Efeze 2:15 - MUKANDA WA MYIDI MUKULU

¹⁵ Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ hakamaneye njia ne lufu lua mubidi wandi, njia mene ya mu mikenshi yakadi ne mikandu ne mayisha; bua kufukeye ne bubidi buabo munda muandi muntu umue muhia-muhia; nunku wakabavuishila ditalala;

Efeze 2:15 Referans Kwoze

Kolose 2:14

Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Ngalate 3:10

Kadi badi bela meji ne: Mvidi Mukulu neatubingishe, bualu tudi tukumbaja mikenji, mbena tshibawu. Bualu mikanda ya tshijila idi yamba ne: “Udi kayi ukumbaja bimpe diba dionsu bionsu bidibu bafunde mu mukanda wa mikenji, mmuena tshibawu.”

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.

Kolose 3:10

Nuenu kulala muntu mupiamupia, udi udienzulula diba dionsu ku tshimfuanyi tshia Mvidi Mukulu, Mumufuki wende, bua amone mua kumumanya menemene.

Kolose 2:20

Nudi bafue pamue ne Kristu. mBanupikule ku makole a mulu. Nanku nudi basombe bu bantu ba pa buloba bua tshinyi? Bua tshinyi nudi banyishe bua banuelele mikenji ya mushindu ewu:

Ngalate 6:15

Nansha bakuteke panshi, nansha kabayi bakuteke panshi, kabiena ne bualu. Tshikole Mvidi Mukulu anuenze bantu bapiabapia.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Efeze 4:16

Yeye nkayende ke udi utuangaja bikole bitupa bishilangane bia mubidi, ubisuikakaja ne manungu. Nanku padi tshitupa tshionsu tshia mubidi tshikuata mudimu amu pa wowu, mubidi mujima udi utanta, ukola mu dinanga.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Ebrewu 7:16

Kabena bamuteke mutuangaji bilondeshile mikenji idi itangila ndelanganyi ya bantu. Kadi mmupete butuangaji ebu ku bukole bua muoyi udi kauyi ndekelu.

Ebrewu 9:23

Pikalabu balengeja bimfuanyi bia malu a mu diulu, ku ditendelela dia malu a mushindu ewu, kadi malu malelela mene a mu diulu awu, adi akengela milambu mipite buimpe.

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Efeze 2:14

Amu Kristu ke udi mututuadile bupole, bualu mmusangishe bena Yuda, ne bantu ba bisamba bikuabu, mu tshisamba tshimue. Pavuaye mufile mubidi wende, mmupule tshimana tshivua pankatshi pabu, tshibatapulule, tshibenze bena lukuna.

Efeze 2:16

Ku lufu luende lua ku mutshi mutshiamakane, Kristu mmujikije lukuna kashidi. Ku mutshi awu mmusuikakaje bisamba bibidi mu mubidi umue, mmubatuangaje kabidi ne Mvidi Mukulu.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.