA WA MYIDI MUKULU

²² Netumonangane nebe anu pa tshibuikidiji tshia mushete awu. Pankatshi pa Bakerubine abu, ke pandi nkupela mikenji idi itangila bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

²² Meme ne nsangakene nʼebe aha, nensombe nʼebe ha mutu ha tshibuikilu tshia mushete, hankatshi ha bakeluba badi ha mutu ha mushete, nenkumanyishe malu onso andi nkuhesha bu mikenji kudi Bena Isalele.

Ekesode 25:22 Referans Kwoze

Dibadika 7:89

Pavua Moshe ubuela mu ntenta wa kusambakena bua kuyukila ne Maweja-Nangila, uvua umvua diyi dia Maweja-Nangila, difumina pankatshi pa Bakerubine babidi, bavua pa tshibuikidiji tshia mushete wa ndondu. Diba adi Maweja-Nangila uvua uyukila ne Moshe.

Yeshaya 37:16

“Maweja-Nangila muena bukole buonsu, Mvidi Mukulu wa bena Izrayele, wewe udi usomba ku mutu kua bakerubine. Wewe nkayebe ke Mvidi Mukulu, mfumu wa makalenga onsu a pa buloba. Wewe ke udi mufuke diulu ne buloba.

Misambu 80:1

Musambu wa mu mukanda wa mulombodi wa bena misambu, wa mu mukanda wa misambu ya Asafe, wa kuimba ne lunzenze.

2 Bakalenga 19:15

Nanku, kutendelelaye, wamba ne: “Maweja-Nangila Mvidi Mukulu wa Izrayele, wewe udi usomba pa mutu pa bakerubine. Wewe nkayebe ke Mvidi Mukulu mu makalenga onsu a pa buloba, wewe ke uvua mufuke diulu ne buloba.

1 Samuele 4:4

Bena Izrayele kutuma bantu ku Silo, bua kuangata mushete wa tshijila wa Maweja-Nangila Mvidi Mukulu wa biluilu bia bena Izrayele, udi usomba pa mutu pa bakerubine. Ofni ne Pinhase, bana ba balume babidi ba mutuangaji Eli, ke bavua benda pabuipi ne mushete wa ndondu.

Dibadika 17:4

Mutuangaji Elazare kuangata mbabula ya tshiamu tshikunze ya bantu bavua Maweja-Nangila muoshe ne muoyi. Kuenzabu nayi bitata bia kubuikila ku tshilambuilu.

Lewitiki 16:2

“Ambila muanenu Arone kabuedi tshibuelabuela muaba wa tshijila menemene, panyima pa tshilamba tshidi tshijika mushete wa tshijila ne tshibuikidiji tshiawu to. Bualu yeye mubuele nanku, udi mua kufua musangu undi lumuenekela mu muinshi, udi pa mutu pa tshibuikidiji tshia mushete.

Misambu 99:1

Maweja-Nangila udi mukalenga, bantu badi bazakala. Nkuasa wende wa bukalenga udi pa mutu pa batumibue bende badi bashale mu diulu, buloba budi butenkakana.

2 Samuele 6:2

Kuyaye nabu ku Baala, mu Yuda, bua kuangata mushete wa tshijila wa Mvidi Mukulu. Mushete awu udi ne dina dia Maweja-Nangila, Mvidi Mukulu wa bena mvita ba bena Izrayele, udi usomba pa mutu pa bakerubine.

Ekesode 30:36

Pashishe, ubitue, wenze musenga wa kuteka kumpala kua mushete wa Maweja-Nangila, udi mu ntenta wa kusambakena, muaba ungikala mukuambile bua tuetu kumuenangana. Numanye ne: musenga awu ntshintu tshienu tshia tshijila.

Ekesode 30:6

Tshilambuilu atshi, utshiteke kumpala kua tshilamba tshidi tshijike mushete wa ndondu. Tshikale tshitangilangane ne mushete wa ndondu awu, muaba utuikala tumuenangana nebe.

Balombodi 20:27

Tshikondu atshi, mushete wa tshijila wa Mvidi Mukulu uvua ku Betele.

Misambu 90:1

Moshe, muntu uvua Mvidi Mukulu mutume, udi utendelela Mvidi Mukulu. Maweja-Nangila, mu bikondu bionsu, wewe ke uvua tshisokomenu tshietu.

Lewitiki 1:1

Pavua Maweja-Nangila mu ntenta wa kusambakena, kubikilaye Moshe, kumuambila bua

Ekesode 31:18

Nanku, Maweja-Nangila mumane kujikija diyuki ne Moshe ku mukuna wa Sinayi, kupeshaye Moshe mabue abidi ne mikenji ivuaye mudifundile nkayende.

Ekesode 31:6

Ndi muangate kabidi Okoliyabe, muana wa Akisamaka wa mu tshisamba tshia Dane, bua ikale umuambuluisha. Ndi mupeshe bantu bakuabu tshipedi tshia kuenza midimu ya bianza. Nanku, bonsu pamue nebenze bionsu bimvua mukuambile bua wewe kuenza:

Ekesode 20:24

Kadi nungenzele tshilambuilu tshibaka ne buloba. Pa mutu patshi nundambuilepu milambu ya kuosha ne ya ditua ndondu, nusungula munkatshi mua ngombe, mbuji ne mikoku yenu. Miaba yonsu indi mumuambile bua nuenu kuntendelela, nengikale munkatshi muenu bua kunuela lupemba.

Genese 18:33

Bajikija kuakula, Maweja-Nangila kumuka, Abrahame kupingana kuende.

Ekesode 27:21

Mu ntenta wa kusambakena amu, Arone ne bana bende ba balume, batekemu tshitekelu tshia muendu. Tshitekelu tshia muendu atshi, tshikale kumpala kua tshilamba tshidi tshilembeleja bua kujika muaba udi mushete wa ndondu. Miendu ayi, ikale itema butuku ne munya muaba undi meme Maweja-Nangila. Bena Izrayele ne ndelanganyi yabu yonsu, balame mukenji ewu kashidi.

1 Kulondolola 13:6

Davide ne bena Izrayele bonsu kuya mu tshimenga tshia Baala, mmumue ne Kiriyate-Yeyarime, mu tshisamba tshia bena Yuda, bua kuangata mushete. Mushete awu uvua mujidila Mvidi Mukulu, udi usomba pa mutu pa bakerubine.

Misambu 80:2

Eyi, mulami wa mikoku wa bena Izrayele, teleja! Wewe udi ulombola bantu bebe bu mudi muena mikoku, wewe udi ne nkuasa wa bumfumu pa mutu pa bakerubine.

Yezekiyele 43:6

Meme kumvua muntu ungakuisha. Diyi diende difumine munda mua nzubu wa Mvidi Mukulu. Kadi muntu uvua mumfikishe muaba awu utshivua anu ku luseke luanyi.