Ekesode 15:3 - MUKANDA WA MYIDI MUKULU

³ Maweja-Nangila udi tshilobu tshia mvita. Dina diende mMaweja-Nangila.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa udi muena nvita, Yehowa ndina diandi.

Ekesode 15:3 Referans Kwoze

Misambu 24:8

— Mukalenga munene ewu nnganyi? — Ke Maweja-Nangila, tshilobu tshia makanda; Maweja-Nangila, tshilobu, kanyemi baluishi!

Ekesode 14:14

Lekelayi kupampakana, bualu Maweja-Nangila nealuangane mvita eyi pa mutu penu.

Yeshaya 42:8

Ndi Maweja-Nangila, ke dina dianyi meme. Tshiena mpesha bakuabu butumbi budi bunkumbanyine. Lumu ludi lungakanyine, tshiena ndupesha mvidie to.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Misambu 45:3

Bulenga bua mpala webe mbupite bua bantu bakuabu. Mishiku yebe idi yakula amu miaku ya meji. Mvidi Mukulu mmukuele lupemba kashidi.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:13

Moshe kuamba ne: — Mbimpe. Kadi pangaya kuambila bena Izrayele ne: “Mvidi Mukulu wa bankambua benu mmuntume kunudi,” pangebejabu ne: dina diende nnganyi nembandamune tshinyi?

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Yirmeya 33:2

— Meme Maweja-Nangila, mufuki wa buloba, udi mubufumbe, mubulame kabidi, ndi ngamba ne:

Ekesode 3:14

Mvidi Mukulu kumuambila ne: — “Meme ndi Mundi.” Ubambile ne: “Ndi Mundi mmuntume kunudi.”

Ekesode 14:25

Kunyangaye nkata ya matempu abu a mvita. Kupangabu mua kutungunuka ne luendu. Ke bena Ejipitu kuela mbila ne: — Tunyemayi bena Izrayele, bualu Maweja-Nangila udi ubaluila mvita bua kututshimuna.