Ekesode 10:3 - MUKANDA WA MYIDI MUKULU

³ Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Mukanda wa Nzambi Dihungila Dikulukulu ne Dihungila Dihia-dihia 2003

³ Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Ekesode 10:3 Referans Kwoze

1 Petro 5:6

Nanku nudipuekeshe mu tshianza tshia bukole tshia Mvidi Mukulu, bua anubandishe tshikondu tshidiye musue.

Yakobe 4:10

Nudipuekeshe kumpala kua Mfumu. Yeye neanubandishe.

1 Bakalenga 21:29

— Udi mumone mudi Akabe mudipuekeshe kumpala kuanyi. Bu mudiye mudipuekeshe nanku, tshiena nkengesha bena diku diende patshidiye mu bukalenga to. Nembakengeshe anu pabuela muanende mu bukalenga.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Rome 2:4

Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

Yirmeya 13:18

Yirmeya, ambila mukalenga ne mamuende ne: “Tulukayi mu nkuasa wenu wa lumu, sombayi panshi, bualu tshifulu tshienu tshia bumfumu ntshimane kupona panshi.

Yezekiyele 5:6

Bena tshimenga etshi mbabenge meyi ne mikandu bimvua mubambile. Bavua benza kabidi bibi bivua bena mutumba nabu kabayi mua kuenza. Badi bantu ba muoyi mubi, bapite matunga avua mabanyungulukile ku bubi. Bualu kabena bitabe ku mikenji yanyi, mbabenge kulonda meyi anyi.

Yirmeya 13:10

Bualu ntshisamba tshibi tshidi tshibenga kuteleja malu andi ngamba. Badi anu ne tshitunu, benza malu a bupote. Badi balamate mvidie mikuabu, bayitendelela, bayinyikila mitu panshi. Nanku bantu aba bikale bu mukaba ewu, udibu kabayi mua kukuata nawu kabidi mudimu!

Yeshaya 2:11

Muena ditambisha neiname panshi. Muena kapeja, nebamupuekeshe. Dituku diadia nebamanye ne: amu Maweja-Nangila nkayende udi ne bukole.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Nsumuinu 1:24

Kadi pandi nnubikila, nudi nubenga kufika kundi. Ndi nnuoluela tshianza bua kunuambuluisha, kadi kanuena basue nansha kuntangila.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

2 Kulondolola 33:19

Mu mukanda wa malu a Ozayi mbafunde kabidi ditendelela diende, ne mushindu uvua Mvidi Mukulu muitabe dilomba diende. Mbafundemu malu mabi avuaye muenze, ne muvuaye mutombokele Mvidi Mukulu. Mbafundemu kabidi miaba iwaye muase nzubu, ne makunji ne mpingu bia kutendelela mvidie ya bantu benyi, pavuaye kayi muanji kutondela Mvidi Mukulu mibi yende.

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

Dibadika 14:27

— Bantu babi aba nebangele mpata kashidi anyi? Ndi mumvue mudibu banjane.

Ekesode 16:28

Maweja-Nangila kukonka Moshe ne: — Bena Izrayele nebabenge kuitaba meyi anyi ne mikenji yanyi too ne ku diba kaayi?

Ekesode 9:17

Kadi utshidi anu uditambisha, ubenga mua kutekela bantu banyi.

2 Kulondolola 7:14

padi bantu banyi bena Izrayele, bandi muinyike dina dianyi, badipuekesha, bantendelela, padi bena Izrayele bankeba, balekela bibidilu biabu bibi, Meme Maweja-Nangila, mu diulu mundi, nembateleje. Nembalekele bilema biabu, nengakaje ditunga diabu.

Ekesode 4:23

Nanku ndi nkutumina diyi ne: umulekele, aye kuntendelela. Kadi paudi ubenga bua kumulekela, ndi nshipa muanebe wa balume muanabute.”

Ekesode 10:4

Kadi pawikala ubenga anu kubenga bua kulekela bantu banyi, malaba ndi ntuma mpasu mu ditunga dijima dia Ejipitu.

2 Bakalenga 22:19

Uvua muteleje bimpe tshindi muambe bua Yerushalayime ne bantu bonsu badimu. Dikenga diabu nedikale dikole. Bantu nebikale baditshipa, batele mena a bena tshimenga atshi. Kadi wewe Yoshiya, uvua mulombe luse, uvua muvuluke bubi buebe kumpala kuanyi, uvua mupanda bilamba biebe, mudile muadi. Nanku, meme Maweja-Nangila ndi nkujadikila ne: ndi mumvue dilomba diebe.

Yirmeya 50:29

Nubikidishe bedi ba mikete bonsu. Nubatume baye kuluisha bena Babilone. Base mitanda yabu banyungulukile tshimenga. Muntu nansha umue kamonyi mua kunyema! Nupingajile bena Babilone bibi bivuabu benzelangana. Nubakengeshe muvuabu bakengeshangana. Bualu bavua badileja ne dikamakama kumpala kua Maweja-Nangila, Mvidi Mukulu wa tshijila wa bena Izrayele.

Danyele 5:22

Wewe muanende, Baltazare, uvua mumanye malu onsu aa bimpe. Kadi kuvua mudipuekeshe nansha.

Ekesode 5:1

Malu onsu aa mamane kupita, Moshe ne Arone kuambila mukalenga wa bena Ejipitu ne: — Maweja-Nangila Mvidi Mukulu wa bena Izrayele udi wamba ne: “Ulekele bantu banyi, baye kuenza tshibilu mu tshipela bua kuntendelela.”