Ekesode 18:1 - MUKANDA WA MYIDI MUKULU

¹ Yetro, mutuangaji wa mu Madiyane, tatuende muenu wa Moshe, kumvua-ye lumu lua bionsu bivua Maweja-Nangila Mvidi Mukulu muenzele Moshe ne bena Izrayele pawaye mubapatule mu Ejipitu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yetelo, mubuki wa Midiyana, tatu-muenu wa Mose, wakunvua malu onso akenzela Nzambi Mose ne Bena Isalele, bantu bandi, ne muakalua Yehowa ne Bena Isalele mu Ejipitu.

Ekesode 18:1 Referans Kwoze

Ekesode 3:1

Moshe uvua udisha bimuna bia tatuende muenu Yetro, mutuangaji wa mu Madiyane. Dituku dikuabu kupitshilaye mu tshipela too ne ku Orebe, mukuna wa Mvidi Mukulu.

Ekesode 2:16

Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.

Bienzedi 14:27

Bafika ku Antiyokiya, kusangishabu Tshisumbu tshia bena ditaba. Kubalondelabu bionsu bivua Mvidi Mukulu wenza nabu, ne muvuaye munzuluile bantu ba bisamba bikuabu kabidi tshiibi, bua bafike ku ditaba.

Zekâya 8:23

Diba adi, bantu dikumi ba mu bisamba bishilangane, nebakuate muena Yuda umue, ku luzemba lua tshilamba, bamuambila ne: ‘Tudi basue kuya nebe, bualu tudi bajingulule ne: Mvidi Mukulu udi kuenu.’ ”

Misambu 106:2

Udi mua kuambila bantu malu a bulobu bua Maweja-Nangila, ne kubaleja butumbi buende nnganyi?

Misambu 105:43

Bantu bende bavua ne disanka pavuaye mubapatule, bantu bavuaye musungule, bavua bela mbila ya disanka.

Misambu 78:4

Katuena basue kuasokoka bana betu, kadi netuambile ndelanganyi yetu, mudibu mua kutumbisha Maweja-Nangila, bukole buende ne malu a kukema adiye muenze.

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Misambu 34:2

Nengele Maweja-Nangila tuasakidila diba dionsu, nemmusamune matuku onsu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Yoshua 2:10

Tuvua bapete lumu ne: diba dinuvua numuka mu ditunga dia Ejipitu, Maweja-Nangila uvuamumishe Mayi manene makunze bua nuenu kusabuka. Kabidi tuvua bumvue ne: nuvua bashipe Sihone ne Oge, bakalenga ba matunga abidi a bena Amore, banyangakaje kabidi bintu biabu. Bakalenga abu, bavuabase luseke ludi diba dipatukila lua Yardene.

Rome 15:18

Bualu meme musue kutela bualu kampanda, ndi ngamba amu bivua Kristu muenze kundi, bua kufikisha bantu ba bisamba bikuabu ku ditumikila Mvidi Mukulu. Uvua muenze nanku ku bimvua muambe, ne ku bimvua muenze,

Bienzedi 15:12

Bonsu bavua mu tshipangu kushala bapuwa. Bavua bateleja muvua Barnabase ne Polu babalondela malu a dikema ne bishima bionsu bivua Mvidi Mukulu muenzele bantu ba bisamba bikuabu mu bianza biabu.

Yirmeya 33:9

Nanku, nengikale ne disanka pa kutela dina dia Yerushalayime. Tshimenga etshi nentshikebele lumu ne butumbi kudi bisamba bionsu bia pa buloba. Padi bantu bajingulula malu mimpe amvua muenzele Yerushalayime, nebazakale. Nebakanke pamonabu diakalenga ne disanka bimvua mupeshe bena tshimenga etshi.

Misambu 105:5

Nuenu ndelanganyi ya Abrahame, muntu wende, nuenu bana ba Yakobe bantu bende basungula! Nuvuluke malu a kukema adiye muenze, mwuluke bishima biende, ne meyi ende avuaye muambe mukana muende.

Balombodi 4:11

Ebere, muena Kayine, uvua usomba pabuipi ne Kadeshe. Uvua muase ntenta wende ku luseke lua mutshi wa lusanga uvua mu Sananime. Uvua mumane kumuka munkatshi mua bena Kayine bakuabu, ndelanganyi ya Obabe, bukonde bua Moshe.

Dibadika 10:29

Moshe kuambila bukonde buende, Obabe, muana wa Reyuwele, muena Madiyane, ne: — Tuetu tudi tuya mu ditunga divua Maweja-Nangila mutulaye. Nanku mbimpe tuye nebe. Tshintu tshionsu tshikale Maweja-Nangila mutupeshe, neupete pebe.

Ekesode 4:18

Moshe kuya kudi tatuende muenu Yetro, kumuambila ne: — Ndi ne bua kuya kumonangana ne bana betu badi bashala mu Ejipitu bua kujadika ne: batshidi ne muoyi. Tatuende muenu kuitaba ne: — Waya bimpe.

Ekesode 2:21

Moshe kuitaba bua kusomba kua muntu awu. Yetro kuselesha muanende wa bakaji Sefora kudi Moshe.

Ekesode 2:18

Bansongakaji kupingana pambelu. Tatuabu Yetro kubakonka ne: — Lelu munudi bapingane lukasa nanku mmunyi?

Ekesode 6:6

Nanku ambila bena Izrayele mu dina dianyi ne: “Ndi Maweja-Nangila! Nennumushe ku midimu mikole inudi nuenzela bena Ejipitu. Nennupatule ku bupika budibu banukuate. Nengenzeje bena Ejipitu ku bukole, mbanyoke bikole bua kunusungidila.

Balombodi 1:16

Bena Kayine, ndelanganyi ya tatuende muenu wa Moshe, kumuka mu tshimenga tshia Yeriko, tshiyuabu binyika tshia Mabue a ngaji. Kuyabu pamue ne bena Yuda. Kuasabu mu tshitupa tshia kuinshi tshia buloba bua bena Yuda, kuinshi kua tshimenga tshia Arade. Kusombabu munkatshi mua bena Amaleke.