Ekesode 17:2 - MUKANDA WA MYIDI MUKULU

² Kutandishabu Moshe, bambe ne: — Tupeshayi mayi a kunua! Moshe kubakonka ne: — Nudi nuntandisha bua tshinyi? Nudi nuteta Maweja-Nangila bualu kaayi?

Mukanda wa Nzambi Dihungila Dikulukulu ne Dihungila Dihia-dihia 2003

² Nunku bantu bakatandangana ne Mose, bakamba ne, Utuhe mai a kunua Mose wakabambila ne, Nudi nutandangana nʼanyi bualu kai? Nudi nuteta Yehowa munyi?

Ekesode 17:2 Referans Kwoze

1 Korente 10:9

Katuena mua kuteta Mfumu, muvua bamue ba kudibu benze. Ke nyoka kubasuma, bobu kufua.

Misambu 78:41

Kutuadijabu tshiakabidi kuteta Mvidi Mukulu. Kutombokelabu Mvidi Mukulu wa Tshijila wa Izrayele.

Misambu 78:18

Kutetabu Mvidi Mukulu, kumulomba biakudia.

Dielulula 6:16

Kanutetshi Maweja-Nangila Mvidi Mukulu wenu, bu munuvua bamuenzele ku Masa.

Ebrewu 3:9

Mvidi Mukulu udi wamba ne: Bankambua benu kumfunyina, kunteta mu tshipela amu, nansha muvuabu bamane kumona malu onsu amvua muenze bidimu makumi anayi.

Yeshaya 7:12

Kadi Akaze kuandamuna ne: — Too, tshiena ndomba tshintu nansha. Tshiena musue kuteta Maweja-Nangila.

Matayi 4:7

Yezu kumuandamuna ne: — Mukanda wa tshijila udi wamba kabidi ne: “Kutetshi Maweja-Nangila Mvidi Mukulu webe to.”

Misambu 95:9

Bavua bamfunyine, bavua bantete, nansha muvuabu bamone bimvua muenze.

Dibadika 21:5

Kujanabu Mvidi Mukulu ne Moshe, bamba ne: — Nuvua batumushe mu Ejipitu bua tshinyi? Bua tuetu kufuila nzala mu tshipela! Apa katuena ne mampa, katuena ne mayi a kunua! Tudi tudia anu mana bua dikenga. Kadi akadi matutonde.

Bienzedi 15:10

Kadi nudi nuteta Mvidi Mukulu mpindiewu bua tshinyi? Nudi basue komekela bena ditaba bujitu buvua bankambua betu, nansha tuetu mene katuyi mua kuambula anyi?

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Luke 4:12

Yezu kumuandamuna ne: — Mukanda wa Mvidi Mukulu udi wamba ne: “Kutetshi Maweja-Nangila Mvidi Mukulu webe.”

Malaki 3:15

Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”

Misambu 106:14

Kujingabu bikole bintu bivuabu kabayi nabi, kutetabu Mvidi Mukulu mu tshipela.

Misambu 78:56

Kadi bobu kubenga Mvidi Mukulu Muena kulu, kumutombokela, kushipa mikenji yende.

Dibadika 14:22

muntu nansha umue wa ku ndelanganyi eyi kakubuela mu Kenaane to. Bualu bantu aba mbamane kumona butumbi buanyi, ne malu a dikema andi mubenzele mu Ejipitu ne mu tshipela. Kadi nansha bobu bamone nanku, kabavua bangitaba to. Bavua bantete misangu ne misangu!

Ekesode 17:7

Bantu kuinyika muaba awu dina ne: Massa (mmumue ne: Diteta) ne Meriba (mmumue ne: Matandu), bualu bena Izrayele bavua batandisha Moshe. Kabidi bavua bateta Maweja-Nangila, badikonka ne: “Maweja-Nangila udi munkatshi muetu anyi kenamu?”

Luke 15:12

Muana muakunyi uvua ulomba tatuende ne: “Tatu, umpeshe tshianyi tshia bumpianyi tshindi ne bua kupeta.” Nanku tatu awu kuabanyina bana bende bi-vuaye nabi.

Ekesode 15:24

Bena Izrayele kunungana, bakonka Moshe ne: “Netunue tshinyi?”

1 Samuele 8:6

Samuwele kubungama bikole, bua pavua bantu bamulomba mukalenga. Ke kukonkaye Maweja-Nangila bualu ebu.

Dibadika 14:2

badiwula Moshe ne Arone, bamba ne: — Bivua bimpe tuetu kufuila mu Ejipitu, nansha mu tshipela emu!

Ekesode 5:21

Kuambilabu Moshe ne Arone ne: — Maweja-Nangila mmumone bionsu ebi. Neanunyoke, bualu tuetu katuena kabidi ne mushinga kudi mukalenga wa bena Ejipitu ne kudi bantu bende. Nudi batukebele dikenga ne lulu.

Ekesode 16:8

Moshe kuambila bena Izrayele ne: — Maweja-Nangila dilolu edi neanupeshe munyinyi, dinda neanupeshe mampa, nudie nuukute, bualu mmumvue bijanu bienu. Yeye ke unudi nujana. Kanuena nutujana tuetu to. Tuetu tudi tshinyi?

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Misambu 106:13

Kupuabu malu avuaye muenze muoyi lukasa, kubenga kuindila bua enze malu avuaye mupangadike.

Dielulula 9:22

Nuenu bena Izrayele, nuvua bafikishe kabidi Maweja-Nangila munda ku Tabera, ku Masa ne ku Kibrote-Taawa,