Ekesode 17:15 - MUKANDA WA MYIDI MUKULU

¹⁵ Ke Moshe kuashila Maweja-Nangila tshilambuilu, kutshinyika dina ne: “Maweja-Nangila ke dibendela dianyi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mose wakashila tshioshelu, wakidika dina dia tshi ne, Yehowa-nisi,

Ekesode 17:15 Referans Kwoze

Genese 22:14

Nanku Abrahame kuinyika muaba awu ne: “Mukuna wa Maweja-Nangila udi utupesha!” Mukuna awu batshidi baubikila too ne mpindiewu ne: “Pa mukuna ewu Maweja-Nangila neatupeshe.”

Balombodi 6:24

Ngideyone kuenzela Maweja-Nangila tshilambuilu muaba awu, kutshinyikaye ne: “Maweja-Nangila udi ufila ditalala.” Mpindiewu tshilambuilu atshi tshitshidi mu Ofra, musoku wa mu diku dia Abiyezere.

Misambu 60:4

Uvua muzakeje buloba, mubueleshe mitanta. Kadi jibikila mitanta, bualu buloba budi mua kupuka.

Genese 33:20

Kuasaye tshilambuilu muaba awu, kutshinyika ne: Ele, mmomumue ne Mvidi Mukulu wa bena Izrayele.

Ekesode 24:4

Moshe kufunda meyi onsu a Maweja-Nangila mu mukanda. Kujukaye dinda dionsu, kuasaye tshilambuilu kuinshi kua mukuna. Kujulaye kabidi makunji a mabue manene dikumi ne abidi. Tshisamba tshionsu tshia bena Izrayele tshivua ne dikunji diatshi.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 12:8

Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Ekesode 27:1

“Pashishe, wenze tshilambuilu tshia mabaya a mitshi ya ndunga tshia kuoshila milambu. Tshikale ne metre abidi ne tshitupa nseke yatshi yonsu. Butumbuke buatshi buikale metre umue ne tshitupa.

Ekesode 32:5

Arone umvua nanku, kuasaye tshilambuilu kumpala kua lupingu lua kana ka ngombe, kuelaye diyi wamba ne: — Malaba netusanke mu dina dia Maweja-Nangila.