Ekesode 19:15 - MUKANDA WA MYIDI MUKULU

¹⁵ Moshe kubambila kabidi ne: — Munkatshi mua matuku asatu, kanubueledi bakaji mu nzubu to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Yeye wakambila bantu ne, Nudilongolole ku dituku disatu, kanuyi ha buihi ne bakashi nansha.

Ekesode 19:15 Referans Kwoze

1 Korente 7:5

Kanubenganganyi mu nzubu. Panuikala basue kubengangana nanku, nuanji kumonangana. Nuenze kabidi nanku amu bua matuku makese, bua numone mua kutendelela muenu muonsu. Pashishe nudisange tshiakabidi mu nzubu, muenu mua tshibidilu. Kanuyi benze nanku, nudi mua kupanga kudilama, diabolu udi mua kunuteya, kunutshimuna.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Yowele 2:16

Nusangishe bantu, babuele bonsu muaba wa tshijila! Nusangishe bakulumpe ne bana, too ne batshidi bamua dibela. Nanku batshidi babueleleku mu dibaka, bapatuke mu nzubu yabu, basangile pamue ne bakuabu.

Matayi 24:44

Ke panudi ne bua kuikala bamane kudilongolola, bualu Muana wa muntu neafike diba dinudi kanuyi belele meji.

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Zekâya 7:3

ne bua kukonka batuangaji ne bambi ne: — Tudi ne bua kutungunuka amu ne miadi, tujila kabidi biakudia mu ngondu muitanu wa tshidimu tshionsu, bu mutudi tuenza kukadi bidimu bia bungi anyi?

Zekâya 6:3

ku ditempu disatu, tubalu tutoke, ku ditempu dinayi, tubalu tukunzubile tua matobamatoba.

Amosa 4:12

Kadi mpindiewu nemfike menemene! Bena Izrayele, nenumone mundi nnunyoka. Nudilongolole bua kupetangana nanyi, bua kudileja kumpala kuanyi meme, Mvidi Mukulu wenu.

Ekesode 19:16

Nanku, dituku disatu dinda, makubakuba ne miele ya mvula kumvuika ku mukuna. Pashishe divuba dinene kumueneka ku mukuna. Bantu bonsu bavua mu mitanda, bumvue kabidi muadi mukole wa mpungi, kuzakala bikole.

Ekesode 19:14

Moshe kutuluka ku mukuna. Kuambilaye bena Izrayele malu onsu awu. Kusululabu bilamba biabu, kumushabu mikiya.

1 Kulondolola 15:12

Kubambilaye ne: — Nuenu nudi ku mutu kua meku a bena Levi. Nudikobolole nuenu ne bena meku enu. Pashishe nuye kuangata mushete wa Maweja-Nangila, Mvidi Mukulu wa bena Izrayele, bua kuya kuuteka muaba undi muulongoluele.

Lewitiki 15:18

“Padi mulume mubuelele mukaji mu nzubu, bonsu babidi nebowe mayi mubidi mujima. Kadi nebikale bapie mikiya too ne ku dilolu.