Efeze 4:12 - MUKANDA WA MYIDI MUKULU

¹² Uvua muenze nanku bua kulongolola bantu ba Mvidi Mukulu, bua bakuatshile Kristu mudimu, bua mubidi wa Kristu utante mu ditaba.

Mukanda wa Nzambi Dihungila Dikulukulu ne Dihungila Dihia-dihia 2003

¹² bua kulengeshabo basanto tshishiki bua bobo benze mudimu wa kukuatshisha bakuabo, bua kudiundishabo ekelesia udi mubidi wa Kilisto;

Efeze 4:12 Referans Kwoze

Efeze 4:16

Yeye nkayende ke udi utuangaja bikole bitupa bishilangane bia mubidi, ubisuikakaja ne manungu. Nanku padi tshitupa tshionsu tshia mubidi tshikuata mudimu amu pa wowu, mubidi mujima udi utanta, ukola mu dinanga.

1 Korente 12:27

Nuenu bonsu nudi mubidi, wa Kristu. Yonsu wa kunudi udi tshidimba tshiawu.

Rome 15:14

Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

Rome 14:19

Nanku tukebayi bidi mua kufila ditalala, bidi mua kutushindamija pamue mu ditaba.

1 Timote 1:12

Ndi ngela Mfumu wetu Yezu Kristu tuasakidila, bualu uvua mumpeshe bukole bua meme kumukuatshila mudimu. Ndi muele tuasakidila, bualu uvua mungangate ne mushinga, muanyishe bua meme kumuenzela mudimu,

1 Korente 14:12

Nanku bu munudi ne nzala ya kupeta mapa a kudi Mueyelu wa Tshijila, kebayi nangananga mapa adi ambuluisha Tshisumbu tshia bena ditaba.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Ebrewu 6:1

Nenku, tutungunukayi ne malongesha a bantu bakole. Tulekele malongesha a kumpala adi atangila malu a bena Kristu. Katu-nuvuluiji malu manene anukadi balonge: munudi ne bua kubenga midimu mibi yonsu, kabidi kuitaba Mvidi Mukulu,

2 Korente 6:3

Katuena basue bua nupetele pa kujanyina mudimu wetu. Ke mutudi katuyi basue kulenduisha muntu nansha umue.

2 Korente 5:18

Bionsu abi Mvidi Mukulu ke udi ubienza. Udi mututuangaje nende kudi Kristu, mutupeshe kabidi mudimu wa kufikisha bantu bakuabu bua badilengeje nende.

Luke 22:32

Kadi meme kukulombela kudi Mvidi Mukulu, bua kulenduki mu njila wa ditaba. Nanku pawapingana kundi, ukankamike bana benu.

2 Timote 4:5

Kadi wewe udilame, umanye bionsu biudi wenza. Wikale ne lutuulu mu dikenga. Ulongeshe bimpe Lumu lua Disanka. Ukumbaje muebe muonsu mudimu uudi wenzela Mvidi Mukulu.

Kolose 4:17

Ambilayi Arshipe se: “Enza muebe muonsu bua kukumbaja bimpe mudimu uvuabu bakuimikila, uudi ne bua kuenzela Mfumu.”

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

Efeze 1:23

Tshisumbu tshia bena ditaba, ke mubidi wa Kristu. Kristu, udi munda mua bionsu, udi ukuata kabidi mudimu munda mua Tshisumbu atshi ne bukole buende buonsu.

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

2 Korente 4:1

Mvidi Mukulu mmutufuile luse, mutupeshe mudimu ewu. Ke patudi katuyi mua kuteketa mu maboku.

2 Korente 3:8

kadi butumbi budi bumueneka padi Mueyelu ukuata mudimu, nebuikale bunene bupite!

1 Korente 14:14

Bualu pandi ntendelela, ngakula mu miakulu idi bantu kabayi bamanye, Mueyelu udi utendelela munda muanyi. Kadi lungenyi luanyi kaluena ku ditendelela adi to.

Rome 15:29

Ndi mumanye ne: ku difika dianyi kuenu, Kristu neanuele lupemba muende muonsu.

Rome 15:2

Kadi yonsu wa kutudi akebe mua kusankisha muntu nende, amuenzele malu mimpe, bua kumukolesha mu ditaba.

Rome 12:7

Pikala mukuabu ne dipa dia kuambuluisha bantu, abambuluishe. Udi ne dipa dia kulongesha, udi ne bua kulongesha.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 20:24

Kadi kushala ne muoyi kakuena ne mushinga kundi. Tshidi ne mushinga tshidi anu kujikija mudimu wanyi, kukumbaja mudimu uvua Mfumu mungomekele: ke kukobola Lumu lua Disanka lua mudi Mvidi Mukulu mutunange, mutufuile luse.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Bienzedi 9:31

Diba adi Tshisumbu tshia bena ditaba tshivua ne ditalala mu ditunga dijima dia Yudeya, dia Ngalileya, ne dia Samariya. Tshivua tshienda tshikola. Bu muvua bena ditaba balamata Mfumu, batua batanta ne diambuluisha dia Mueyelu wa Tshijila.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Bienzedi 1:17

Yudase uvua wa mu tshisumbu tshietu, ukuata netu mudimu wa mushindu umue.

2 Timote 4:11

Anu Luke ke utudi nende. Wangate Marke, nufike nende, bualu udi mua kungambuluisha.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

2 Korente 13:9

Tudi tusanka patudi ne butekete, nuenu ne bukole. Ke patudi tunulombela kabidi kudi Mvidi Mukulu, bua anulengeje, anupingaje mu njila mululame.

1 Korente 12:7

Mueyelu wa Tshijila udi umueneka munda mua muntu yonsu, ne dipa didi dilengelela bantu bonsu,

Rome 12:5

Momumue kabidi, nansha tuetu bavule, tudi amu tuenza mubidi umue, patudi tudisanga ne Kristu. Tudi tulamakana bonsu pamue bu bidimba bia mubidi umue.

2 Korente 13:11

Mpindiewu, bana hetu, kolayi! Nulonde amu njila mululame. Nukoleshangane ku muoyi. Nuenze tshintu tshimue. Sombayi ne bupole. Nanku Mvidi Mukulu udi utunanga, neatupe bupole buende. Neikale nenu.