Efeze 6:9 - MUKANDA WA MYIDI MUKULU

⁹ Kadi nuenu bamfumu ba bapika, nunemeke bapika benu amu mushindu wa momumue. Kanubakanyinyi nansha. Nuvuluke ne: nuenu ne bapika benu, nudi amu ne Mfumu umue mu diulu, udi kayi ne kansungasunga.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ne nuenu banfumu, nubenzele muomumue, nuhidie kubakanyina; mimanye ne, Mukelenge wabo ne wenu kabidi udi mu diulu, ne kakuena kansungunsungu kudiye.

Efeze 6:9 Referans Kwoze

Kolose 3:25

Kadi muntu udi wenza malu mabi, neapete difutu dia malu mabi avuaye muenze, bualu Mvidi Mukulu udi ulumbuluisha bantu kayi ne kansungasunga.

Bienzedi 10:34

Ke Petro kuambila bantu ne: — Mpindiewu ndi njadika ne: Mvidi Mukulu kena ne kansungasunga.

Rome 2:11

Bualu Mvidi Mukulu kena ne kansungasunga kudi bantu.

Luke 6:31

Enzelayi bantu bakuabu anu binudi basue bua banuenzele nuenu mene.

Matayi 7:12

— Enzelayi bakuabu bionsu binudi basue bua banuenzele. Ke bidi mikenji ya Moshe mufundila, ke bidi bambi banulongesha.

Dielulula 10:17

Numanye ne: Maweja-Nangila udi mfumu wa mvidie yonsu, ne mukalenga wa bakalenga. Yeye ke Mvidi Mukulu munene ne wa bukole bonsu, udi bantu bonsu batshina. Kena ne kansungansunga to. Kena witaba mabuejilu to.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Yakobe 2:8

Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

1 Korente 7:22

Bualu mupika uvua Mvidi Mukulu mubikile, mbamane kumupikula, bualu ukadi wa Mfumu. Momumue kabidi, muntu uvua kayi mupika diba divua Kristu mumubikile, ukadi mupika wa Kristu.

Matayi 24:51

Neanyoke muena mudimu assu bikole. Neamuteke muaba udibu banyoke bena mpala ibidi. Muaba awu neadile muadi, usumakaja menu.

Matayi 24:48

Kadi pikala muena mudimu essu muntu mubi, neadiambile mundamunda ne: “Mfumuanyi nyessu ujingakana ku luendu.”

Matayi 22:10

Bena mudimu abu kuya mu misesu minene, kusangisha bonsu bavuabu basangane, babi ne balenga. Nzubu wa didia dia dibaka kuwula bantu tente.

Matayi 22:8

Pashishe kuambilaye bena mudimu bende ne: “Tukadi balongolole didia dia dibaka. Kadi bantu bamvua mubikile, kabatua badikumbanyine to.

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

Danyele 3:15

Nenumvue kabidi mpindiewu bela mpungi, nshiba, nzenze, lunkombe, ne biombelu bikuabu bionsu. Nanku mpindiewu nenuiname panshi, nukukuile lupingu lundi muenzeje anyi? Kadi binuabenga kulukukuila, diakamue badi banuela mu tshikutu tshidi ne kapia kakole. Diba adi, mvidie kaayi udi mua kunusungidila kundi?

Danyele 3:6

Muntu yonsu udi ubenga kuinama panshi, kabidi ubenga kukukuila lupingu alu, badi bamuela diakamue mu tshikutu tshidi ne kapia kakole.”

Yeshaya 47:6

Mvua mufikile bantu banyi munda. Nenku meme kubadiwula. Meme kubafila mu bianza biebe. Kadi kuvua ne luse nansha lukese. Bakulakaje mene, uvua mubakengeshe bikole.

Muambi 5:8

Bivua mua kuikala bilenga bipite, kupeta mukalenga wa ditunga udi wambuluisha batshidime.

Misambu 140:12

Muntu udi utumpilangana malu kashadi ne muoyi mu ditunga. Diakabi dilonde muntu wa tshikisu, kadimulekedi.

Nehemya 5:5

Kadi tudi bantu ba tshisamba tshimue! Bana betu kabena bashilangane ne bana ba bena Yuda bakuabu to. Kadi tuetu tudi ne bua kufila bana betu mu bupika. Bana betu ba bakaji bakadi mene bamane kubuelamu. Katuena ne tshitadi mua kuenza kabidi to. Bualu madimi etu, ne mionji yetu ya mvinyo, mbamane kubiangata.”

1 Samuele 15:17

Samuwele kumuambila ne: — Ku kale uvua mudimone muntu tshianana. Mpindiewu udi mukalenga wa bisamba bionsu bia bena Izrayele. Maweja-Nangila nkayende ke uvua mukujidile bua wikale mukalenga wa bena Izrayele.

Lewitiki 19:13

“Kanukengeshi mukuenu. Kanuibi tshintu tshiende. Difutu dia muena mudimu webe dikale anu pa diba diadi, kuyi ulala nadi dituku nansha dimue.

Yobe 34:19

Amu Mvidi Mukulu kena ne kansungasunga, kena utshina bamfumu, kena unemeka mubanji kumpala kua mupele. Bualu uvua mubafuke bonsu udi amu yeye mene.

Kolose 4:1

Nuenu bamfumu, enzelayi bapika benu bilenga bionsu binudi ne bua kubenzela. Nuvuluke ne: nuenu kabidi nudi ne Mfumu mu diulu.