Ekesode 23:20 - MUKANDA WA MYIDI MUKULU

²⁰ “Mutumibue wanyi neafike kunudi bua kunulama mu njila ne kunufikisha ku muaba undi munulongoluela.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Mona, ndi nfuma muanjelo ku mpala kuebe, bua kukulama mu nshila ne bua kulua nʼebe mu muaba unakakulongoluela.

Ekesode 23:20 Referans Kwoze

Ekesode 33:14

Maweja-Nangila kuandamuna Moshe ne: — Meme nkayanyi nenkulombole; neutshimune.

Misambu 91:11

Bualu Maweja-Nangila neatumine batumibue bende diyi, bua bakulame kuonsu kuudi uya.

Ekesode 32:34

Wewe ndaku, ufikishe bantu muaba umvua mukuambile, mutumibue wanyi neakulombole. Kadi diba dingafika, ndi ne bua kubanyoka bikole bua tshilema tshidibu benza etshi.

Ekesode 14:19

Mutumibue wa Mvidi Mukulu kuya kuimana kunyima kua mitanda ya bena Izrayele. Divuba kabidi, divua kumpala kuabu, kupingana kunyima kuabu.

Yeshaya 63:9

Mu makenga abu onsu, kena mutume muntu mukuabu bua kubambuluisha. Kadi uvua mubasungidile amu yeye mene. Yeye uvua muangate bualu buabu ne manza abidi, bualu uvua mubanange, ubumvuila luse. Yeye ke uvua mudiangatshile malu abu, mubambule mu maboku ende, ku tshikondu ne ku tshikondu.

Ekesode 33:2

Nanku, nentume mutumibue wanyi bua kunulama. Nennuipatshile bena Kenaane, bena Amore, bena Iti, bena Perizi, bena Ivi ne bena Yebusa.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Yowanane 14:3

Meme mumane kuya kunulongoluela muaba, nempingane bua kunuangata, bua nuikale nuenu kabidi muaba undi.

Malaki 3:1

Telejayi mudi Mvidi Mukulu wa bukole buonsu unuandamuna ne: “Ndi ntuma muntu wanyi ne mukenji bua kundongoluelaye njila. Maweja-Nangila unudi nujinga neafike lukasa mu nzubu wende. Muntu udi ne mukenji unudi bindile awu, neanumanyishe ndondu undi mutue nenu. Nyeye awu ukadi ulua!”

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Yoshua 5:13

Dituku dikuabu, Yoshuwa uvua pabuipi ne Yeriko. Diakamue kumonaye muntu muimane kumpala kuende. Muntu awu uvua ne muele mupatula mu tshibubu, mukuata ku tshianza. Yoshuwa kutantshila kudiye, umuebeja ne: — Udi ku luseke luetu anyi, udi ku lua baluishi betu?

Ekesode 15:17

Maweja-Nangila, wewe kubafikisha, kubasombesha, pa mukuna uudi mudisunguile, pa muaba uudi musue kusomba, mu nzubu wa tshijila uudi mudiashile.

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 24:40

Mfumuanyi Abrahame kungandamuna ne: “Maweja-Nangila undi mvuluka matuku onsu, neakuendeshe diakalenga. Mutumibue wende neakulombole. Neakuleje nsongakaji wa mu tshisamba tshietu, mu diku dia tatu wanyi, uudi mua kuselela muananyi.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Dibadika 22:22

Mvidi Mukulu kufikila Balaame munda bua luendu alu. Mutumibue wende kuya kujika Balaame mu njila. Balaame uvua mubande pa nyama wa mpunde. Bena mudimu babidi bavua nende.

Dielulula 33:2

Maweja-Nangila mmufume ku mukuna wa Sinayi, mmujuke mu ditunga dia Seyire, bu diba, mmubande pa mukuna wa Parane, bua kuleja bantu butumbi buende. Batumibue binunu badi benda nende. Mmufike kudi bena diende, mukuate ku bianza mikenji idi ikenka bu kapia.

Yoshua 23:5

Maweja-Nangila Mvidi Mukulu wenu, Yeye nkayende neipate bisamba ebi kumpala kuenu. Neabinyemeshe, panuasemena pabuipi. Nenukuate ditunga diabu, bu muvua Maweja-Nangila mumane kulaya.

Yoshua 5:14

Muntu awu kuandamuna ne: — Ntshidi mfika amu mpindiewu. Tshiena wa ku luseke luenu, nansha wa ku lua baluishi benu to. Ndi mfumu wa tshikulu tshia Maweja-Nangila. Nanku Yoshuwa kudiela mpala panshi, umuambila ne: — Meme ndi muena mudimu webe. Tshiudi untumina diyi bua meme kuenza ntshinyi?

Zekâya 12:8

Pashishe Maweja-Nangila neambuluishe bena Yerushalayime: badi kabayi ne bukole munkatshi muabu, nebapete bukole bu bua Davide. Ndelanganyi ya Davide neikale bu Mvidi Mukulu wabu, bu mudi mutumibue wa Maweja-Nangila udi wenda kumpala kuabu.