Ekesode 15:2 - MUKANDA WA MYIDI MUKULU

² Maweja-Nangila udi bukole buanyi. Anu yeye ke Musungidi wanyi. Udi Mvidi Mukulu wanyi. Ndi tumutumbisha. Udi Mvidi Mukulu wa tatu wanyi. Ndi mmanyisha bantu bunene buende.

Mukanda wa Nzambi Dihungila Dikulukulu ne Dihungila Dihia-dihia 2003

² Yehowa udi bukole buanyi ne musambu wanyi, yeye wakulua luhandu luanyi, Yeye udi Nzambi wanyi, nemmutumbishe, udi Nzambi wa tatuʼanyi, nemmunemeke.

Ekesode 15:2 Referans Kwoze

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Misambu 118:14

Maweja-Nangila ke buanyi bukole, udi ungambuluisha.

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Misambu 59:17

Kadi meme ndi nkutumbisha, bualu udi ne bukole. Dinda ndi nkuimbila, bualu udi utunanga. Udi nzubu mukole undi mua kusokomena, muaba undi mua kubutama diba dia dikenga.

Yeshaya 25:1

Maweja-Nangila, wewe ke Mvidi Mukulu wanyi. Ndi musue kutumbisha bunene buebe, kumanyisha bantu lumu luebe. Bualu wewe uvua muenze bia dikema. Biuvua mujadike kale, udi mubikumbaje bionsu bungi buabi.

Misambu 140:7

Kadi meme kuambila Maweja-Nangila ne: “Wewe udi Mvidi Mukulu wanyi. Maweja-Nangila unteleje pandi nkutendakena.

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Filipe 2:11

batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Misambu 118:28

Wewe Maweja-Nangila, udi Mvidi Mukulu wanyi, ndi musue kukutumbisha. Mvidi Mukulu wanyi, ndi musue kumanyisha bunene buebe.

Misambu 99:5

Tumbishayi Maweja-Nangila, Mvidi Mukulu wetu, bua bunene buende, numukukuile ku bidiatshilu bia makasa ende. — Eyowa, Maweja-Nangila udi wa tshijila.

Misambu 34:3

Nentumbishe Maweja-Nangila bua bivuaye muenze. Badibu bakengesha nebanteleje, basanke.

Dielulula 10:21

Numutumbishe, bualu yeye nkayende ke Mvidi Mukulu wenu. Udi munuenzele malu manene a kukema, adi akuatshisha bowa, anudi bamone.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

2 Korente 5:19

Bualu Mvidi Mukulu mmukuate mudimu, bua Kristu alengeje bantu bonsu nende. Kavua musue kuvuluka kabidi malu abu mabi. mMutupeshe kabidi mudimu wa kumanyisha bantu mudibu mua kudilengeja nende.

Bienzedi 4:12

Kakuena lupandu kudi munga muntu to. Bualu panu ponsu Mvidi Mukulu kena mupe bantu dina dikuabu didi mua kutusungila.

Misambu 145:1

Musambu wamu mukanda wa misambu ya Davide, bua kutumbisha nawu Mvidi Mukulu. Mvidi Mukulu wanyi, wewe udi Mukalenga, nemmanyishe bantu buneme buebe, nenkuele tuasakidila kashidi.

2 Samuele 22:47

Maweja-Nangila atumbe! Wewe lubuebue luanyi, tuasakidila! Bantu batumbishe lumu lua Mvidi Mukulu, Lubuebue luanyi ne musungidi wanyi.

Ekesode 14:13

Moshe kuandamuna bena Izrayele ne: — Nukoleshe muoyi. Kanutshinyi to! Nenumone mudi Maweja-Nangila unupandisha lelu. Bena Ejipitu banudi bamona aba, katshia kanuakubamona kabidi to.

Ekesode 4:22

Wewe umanyishe mukalenga wa bena Ejipitu ne: Maweja-Nangila udi wamba ne: “Izrayele udi muananyi wa balume muanabute.

Efeze 2:22

Badisange nende, nudi penu bidibu bibaka nabi nzubu, bua, pamue ne bantu bakuabu bonsu, nuenze nzubu umue, muaba udi Mvidi Mukulu usomba mu Mueyelu wende.

Yeshaya 49:6

Yeye kungambila ne: “Kabiena bikumbana bua wikale muena mudimu wanyi anu bua kujula tshisamba tshia Yakobe, ne bua kupingaja kundi bena Izrayele badi bashale ne muoyi. Kadi ndi mukuteke kabidi butoke bua bukua bisamba, bua umone mua kupandisha bantu too ne ku ntengu ya buloba.”

Misambu 109:1

Musambu wa mu mukanda wa mulombodi wa bena misambu. Wa mu mukanda wa misambu ya Davide. Mvidi Mukulu wewe ke undi ntumbisha, kupuwi nansha,

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Ekesode 40:34

Diba adi divuba divua dibuikila ntenta wa kusambakena. Butumbi bua Maweja-Nangila kuwulabu muaba wa tshijila.

Didimanyisha 19:1

Malu aa mamane kupita, meme kumvua mu diulu meyi makole bu a bantu ba bungi, bamba ne: “Aleluya! Tumbishayi Maweja-Nangila! Lupandu, butumbi ne bukole bidi kudi Mvidi Mukulu wetu!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 4:22

Nuenu, bena Samariya kanuena bamanye tshinudi nutendelela. Tuetu, bena Yuda tudi bamanye tshitudi tutendelela. Bualu lupandu ludi lufumina kudi bena Yuda.

Luke 2:30

Bualu ndi mudimuene lupandu luebe,

Luke 1:77

ne bua kumanyisha bantu bende ne: Mvidi Mukulu neanusungidile, anujimijile mibi yenu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Yirmeya 32:38

Nebikale tshiakabidi bantu banyi. Meme nengikale Mvidi Mukulu wabu.

Yirmeya 31:33

Kadi Maweja-Nangila udi wamba ne: ndondu indi ntua ne bena Izrayele neikale nenku: Nemfunde mikenji yanyi mu muoyi wabu wa munda. Tshiena nyifunde kabidi pa mabue to. Nenyifunde munda muabu. Nengikale Mvidi Mukulu wabu, bobu nebikale bantu banyi.

Yirmeya 3:23

Eyowa, bavua batudinga, tuetu kutendelela mvidie ya bantu ba bisamba bikuabu pa mikuna. Tuetu kuenza mitoyi ya patupu pa mikuna. Kadi, anu wewe Maweja-Nangila Mvidi Mukulu wetu, ke udi mua kutupandisha tuetu bena Izrayele.

Yeshaya 66:1

Maweja-Nangila udi wamba ne: “Diulu didi nkuasa wanyi wa bukalenga, buloba ntshitekelu tshia makasa anyi. Nzubu unudi mua kungashila meme, nnzubu kaayi? Muaba undi meme mua kusomba mmuaba kaayi?

Yeshaya 45:17

Kadi bena Izrayele mbapete lupandu lua kashidi kudi Maweja-Nangila. Kabena bafue kabidi bundu. Kabena mua kubapepeja kudi muntu nansha umue.

Misambu 132:5

pandi tshiyi mupetele Maweja-Nangila muaba, tshiyi mupetele Mvidi Mukulu Mukole wa Yakobe nzubu!”

Misambu 68:20

Tuelayi Maweja-Nangila tuasakidila ku dituku ku dituku, bualu Mvidi Mukulu udi wambula bujitu buetu, utusungidila.

Misambu 30:1

Musambu wa mu mukanda wa misambu ya Davide, wa kuimba dituku didibu bajidila nzubu wa Mvidi Mukulu.

Misambu 28:8

Maweja-Nangila udi ulama bantu bende. Udi upandisha mukalenga uvuaye musungule, umukolesha ku muoyi.

Misambu 22:10

Maweja-Nangila, wewe uvua mumpatule munda mua mamu bimpe! Uvua munteke pa tshiadi tshiende, tshiyi ntshina tshintu!

Misambu 22:3

Mvidi Mukulu wanyi, butuku ne munya, ndi nkubikila, kadi tshiena mpeta dikisha, bualu kuena ungambuluisha!

1 Bakalenga 8:27

“Kadi Maweja-Nangila udi mua kusomba pa buloba anyi? Diulu, nansha diodi dialabale, kadiena mua kumukumbana to! Mudiye mua kusomba mu kazubu kandi muibake aka mbishi?

1 Bakalenga 8:13

Kadi, ndi mukuibakile nzubu muimpe, muaba uudi mua kusomba kashidi!”

2 Samuele 22:51

Maweja-Nangila udi wenza malu manene, bua kuambuluisha mukalenga uvuaye musungule. Muntu uvuaye mujidile udi umufuila luse kashidi, ke Davide, ne ndelanganyi yende yonsu.

2 Samuele 7:5

— Ndaku kudi Davide, muntu wanyi. Umuambile ne: teleja tshidi Maweja-Nangila wamba ne: “Wewe Davide kuena mua kungashila nzubu undi mua kusomba to.”

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Kolose 2:9

Bualu Mvidi Mukulu udi mujima munda mua Kristu mu bumuntu buende.

Genese 49:18

Maweja-Nangila, ndi mutekemene lupandu kuudi.

Balombodi 5:21

Musulu udi upueka bidimu ne bidimu, musulu wa Kishone, kubutula baluishi. Tuyayi mu mvita ne dikima!

Misambu 48:14

Nukatshile mudi bimana biatshi! Numone muvuabu bakoleshe imue nzubu! Nanku, nenumone mua kumanyisha ndelanganyi yalonda ne:

Abakuke 3:13

Kadi udi ufika bua kusungila bantu bebe, ne mukalenga uudi musungule, mujidile. Udi ushipa mukalenga wa tshisamba tshia bena buenzayi, ubutula kashidi bonsu badi bamulonda.

Ekesode 6:7

Nenuikale bantu banyi, nengikale Mvidi Mukulu wenu. Nenujadike ne: meme Maweja-Nangila ndi Mvidi Mukulu wenu. Ndi munumushe ku midimu mikole inuvua nuenzela bena Ejipitu.

2 Samuele 7:24

Wewe kuangata bena Izrayele, bua bashale tshisamba tshiebe kashidi. Maweja-Nangila wewe kushala Mvidi Mukulu wa bena Izrayele.

2 Samuele 22:3

Mvidi Mukulu wanyi udi lubuebue luanyi, muaba undi musokome tshiyi mua kupeta njiwu. Udi ngabu udi mundame, muaba mukole undi nyemena bua kupanda. Ndi nkeba mua kusokoma pabuipi nende, bua ansungidile ku malu makole onsu.

1 Kulondolola 16:14

Yeye ke Maweja-Nangila, Mvidi Mukulu wetu! Buloba bujima budi ku bumfumu buende!

Misambu 118:21

Maweja-Nangila, nenkutumbishe, bualu uvua mungitabe, mungambuluishe.