Ekesode 22:18 - MUKANDA WA MYIDI MUKULU

¹⁸ “Muntu yonsu udi ulala ne nyama, numushipe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Kuitabushi bua muena milongo mukashi ashale ne muoyo.

Ekesode 22:18 Referans Kwoze

Lewitiki 20:27

“Padi muntu mulume nansha mukaji, bikale ne tshibidilu tshia kubukila bantu bakuabu, bua kumvua mudi bakishi bamba, bantu aba babase mabue, babashipe. Bualu mbadikebele lufu nkayabu.”

1 Samuele 28:3

Samuwele mumane kufua, kumujikabu mu tshimenga tshiabu tshia Rama. Bena Izrayele bonsu kumuenzela madilu. Kadi Shawule mu bukalenga buende uvua mumane kukandika bilelu bia kubuka, ne bia kukonka bakishi malu.

Lewitiki 20:6

“Padi muntu ubukisha lubuku lua mishindu yonsu, bua kumvua mudi bakishi bamba, udi mufuanangane ne muntu udi utendelela mvidie. Nanku nemmunyoke, mmuipate munkatshi mua bena Izrayele.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Lewitiki 19:31

“Kanubuelakanyi ne bantu badi babuka bua kumvua tshidi bakishi bamba. Nuenu benze nanku, nenupie mikiya. Bualu meme ndi Maweja-Nangila Mvidi Mukulu wenu.

Lewitiki 19:26

“Kanudidi munyinyi wa nyama pa muaba muine unuvua bamushipe, bamupatuile mashi to. Kanuenji majimbu, kanubuki to.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Bienzedi 19:19

Bantu bavule bavua benza malu a majimbu, kufika ne mikanda yabu, kuyosha, bantu bonsu bamone. Bavua batshinka mushinga wa mikanda ayi, bapeta nkanu ya tshiamu tshitoke tshia mushinga mukole binunu makumi atanu.

1 Samuele 28:9

Mukaji muena lubuku kuandamuna ne: — Udi mumanye bimpe ne: bantu bonsu bavua babuka, bakonka bakishi malu, mukalenga Shawule mmumane kubabutula mu ditunga diende. Wewe udi mufike kundi ne budimu bua kunshipesha anyi?

Yirmeya 27:9

Nanku, nuenu kanuteleji bambi benu to. Kanuteleji batshidi banuambila malu adi kumpala, banudinga ne: ke atuvua bamone mu ndota, mu mbuku, ne mu majimbu. Bualu bonsu badi banuambila ne: Kanuitabi ku diyi dia mukalenga wa Babilone.

Yirmeya 27:10

Badi banudinga. Nuenu babateleje, nebaye nenu muaba mule. Nennuipate mu buloba buenu, nennubutule.

Lewitiki 18:23

“Kuena ne bua kulala ne nyama to, bualu neupie mikiya. Kabidi muntu mukaji kena mua kulala ne nyama to. Muntu muenze nanku, udi unyanga mikenji.

Dielulula 27:21

“Muntu yonsu udi ulala ne nyama, asangane muena tshibawu kuenza anyi?” Bonsu ne: “Enze!”