Efeze 5:11 - MUKANDA WA MYIDI MUKULU

¹¹ Kanubuelakanyi ne bantu badi benza malu mabi a patupu a mu midima. Kadi nuabenge patoke.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kanuikadi ne buobumue ne midimu mienza mu midima idi kayi ikuama mamuma mimpe; kadi nubatuishe bua mianda ei.

Efeze 5:11 Referans Kwoze

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

1 Timote 5:20

Badi benza malu mabi, ubakanyine ku mesu a bantu, bua bakuabu kabidi batshine.

2 Tesalonike 3:6

Bana hetu, tudi Umulomba mu dina dia Mfumu Yezu Kristu ne: umbukayi kudi bana hetu bonsu badi kabayi bakuata mudimu,

Rome 16:17

Bana hetu, ndi nnulomba ne: nudimukile bantu badi bajula ditapulukangana, bakeba kupambula bena ditaba mu njila, babenga bivuabu banulongeshe. Numuke kudi bantu ba nanku.

Didimanyisha 18:4

Pashishe meme kumvua diyi dikuabu difuma mu diulu, diamba ne: “Bantu banyi, umukayi mu tshimenga etshi, bua bubi buatshi kabunulamatshi, kabanunyoki pamue natshi.

Tite 2:15

Ebi ke biudi ne bua kulongesha. Ke muudi ne bua kukolesha bantu ku muoyi, kubabela. Enza nanku ne bumfumu buonsu buudi nabu. Muntu nansha umue kakupepeji.

2 Tesalonike 3:14

Padi muntu kayi muitabe mikenji itudi bafunde mu mukanda ewu, numumanye. Kanuendakanyi nende, bua bundu bumukuate.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

2 Timote 4:2

longesha bantu Muaku wa Mvidi Mukulu. Amba amu kuamba, nansha mu tshikondu tshimpe, nansha mu tshikondu tshibi. Itabijija bantu. Ubabele, ubakoleshe ku muoyi, ubalongeshe ne lutuulu, kuyi upungila.

2 Timote 3:5

Nebamueneke ku mesu bu bantu badi bitaba Mvidi Mukulu, kadi mundamunda muabu kabayi bamanye bukole bua badi bamuitaba. Nanku umuke kudi bantu abu!

Ngalate 6:8

Padi muntu ukuna bidi bimusankisha amu yeye, neanowe lufu. Padiye ukuna bidi bisankisha Mueyelu wa Tshijila, neapete kudiwu muoyi wa tshiendelele.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Nsumuinu 13:18

Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.

Lewitiki 19:17

“Kanulaminyi muanenu lukuna. Kanutshinyi mua kubela muntu patoke bua tshilema tshiende, bua kanuikadi bonsu bena tshibawu.

1 Tesalonike 5:7

Bualu bantu badi balala tulu butuku, bakuatshika maluvu butuku.

Luke 3:19

Kadi Yowanane kutandisha kabidi Erode, mukalenga wa mu buloba abu, bua pavuaye musele Erodiyade, mukaji wa muanabu, ne bua malu mabi makuabu a bungi avuaye muenze.

Efeze 5:7

Kanubuelakanyi ne bantu ba nanku nansha.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Yeshaya 29:21

Ke bonsu badi bafunda ku tshilumbu, bantu badi kabayi ne bualu. Ke badi bakeba mua kuteta bandumbulula, bua bapishe badi babinga.

Nsumuinu 25:12

Mubelu udi muntu wa meji ukubela, uuteleje; udi ne mushinga mupite wa kakanu ka mpawungi ka ku munu nansha ka mu nshingu.

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Genese 20:16

Pashishe Abimeleke kuambila Sara ne: — Nempeshe tutuebe nkanu ya tshiamu tshitoke tshia mushinga mukole tshinunu, bua bantu bonsu baudi nabu bajadike ne: wewe kuena muenze tshilema to. Nanku nebakunemeke.

Nsumuinu 19:25

Paudi utuuta muntu udi uditambisha, mupote pende neadimuke. Paudi ubela muena lungenyi, udi umvua ne: badi bandongesha malu.

Nsumuinu 15:12

Muena ditambisha kena musue badi bamubela. Kena ukonka bantu ba meji bualu nansha bumue.

Matayi 18:15

— Padi muanenu mukuenzele bibi, uye kumonangana nende bua kumuleja bubi buende. Kadi nuikale nende amu babidi. Pikalaye mukuteleje, wewe ke udi mumupingaje munkatshi muenu.

Yirmeya 15:17

Tshivua muye kusomba ne bantu bakuabu, bua kuseka nabu nansha. Bualu udi munteke tshianza tshiebe pambidi, munsombeshe ku mpenga pa nkayanyi, tshiji tshiudi mutekele bantu abu ntshimbuele munda bikole.

Nsumuinu 1:31

Nenupete dinyoka dinudi nudikebela. Binudi nuenza nebinukebele makenga.

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

Nsumuinu 1:10

Muananyi, padi bansongalume babi basue kukufikisha ku bubi, kuanyishi to. Kubalondi

Nsumuinu 28:4

Badi kabayi balonda mikenji ya Mvidi Mukulu badi batumbisha bantu babi. Kadi badi bayilonda badi badiwula bantu abu.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Efeze 5:12

(Bidi bienza bundu mene bua kuamba malu adi bantu abu benza mu musokoku.)

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

1 Timote 5:22

Kutenteki muntu bianza lukasalukasa bua kumupesha muanzu mu Tshisumbu tshia bena ditaba. Kubuelakanyi mu mibi idi bantu bakuabu benza. Wewe kabidi kuenji bibi.