Ekesode 18:9 - MUKANDA WA MYIDI MUKULU

⁹ Yetro kusanka bikole bua bilenga bionsu bivua Maweja-Nangila muenzele bena Izrayele bua kubapatula mu bupika bua bena Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yetelo wakasanka bua malu mimpe onso akenzela Yehowa Bena Isalele, bualu bua yeye wakabasungila mu bianza bia Bena Ejipitu.

Ekesode 18:9 Referans Kwoze

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

Rome 12:15

Sankayi ne badi basanka, nudile ne badi badila.

Rome 12:10

Nanganganayi, mudi bana ba muntu umue banangangana. Nunemekangane ne disuminyina.

Yeshaya 66:10

Nuenu badi bananga Yerushalayime, sankayi nende pamue, sangulukayi bualu buende. Nuenu bonsu bavua mu madilu, bua pavuaye mu dikenga, sankayi nende mpindiewu.

Yeshaya 44:23

Eyowa, Maweja-Nangila udi muenze bualu. Diulu, leja disanka diebe patoke. Bidi mu kandondu ka buloba, imbayi ne meyi makole. Nuenu mitshi idi mu metu, nuenu kabidi mikuna, elayi mbila ya disanka. Bualu Maweja-Nangila udi upandisha bantu bende. Udi uleja lumu luende, padiye usungidila bena Izrayele.

1 Samuele 15:6

Ke Shawule kuambila bena Kayine ne: “Umukayi munkatshi mua bena Amaleke, nuye mutantshi mule. Tshiena musue kunukengesha, bu mundi mbakengesha bobu to. Bualu nuenu nuvua bafuile bena Izrayele luse, pavuabu bapatuke mu Ejipitu.” Nanku bena Kayine kumuka muaba uvua bena Amaleke.

Yeshaya 63:7

Ndi musue kuvuluija bantu muoyi mulenga udi Maweja-Nangila nawu. Ndi musue kumutumbisha, bua bionsu bidiye mutuenzele. Uvua muenzele tshisamba tshia Izrayele bimpe bitambe, bualu udi utshinanga kashidi, utshifuila luse misangu yonsu.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”