Ekesode 25:10 - MUKANDA WA MYIDI MUKULU

¹⁰ “Bena Izrayele bangenzele mushete wa mitshi ya ndunga, bule buawu buikale bua metre umue ne santimetre makumi abidi ne itanu, butshiama buawu buikale santimetre makumi muanda mutekete ne itanu, butumbuke buawu buikale kabidi santimetre makumi muanda mutekete ne itanu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bobo nebenze mushete wa mutshi wa acacia buludi bua mushete nebuikale coudées ibidi ne tshituha, ne butshiama buau nebuikale coudée umue ne tshituha, ne bule buau bua mulu nebuikale coudée umue ne tshituha.

Ekesode 25:10 Referans Kwoze

Ebrewu 9:4

Muaba awu uvua tshilambuilu tshienza ne tshiamu tshia mpawungi tshivuabu boshela musenga wa manananshi. Muvua kabidi mushete wa ndondu mulamika mpawungi mubidi mujima. Munda mua mushete muvua dibungu dia mpawungi dikale ne mana, dikombu dia Arone disase bilongu, ne mabue avuabu bafundile mikenji ya ndondu.

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

2 Kulondolola 8:11

Shelomu kutumina mukajende, muana wa mukalenga wa bena Ejipitu, diyi bua umuke mu Tshimenga tshia Davide, aye kusomba mu nzubu wa bukalenga uvuabu bamuibakile. Mukalenga Shelomu kuamba ne: “Nansha mukajanyi kena mua kusomba kabidi mu nzubu wa bukalenga wa Davide, mukalenga wa bena Izrayele to, bualu nzubu mene idibu bateke mushete wa tshijila wa Maweja-Nangila idi anu ya tshijila.”

Ekesode 35:12

Benze mushete wa ndondu ne mitshi ya kuelaku, ne tshibuikidiji tshiawu. Benze tshilamba tshidi tshijika mushete awu.

Dibadika 3:31

Bena tshisamba etshi bavua ne mudimu wa kulama bimpe mushete wa ndondu, mesa a tshijila, tshitekelu tshia miendu, bilambuilu, malongu adibu benza nawu mudimu muaba wa tshijila, kabidi ne tshilamba tshidibu balembeleja munda mua nzubu wa tshijila.

Dibadika 4:5

Padi bena Izrayele bamuangala, Arone ne bana bende ba balume nebumushe tshilamba tshidi tshilembeleja kumpala kua muaba wa tshijila, batshibuikila pa mushete wa ndondu.

Ekesode 31:7

ntenta wa kusambakena, mushete wa ndondu, tshibuikidiji tshia mushete ne bintu bionsu bidi mu ntenta,

Ekesode 39:32

Bena mudimu kujikija mudimu onsu wa ntenta wa kusambakena ne wa nzubu wa tshijila. Bavua benza midimu ayi menemene anu bu muvua Maweja-Nangila muambile Moshe.

Dibadika 4:6

Nebabuikile kabidi mushete ne tshiseba tshia nyama wa nkonga. Nebateke kabidi pa mutu pa bionsu ebi tshilamba tshifikuluke tshienza ne miosa ya nyama. Pashishe nebabueje milonda ku mushete bua kuwambuilaku.