Ekesode 10:1 - MUKANDA WA MYIDI MUKULU

¹ Maweja-Nangila kuambila Moshe ne: — Uye kudi mukalenga wa bena Ejipitu. Meme ke udi mumupe muoyi wa tshitunu, yeye ne balombodi ba mu bukalenga buende bua mmone mua kuenza bishima bionsu ebi mu ditunga diende.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yehowa wakambila Mose ne, Ya biebe kudi Palô, bualu bua nakakolesha mutshima wandi ne mitshima ya bantu bandi bua kulesha bimanyinu bianyi munkatshi muabo.

Ekesode 10:1 Referans Kwoze

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Rome 9:17

Mu Mukanda wa tshijila Mvidi Mukulu udi wambila mukalenga wa bena Ejipitu ne: “Mvua mukuteke mukalenga bua kuleja bukole buanyi munda muebe, ne bua lumu luanyi lutangalake pa buloba bujima.”

Ekesode 3:20

Nanku neukengeshe bena Ejipitu ne makenga a mishindu yonsu. Pamona mukalenga wabu nanku, neanulekele.

Misambu 7:11

Mvidi Mukulu udi ngabu wanyi, udi upandisha bantu badi bamuitaba.

1 Samuele 4:8

Eyowa tudi bena diakabi! Nganyi udi mua kutusungidila kudi Mvidi Mukulu ewu wa bukole, uvua mukengeshe bena Ejipitu ne bipupu bia mishindu ne mishindu mu tshipela?

Ekesode 9:27

Mukalenga wa bena Ejipitu kubikidisha Moshe ne Arone, kubambila ne: — Maweja-Nangila mmuenze amu bimpe, kena ne bualu to. Meme ne bantu banyi tudi benze bibi.

Ekesode 9:16

Kadi ndi mukushiye ne muoyi, bua ujadike bukole buanyi, kabidi bua lumu luanyi lumanyike pa buloba bujima.

Ekesode 7:4

Kadi kakuitaba to. Nanku nemmuenzeje malu ku bukole. Nemmunyoke, bua mmone mua kupatula tshisamba tshianyi tshia bena Izrayele balondangane bimpe mu bisamba biabu mu ditunga diende.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Rome 9:18

Nanku muntu udi Mvidi Mukulu musue kutuila luse, udi umufuila. Muoyi wa muntu udiye musue kupapisha, udi uupapisha.

Ekesode 9:12

Mukalenga wa bena Ejipitu kubenga diyi dia Moshe ne Arone, bualu Maweja-Nangila uvua mumupeshe muoyi wa tshitunu nuwuaye mudianjile kuambila Moshe.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.