Efeze 4:25 - MUKANDA WA MYIDI MUKULU

²⁵ Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nunku nulekele mashimi, muntu ne muntu nuambilangane ne muena mutumba nʼenu mei malelela; bualu bua tuetu tudi bituha bia mubidi tunue ne bakuabo.

Efeze 4:25 Referans Kwoze

Kolose 3:9

Kanushiminyinyanganyi, bualu nuvua bavuule muntu mukulukulu ne bibidilu biende.

Zekâya 8:16

Telejayi munudi mua kuenza: Muntu yonsu ambile muanabu malu malelela. Mu tubadi tuenu nukose nsambu pa yoyi, nupingaje ditalala mu ditunga.

Nsumuinu 12:22

Maweja-Nangila udi udiwula bena dishima. Kadi udi wanyisha badi bamba malu pa wowu.

Rome 12:5

Momumue kabidi, nansha tuetu bavule, tudi amu tuenza mubidi umue, patudi tudisanga ne Kristu. Tudi tulamakana bonsu pamue bu bidimba bia mubidi umue.

Efeze 4:15

Kadi patudi bimane ne makasa abidi mu malu malelela, tunangangane kabidi, netutante bonsu, tuye kudi Kristu, mutu wetu.

Nsumuinu 12:17

Muntu udi wamba malu malelela patoke, udi wambuluisha bantu. Kadi udi ujadika malu a dishima, udi wambuluisha badi badinga bantu.

Nsumuinu 8:7

Bushuwa, ndi ngamba malu amu malelela. Mayuki a dishima mmambipila.

Nsumuinu 12:19

Malu malelela neashale kashidi. Kadi miaku ya dishima neishale katupa kipi.

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

1 Timote 4:2

Nebabapambule kudi bena mpala ibidi, ne kudi bena dishima, badi ne kabu kondu ka munda kamane kufua, bu kosha ne tshiamu tshipatula mu kapia kakunze kunzuu.

Lewitiki 19:11

“Kanuibi. Nulekele dishima ne kudingila bena kuenu malu, bua kubakengesha.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

2 Korente 7:14

Mvua muanji kuditemba kakese bualu buenu ku mesu kuende. Nanku kanuena bamfuishe bundu. Bualu bu mutuvua banuambile misangu yonsu amu malu malelela, nansha pamvua muditembe bualu buenu ku mesu a Tite, tshivua mushime to.

Tite 1:12

Muena Kreta menemene, umue wa ku bambi babu, uvua wamba ne: “Bena Kreta badi amu bena dishima, nyama ya lonji, bena lulengu, basombela anu bua kudia.”

1 Korente 10:17

Diampa didi amu dimue epele. Nanku nansha tuetu bikale bavule, tudi tuenza mubidi amu umue, bualu tudi tudisanga bonsu mu diampa dimue adi.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Zekâya 8:19

— Matuku anudi nujila biakudia, mu ngondu muinayi, muitanu, wa muanda mutekete, nansha wa dikumi, ku tshidimu tshionsu, neikale a tshibilu tshinene adi bena Yuda basanka, batshionkomoka. Kadi nuambilangane amu malu malelela, nukebe kabidi diakalenga dia bonsu!

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Yeshaya 63:8

Maweja-Nangila uvua muambe ne: “Bena Izrayele mbantu banyi, mbana banyi, badi kabayi mua kundinga to.” Nanku Mvidi Mukulu kubasungidila.

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Nsumuinu 21:6

Bantu badi bapeta biuma ne didinga mbantu bapote, badi bafika ku lufu.

Nsumuinu 6:17

mesu a ditambisha, ludimi lua muena dishima, bianza bidi bishipa bantu badi kabayi ne tshilumbu,

Misambu 119:29

Ungumbushe mu njila wa dishima, ummanyishe mikenji yebe bua bulenga buebe.

Misambu 52:3

Wewe muena tshinyangu, udi utatshisha badi balamate Mvidi Mukulu, udi uditambisha bua bubi buebe bua tshinyi?

Efeze 5:30

bualu tudi bidimba bia mubidi wende.

1 Bakalenga 13:18

Kadi, muambi mukulumpe kusuminyina bikole, wamba ne: — Meme kabidi ndi muambi bu wewe. Mutumibue wa Mvidi Mukulu uvua muakule nanyi mu dina dia Maweja-Nangila. Uvua muntume bua tupingane nebe ku nzubu kuanyi bua wewe kudia ne kunua. Bulelela, uvua ushima bionsu ebi.

Ekesode 23:7

Kanuteleji muena biakulakula. Kanushipi udi kayi ne bualu nansha muntu muakane, bualu meme nempishe bena buenzayi bua nanku.

Misambu 15:2

— Ke muntu udi kayi kalema, wenza tshidi Mvidi Mukulu musue, wamba amu bidi bilelela.

Nsumuinu 24:28

Kufundi muena mutumba nebe ku tubadi padiye kayi ne bualu. Udi musue kushima bibi nenku bua tshinyi?

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Efeze 4:31

Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

Kolose 3:8

Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.

Balombodi 16:11

Shimeshone kumuambila ne: — Bobu bansuike ne mionji mipiamipia, idi kayiyi mianji kuenza mudimu mukuabu, tshiakuikala kabidi ne bukole to. Nengikale bu bantu bonsu.