Efeze 6:13 - MUKANDA WA MYIDI MUKULU

¹³ Nanku ambulayi bia mvita bionsu bia kudi Mvidi Mukulu. Pafika dituku dibi, nenumone mua kutuila muluishi wenu nkanana. Nenushale bimane kulu, too ne munuamutshimuna.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bua muanda eu angatai bintu bionso bia nvita bia Nzambi, bua nuenu numanye mua kudimanyika bimpe halua dituku dibi, ne, hanuashikisha kuenza malu onso, nudi mua kuimana.

Efeze 6:13 Referans Kwoze

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Efeze 5:16

Enzayi bimpe mu malu onsu adi anuenzekela. Bualu matuku atudi mmabi.

Luke 8:13

Bakuabu, bidi bibenzekela bu mudi ntete idi imata mu buloba bua mabue. Badi bumvua muaku wa Mvidi Mukulu, bawakidila ne disanka. Kadi muaku ewu kawena ushindama munda muabu. Badi bitaba anu bua matuku makese. Padi dikenga dibakuata, badi bajimija ditaba.

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Malaki 3:2

Kudi muntu washala ne muoyi pafikaye anyi? Kudi muntu washala muimane kulu pamuenekaye anyi? Yeye neikale bu kapia kadi kengulula tshiamu, bu nsabanga wa kusukula nende bilamba.

Muambi 12:1

Vuluka mufuki webe mu matuku a bunsonga buebe. Umuvuluke, matuku a dikenga kaayi manji kufika. Tshikondu tshikuabu newambe ne: “Bia panu bionsu bidi bintonda.”

Efeze 5:6

Muntu kanudingi ne miaku ya bupote. Mvidi Mukulu neanyoke bantu badi benza malu mabi a nenku, babenga kumutumikila.

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

Amosa 6:3

Nudi nuela meji ne: dituku dia dikenga ditshidi kule. Kadi ku buenzayi buenu, nudi nudisemeja pabuipi.

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Yakobe 4:7

Nanku tumikilayi Mvidi Mukulu. Tuilayi diabolu nkanana, bua anunyeme, aye kule!

1 Petro 4:1

Nudi bamanye mudi Kristu mumvue makenga mu mubidi. Ke munudi kabidi mua kukolesha muoyi, kuanyisha makenga. Bualu muntu udi umvua makenga mu mubidi, ulama lutuulu, mmubengangane ne bubi kashidi.