Efeze 3:18 - MUKANDA WA MYIDI MUKULU

¹⁸ Nanku nenumone mua kujingulula, pamue ne bantu bonsu ba Mvidi Mukulu, bule ne butshiama, butumbuke ne bondoke bua dinanga dia Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ nuikale ne bukole bua kumanya nʼabu, hamue ne basanto bonso, mudi butshia ne bule ne bule bua mulu ne ndondo,

Efeze 3:18 Referans Kwoze

Yowanane 15:13

Dinanga dipite bunene didi muntu mua kuleja ndia kufila muoyi wende bua balunda bende.

Misambu 103:17

Kadi malu mimpe a Maweja-Nangila adi ashala bikondu bionsu kudi badi bamunemeka. Buakane buende budi bujama kudi bana ba bana babu,

Efeze 3:19

Bushuwa, muntu nansha umue kena mua kujingulula dinanga didi Kristu utunanga nadi mu bujima buadi. Kadi ndi njinga bua numanye dinanga adi, bua bukole bua Mvidi Mukulu buwule tente munda muenu.

Yeshaya 55:9

Mudi mutantshi munene munkatshi mua njila yanyi ne yenu, munkatshi mua meji anyi ne enu, amu mudi mutantshi munene munkatshi mua diulu ne buloba.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 1:15

Bua bionsu ebi, nangananga kabidi bua pandi ngumvua batela munudi bitabe Mfumu Yezu, munudi banange kabidi bantu bonsu ba Mvidi Mukulu,

Misambu 145:10

Maweja-Nangila, bantu bonsu bakutumbishe! Badi bakulamata bakuele tuasakidila!

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Efeze 1:10

Neabikumbaje ku nshikidilu wa bidimu. Neasangishe bionsu bidi mu diulu ne bidi pa buloba. Neabiteke ku bukalenga bua Mfumu umue epele, Kristu.

Misambu 139:6

Mushindu uudi mummanye udi unkemesha, mmupite bionsu bindi mua kumvua.

Kolose 1:4

Bualu tudi bumvue lumu lua munudi nuitaba Yezu Kristu, nunanga bantu bonsu badi bitaba Mvidi Mukulu.

Rome 10:3

Bualu kabavua bajingulula mushindu udi Mvidi Mukulu ubingisha bantu kumpala kuende nansha. Bavua bakeba kudibingisha nkayabu mushindu wabu. Nanku kabena bitabe mushindu udi Mvidi Mukulu ubingisha bantu nansha.

Misambu 132:9

Batuangaji bebe bavuale buakane, bu mudibu bavuale bilamba biabu; bantu badi bakuitaba bele mbila ya disanka!

2 Kulondolola 6:41

Mpindiewu, Maweja-Nangila Mvidi Mukulu, juka, shindikija mushete wa tshijila, muaba uudi uleja bukole buebe. Ubuele muaba ewu uudi mua kuikisha. Maweja-Nangila Mvidi Mukulu, ambuluishe batuangaji bebe, bikale bakanyine bilamba biabu bia lumu, batupeteshe lupandu, bantu badi bakuitaba, basanke, bapete diakalenga.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

2 Korente 13:13

Luse lua Mfumu Yezu Kristu, dinanga dia Mvidi Mukulu, ne didisanga ne Mueyelu wa Tshijila, bikale nenu bonsu.

Zekâya 14:5

Nenunyemene mu tshibandabanda etshi, tshidi tshienzeka pankatshi pa mikuna, bualu netshialabale too ne ku Ashale. Nenunyeme muvua bankambua benu banyeme, pavua tshikumina tshienzeka, tshikondu tshivua Uziya mukalenga wa ditunga dia Yuda. Nanku Maweja-Nangila Mvidi Mukulu wanyi neafike, ne batumibue bende badi bamukuatshila mudimu.

Misambu 116:15

Maweja-Nangila udi ubungama bikole, padi bantu badi bamulamata bafua.