Ebrewu 6:13 - MUKANDA WA MYIDI MUKULU

¹³ Pavua Mvidi Mukulu mulaye Abrahame, uvua muditshipe. Bu muvuaku kakuyi muntu mukuabu uvua mumupite bunene bua amone mua kuditshipa, kutela dina dia muntu awu, Mvidi Mukulu uvua muditshipe utela amu dina diende yeye.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakalaya Nzambi Abalahama mulayi wandi, hualu bua yeye kakadi ne mukuabo mumuhite bunene bua kuditshiheye kudiye, wakaditshiha mu dina diandi yeye,

Ebrewu 6:13 Referans Kwoze

Luke 1:73

Bualu Mvidi Mukulu ukavua mumane kuditshipa kudi nkambua wetu Abrahame,

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Yirmeya 22:5

Kadi panuabenga kuteleja mundi nnuambila, ndi nditshipa ne: meme Maweja-Nangila, bu mundi Mvidi Mukulu mulelela, ndi njadika ne: nzubu ewu wa bukalenga neupuke ashale lubuwa.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Yezekiyele 32:13

Nenshipeshe bimuna biebe bionsu bidi ku muelelu wa musulu wa Nile. Makasa a bantu ne mikonu ya nyama, kabiakuvuandulula kabidi mayi, kuanyanga.

Yirmeya 49:13

Ndinditshipane: Bu mundi Mvidi Mukulu, tshimenga tshiebe tshikulu tshia Bosra netshikale tshipela tshidi tshikuatshisha bantu bowa. Netshikale dikolu, muaba udibu batela bu tshilejilu padibu bela mulawu. Bimenga bidi mutumba ne Bosra nebibutuke tshiendelele.” Ke mudi Maweja-Nangila muambe nanku.

Ekesode 32:13

Uvuluke meyi ebe ne mitshipu biuvua mulaye bantu bebe Abrahame, Izake ne Yakobe bua kuvudija ndelanganyi yabu, bu mitotu ya mulu, kabidi bua kupianabu ditunga edi dionsu kashidi.

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Yirmeya 44:26

Kadi diba adi, nuteleje bimpe tshindi nnuambila. Meme Maweja-Nangila ndi nnuambila bualu. Ndi nditshipa mu dina dianyi dialumu ne: Muena Yuda nansha umue kena mua kuditshipa, utela dina dianyi mu ditunga dia Ejipitu nansha. Kena mua kuamba kabidi ne: ‘Bu mudi Maweja-Nangila Mvidi Mukulu ne muoyi…’

Ngalate 3:15

Bana hetu, ndi nnutekela tshilejilu: padi muntu mufunde mukanda mumanyike, mumanyishe bantu diyi diende dia ndekelu, muntu mukuabu kena mua kushipa mukanda awu, nansha kusakidilaku bualu.

Ngalate 3:18

Pikala Mvidi Mukulu ne bua kudisankisha, tupiane dipa diende, bualu tudi tulama mikenji, nanku disanka dietu edi kadiakufuma ku dilaya diende to. Kadi Mvidi Mukulu mmusankishe Abrahame, bualu bua dilaya divuaye mumulaye.

1 Kulondolola 16:16

Ke dilaya divuaye mulaye Abrahame. Ke mutshipu uvuaye muditshipe kudi Izake.