Ekesode 24:6 - MUKANDA WA MYIDI MUKULU

⁶ Moshe kuangata mashi a nyama ayi kuela mu dilongu. Makuabu kuamiaminaye ku tshilambuilu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Mose wakangata tshituha tshibidi tshia mashi, wakateka mu malonga, wakamiamina tshituha tshikuabo tshibidi ha tshioshelu.

Ekesode 24:6 Referans Kwoze

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.

Ekesode 24:8

Moshe kuangata kabidi mashi avua mashale mu dilongu, kuamiamina bena Izrayele pambidi, wamba ne: — Mashi aa, adi ajadika ndondu uvua Maweja-Nangila mutue nenu pavuaye nnumanyisha meyi ende.

Ebrewu 9:18

Ke pavua ndondu wa kumpala kabidi kayi ne bukole, mashi kaayi manji kumata panshi.

Lewitiki 4:6

Atue munu mu mashi awu, amiamine mashi misangu muanda mutekete ku luseke ludi lumueneka lua tshilamba tshidi tshilembeleja muaba wa tshijila udi Maweja-Nangila.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Kolose 1:20

mMujadike kabidi bua bionsu bipingane kudiye, bitue nende ndondu munda mua Muanende awu. Ku lufu lua Muanende pa mutshi mutshiamakane, Mvidi Mukulu mmubueje bupole pankatshi pende ne bionsu. Ke muvuaye mupingaje bionsu kudiye, mutue nabi ndondu, nansha ne bidi pa buloba, nansha ne bidi mu diulu.

Lewitiki 3:8

Ateke tshianza pa mutu pa mukoku awu. Aukose muminu kumpala kua ntenta wa kusambakena. Batuangaji bamiamine mashi a mukoku awu ku nseke yonsu ya tshilambuilu.

Lewitiki 3:2

ateke tshianza pa mutu pa ngombe awu, amukosele muminu mu mushiku wa mbelu wa ntenta wa kusambakena. Batuangaji, bana ba Arone, bamiamine mashi a ngombe awu ku nseke yonsu ya tshilambuilu.

Lewitiki 1:11

Amukose muminu kumpala kua ntenta, luseke lua ku mutu kua tshilambuilu. Batuangaji bamiamine mashi awu ku nseke yonsu ya tshilambuilu.

Lewitiki 1:5

Akose ngombe awu muminu kumpala kua ntenta. Batuangaji, bana ba Arone, baye ne mashi a ngombe awu kudi Maweja-Nangila. Baamiamine ku nseke yonsu ya tshilambuilu tshidi ku mushiku wa mbelu wa ntenta.

Ekesode 29:20

Wewe Moshe, ukose mukoku wa tshimpanga awu mutu, wangate mashi, ulabe Arone ne bana bende ba balume ku lusongu lua ditshi dia lua balume dia mutu yonsu, ku tshiala tshia tshianza tshia balume ne ku muana nkasa munene wa dikasa dia balume dia muntu yonsu. Kadi, mashi adi mashale, witshikije ku nseke yonsu inayi ya tshilambuilu.

Ekesode 29:16

wewe uukose mutu, usashile mashi ku nseke yonsu ya tshilambuilu.

Ekesode 12:22

Nuangate mabeji a mutshi wa isope. Nuatue mu mashi adi mu dilongu. Nulabe mashi awu ku dibaya didi kulu kua tshiibi ne ku mabaya adi ku nseke yatshi. Kabidi nushale anu ku nzubu yenu too ne muatshia butuku. Muntu kapatuki to.

Ekesode 12:7

Ku nzubu yonsu kudibu badie munyinyi awu, nebalabe mashi ku dibaya didi kulu kua tshiibi ne ku mabaya adi ku nseke yatshi.

1 Korente 11:25

Momumue, bobu bamane kudia, kuangataye dikopu, wamba ne: “Dikopu edi didi ndondu mupiamupia wa Mvidi Mukulu, udi mashi anyi ajadika. Misangu yonsu inudi nunuinamu, nuenze nanku bua kumvuluka.”

Ebrewu 8:9

Kakuikala bu ndondu umvua mutue ne bankambua babu, dituku dimvua mubakuate ku diboku, bua kubapatula mu Ejipitu. Kabavua balame ndondu ewu umvua mutue nabu. Nanku meme kubalengulula. Ke mundi meme Maweja-Nangila njadika nanku.

Ebrewu 9:19

Diambedi, Moshe uvua muambile bantu meyi ne mikandu bionsu, mudiye mubifunde mu mukanda wa mikenji. Pashishe kuangataye mashi a bana ba ngombe, kabidi ne mayi, ditamba dia mutshi wa nsompu pamue ne buanda bukunze, kumiaminaye mashi pa mukanda wa mikenji, kabidi pa mitu ya bantu bonsu.

Ebrewu 9:21

Pashishe Moshe kumiamina kabidi mashi ku ntenta ne ku bintu bionsu bivuabu benze nabi mudimu wa kutendelela.

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

Misambu 99:6

Moshe ne Arone, ba munkatshi mua batuangaji bende, Samuwele wa munkatshi mua bavua babikila dina diende, bonsu aba kubikilabu Maweja-Nangila. Yeye uvua ubitaba.

Yirmeya 31:32

Kayakuikala bu ndondu imvua mutue ne bankambua babu, pa-mvua mubakuate ku tshianza bua kubapatula mu Ejipitu. Bualu ndondu ayi bavua bayinyanga! Eku meme mvua mfumu wabu.