Efeze 4:3 - MUKANDA WA MYIDI MUKULU

³ Nuenze muenu muonsu bua kulama bobumue budi Mueyelu wa Tshijila ufila, pa kunusuikakaja pamue mu bupole.

Mukanda wa Nzambi Dihungila Dikulukulu ne Dihungila Dihia-dihia 2003

³ nunanukile mua kulama buobumue buenu bua mu Nyuma Muimpe mu tshisuikidi tshia ditalala.

Efeze 4:3 Referans Kwoze

1 Korente 1:10

Bana hetu, mu dina dia Mfumu wetu Yezu Kristu, ndi nnulomba ne: umvuanganayi. Kanuabulukianganyi nansha. Nuenze tshintu tshimue menemene. Nuikale ne meji amue, kabidi ne muoyi umue.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.

1 Tesalonike 5:13

Nubanange, nubangate ne mushinga, bualu bua mudimu udibu bakuata munkatshi muenu. Nulame kabidi bupole munkatshi muenu.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

Efeze 4:13

Ke mutudi mua kuenza bonsu tshintu tshimue mu ditaba dietu, patudi tumanya Muana wa Mvidi Mukulu. Nanku netufike bonsu pamue ku mulongu wa Muntu mukole muakanangane: ke Kristu mu bujima buende.

Ekesode 28:32

Muntumpu awu wikale ne nshingu. Ku nshingu aku, kuikale tukaba tutela bikole bu mudibu batela muntumpu wa mvita.

1 Bakalenga 16:21

Zimri mumane kufua, bena Izrayele kukosoloka bitupa bibidi: aba basue kusungula Tibni, muana wa Nginate, bua kuikalaye mukalenga, bakuabu basue kusungula Omri.

Muambi 4:12

Muntu umue kena mua kutua nkanana, amu bantu babidi, kadi nangananga basatu. Bualu badi bamba ne: Tshipia tshia nshinga isatu katshiena mua kutuka to.

Marke 3:24

Padi badi mu bukalenga baluangana nkayabu, bukalenga ebu kabuena mua kutungunuka nansha.