Efeze 4:24 - MUKANDA WA MYIDI MUKULU

²⁴ Vualayi muntu mupiamupia, udi Mvidi Mukulu mufuke mu tshimfuanyi tshiende. Nuenze malu makane a tshijila adi Mvidi Mukulu musue. Muaku mulelela neunuleje njila.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nudijadike muntu muhia-muhia wakafukibua mu tshifuanyikishi tshia Nzambi ne buakane ne tshijila bidi bifuma ku malu malelela.

Efeze 4:24 Referans Kwoze

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Efeze 6:11

Ambulayi bia mvita bionsu bidi Mvidi Mukulu unupa, bua numone mua kutuila diabolu, udi unuluisha ne budimu, nkanana.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

2 Korente 3:18

Tuetu bonsu tudi tumuenesha butumbi bua Mfumu, bualu ki mbabuikile mpala wetu ne tshilamba. Ke mutudi bandamuke, bua difuanangane ne Mfumu, bua tumuke mu butumbi, tubuele mu bukuabu budi bupita bua kumpala. Ke bidi Mfumu muenze ku bukole bua Mueyelu wende.

2 Korente 4:16

Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

Rome 13:12

Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

1 Petro 2:2

Nufuane bana batekete badibu balela mpindiewu. Bu mudibu bajinga mabele, adibu kabayi basambakaja ne tshintu tshikuabu, nuenu kabidi nujinge kumanya muaku wa Mvidi Mukulu amu pa wowu, bua numone mua kukola nawu mu ditaba, kupeta lupandu.

Rome 8:29

Bualu bavua Mvidi Mukulu mudianze kusungula, ukavua mudianza kujadika bua kubenza bafuanangane ne Muanende, bua Muanende ashale muanabute munkatshi mua bana babu bavule.

Yowanane 17:17

Ubajidile mu bulelela, bua bikale bantu bebe wewe menemene. Muaku webe udi mulelela.

Ngalate 6:15

Nansha bakuteke panshi, nansha kabayi bakuteke panshi, kabiena ne bualu. Tshikole Mvidi Mukulu anuenze bantu bapiabapia.

Ngalate 3:27

Nuenu bonsu mbanutue mu mayi, bua nuenze tshintu tshimue ne Kristu! Nsombelu mupiamupia unudi nende mu Kristu, udi bu tshilamba tshinudi bavuale.

Yeshaya 52:1

Wewe Yerushalayime, jukaku, kankamana, fululuka lukasa. Wewe Siyone, tshimenga tshia tshijila, vuala bilamba biebe bilengele. Bualu benyi ne bantu babi, kabena babuela kabidi muebe to.

1 Korente 15:53

Bualu tshidi tshibola tshidi ne bua kuandamuka, tshienza tshidi tshishala kashidi. Tshidi tshifua tshidi ne bua kuandamuka, tshienza tshidi katshiyi mua kufua.

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Efeze 2:15

Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Yeshaya 59:17

Maweja-Nangila udi uvuala buakane, mudibu bavuala kazaku ka tshiamu ka mvita. Udi wasa lupandu, mudibu basa tshifulu ku mutu. Uvua uvuala dijinga dia kulongolola malu mimpe, amu mudibu bavuala bilamba. Tshinkutu tshidiye mudibuikile, ke disuminyina didiye nadi dia kuluangana mvita.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.

Ebrewu 1:8

Kadi bua Muana, Mvidi Mukulu uvua muambe ne: “Mvidi Mukulu, nkuasa webe udi mushindame kashidi, Neulombole bukalenga buebe mu buakane.

Genese 5:1

Ke mena a bantu ba ku ndelanganyi ya Adame: Dituku divua Mvidi Mukulu mufuke bantu, wakabafuka bamufuane yeye Mvi-di Mukulu.

Luke 1:75

bua tuikale bantu ba tshijila, tukumbaje tshidiye musue, matuku onsu atutshidi ne muoyi panu.

Rome 7:6

Kadi mpindiewu, mbatupikule ku mikenji. Bualu tuvua bafue ku mikenji ivua mitukuate, mitujingile mu nkanu. Nanku tudi mua kukuatshila Mvidi Mukulu mudimu mushindu mupiamupia ku bulombodi bua Mueyelu wa Tshijila. Katumukuatshidi kabidi mudimu muetu mua kale ku bulombodi bua bivuabu bafunde mu mikenji.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

2 Petro 1:4

Ke padiye mutulaye mapa manene a mushinga mukole, bua tuetu, bamane kupeta mapa aa, tumone mua kuepuka majinga mabi a panu, adi atufikisha ku lufu, tudisange ne Mvidi Mukulu udi wa kashidi.