Ekesode 21:2 - MUKANDA WA MYIDI MUKULU

² “Nuenu basumbe muena Ebrewu, anuenzele mudimu wa mupika anu bidimu bisambombu. Kadi tshidimu tshia muanda mutekete, numulekele tshianana, kayi unufuta to.

Mukanda wa Nzambi Dihungila Dikulukulu ne Dihungila Dihia-dihia 2003

² Biwasumba muhika, Muena Ebelu, yeye neakukuatshile mudimu bidimu bisambombo, ne tshidimu tshia muanda mutekete yeye neahete budishikaminyi hatuhu.

Ekesode 21:2 Referans Kwoze

Dielulula 15:18

Kanuikadi ne kanyinganyinga bua kupesha mupika budikadidi to. Bualu bidimu bisambombu bidiye munuenzele mudimu, mmunupeteshe bintu bia bungi, bipite misangu ibidi binuvua mua kupeta kudi muena mudimu unudi nufuta. Nanku mupika apete anu budikadidi, bua Maweja-Nangila Mvidi Mukulu wenu anusankishe mu bionsu binudi nuenza.

Ekesode 12:44

“Mupika yonsu unudi basumbe, numuteke panshi bua amone mua kubidia.

Nehemya 5:8

Meme kubambila ne: — Tuetu kuenza muetu muonsu, kupikula bana betu bena Yuda bavua badisumbisha bu bapika kudi bantu benyi. Kadi nuenu mpindiewu bena Izrayele, nukadi nupanangana nkayenu mu bupika! Bantu bonsu kupuwa.

Dielulula 31:10

Moshe kubambila ne: — Padi bidimu muanda mutekete bikumbane, nuafiki ku tshikondu tshia kulekelangana mabanza, ne tshia kuenza tshibilu tshia tuzubu tua Bisasa.

Dielulula 15:1

Padi bidimu muanda mutekete bikumbana, nuikale nulekelangane mabanza onsu anudi nawu.

Ekesode 22:3

“Kadi bobu bamusangane ne bimuna bivuaye muibe abi bitshikale ne muoyi: ngombe, mpunde, mukoku nansha mbuji, bua tshimuna tshimue neafute bimuna bibidi.

1 Korente 6:20

Mvidi Mukulu mmunusumbe, mufute mushinga. Nanku tumbishayi Mvidi Mukulu mu mubidi wenu.

Matayi 18:25

Muntu ewu kavua ne kantu ka kuhita dibanza edi. Nanku mukalenga wende kutuma diyi bua bamupane bu mupika, bapane kabidi mukajende, bana bende, ne bionsu bivuaye nabi bua kuhita dibanza diende.

2 Bakalenga 4:1

Mukaji mukuabu uvua mufuishe bayende. Bayende awu uvua wa mu tshisumbu tshia bambi. Mukaji awu kuya kudi Elisha, umusengelela bua kumuambuluisha, wamba ne: — Elisha, udi mumanye ne: bayanyi mmumane kufua. Kadi, muntu uvua mutusombeshe makuta, mmufike bua kuangata bana banyi babidi, bua bashale bapika bende.

Genese 27:36

Esawu kuandamuna ne: — Dina dia Yakobe ndimukumbane: “Bualu mmundimukile be,” mmundinge misangu ibidi. Musangu wa kumpala uvua mundinge. Kuangataye ku bukole bumuanabute buanyi. Lelu wandingi kabidi, wanyengi lupemba luwabu ne bua kungela meme. Kadi Esawu kukonka tatuende ne: — Kuena mua kungela panyi lupemba nansha lukese anyi?

Genese 27:28

Mvidi Mukulu akulokeshile dibungi dia mu diulu, akupeshe biakudia bia bungi mu madimi. Akupeshe ntete ya kuenza bukula ne maluvu bivule.

Ekesode 21:3

Panuikala bamusumbe nkayende, numutekela kabidi anu nkayende. Kadi panuikala bamusumbe ne mukajende, nubalekele bonsu babidi.

Ekesode 21:7

“Muntu musumbishe muanende wa bakaji ku bupika, kabena batekela mukaji awu bu mudibu batekela muntu mulume to.

Lewitiki 25:54

Padi muena Izrayele awu kayi mua kudipikula, nansha kabayi mua kumupikula yeye ne bana bende, nebabapatule mu bupika tshidimu tshia ‘Mufikilu’ wa disanka dinene.