Ebrewu 13:4 - MUKANDA WA MYIDI MUKULU

⁴ Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Dibaka dikale dinemekibua munkatshi mua bantu bonso, bulalu kabunyanguki; Nzambi nealumbuluishe bena masandi bajike ne bena masandi babake.

Ebrewu 13:4 Referans Kwoze

Genese 2:24

Ke padi mulume ushiya tatuende ne mamuende, ulamata mukajende, bua bonsu babidi bikale anu muntu umue.

Ngalate 5:19

Bantu bonsu mbamanye kudi majinga mabi atufikisha: ku buendenda, buenzavi, malu a bundu;

Ngalate 5:21

ku lukuka, bunuavi, budiavi, ne ku malu mabi makuabu. Bu mumvua munubele kale, lelu kabidi ndi nnuambila ne: badi benza malu a nanku, kabakupeta muaba mu Bukalenga bua Mvidi Mukulu.

1 Korente 6:9

Nudi bamanye bimpe ne: bantu badi benza malu mabi, kabena mua kupeta muaba mu Bukalenga bua Mvidi Mukulu. Kanudishimi! Badi benza malu a bundu, batendeledi ba mvidie, banyangi ba mbanza ya bende, badi banaya ne bana manaya a bundu,

1 Korente 5:13

Mvidi Mukulu neabalumbuluishe. Kadi kanuena ne bua kulumbuluisha badi mu tshisumbu tshienu anyi? Nudi amu ne bua kulumbuluisha! Bualu Mukanda wa tshijila udi wamba ne: “Ipatayi muntu mubi munkatshi muenu.”

Efeze 5:5

Numanye bimpe ne: bena buendenda, bena buenzavi, nansha bena bukonkotu, kabena mua kubuela mu Bukalenga bua Kristu, ne bua Mvidi Mukulu. (Nansha muena bukonkotu udi amu muntu udi utendelela mvidie).

1 Timote 3:12

Muambuluishi wa balombodi ikale muena mukaji umue Amanye mua kulombola bimpe bana bende, ne nzubu wende.

1 Timote 3:4

Amanye mua kulombola nzubu wende bimpe. Bana bende bamutumikile ne kanemu.

1 Korente 7:38

Nanku udi ubuela mu dibaka ne mubangila wende, udi wenza bimpe. Kadi udi kayi ubuela nende mu dibaka, udi wenza bimpe bipite.

Genese 2:21

Nanku Maweja-Nangila Mvidi Mukulu kuladika muntu mulume tulu tukole. Kulamunaye lubala lumue mu lubadi luende, kupingajapu munyinyi.

Didimanyisha 22:15

Kadi bantu badi batombokela Mvidi Mukulu, benza malu a majimbu, benza malu a bundu, bashipianganyi, batendeledi ba nwidie, ne bonsu badi bashimangana ku miaku nansha ku ngenzelu, kabakubuela mu tshimenga!

Tite 1:6

Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

1 Timote 4:3

Bantu abu badi balongesha ne: kusela nkubi; biakudia bikuabu kanuena mua kubidia. Kadi Mvidi Mukulu mmufuke biakudia abi, bua bena ditaba, badi bamanye bulelela, babidie, bamane kutendelela bua kumuela tusakidila.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

1 Korente 9:5

Tshiena mua kuya mu luendu ne mukaji muena ditaba, mudi bapostolu bakuabu, Petro ne bana babu ne Mfumu, benza anyi?

Malaki 3:5

Mvidi Mukulu wa bukole buonsu udi ujadika ne: “Nemfike munkatshi muenu bua kunulumbuluisha. Nempishe lukasa bantu badi benza malu a majimbu, badi benda tshiendenda, badi baditshipa mitshipu ya dishima, badi babenga kufuta muena mudimu, badi bakengesha bakaji bakamba, bana ba nshiya ne benyi, nansha bonsu badi kabayi bantshina meme.”

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

Yeshaya 8:3

Pashishe meme kubuelela muena kuanyi mu nzubu. Yeye kabidi uvua muambi wa Mvidi Mukulu mumue nanyi. Kuimitaye difu, kulelaye muana wa balume. Nenku Maweja-Nangila kungambila ne: — Umuinyike dina diende ne: Pawulayi lubilu, Ibayi lukasa.

2 Bakalenga 22:14

Ilkiya, mutuangaji munene, Ahikame, Akbore, Shafane, ne Ashaya, kuya kudi muambi mukaji Ulda, uvua musombele mu tshitupa tshipiatshipia tshia Yerushalayime. Bayende wa Ulda uvua Shalume, muana wa Tikva, ne muikulu wa Arase. Shalume ke uvua ulama bilamba bia tshijila bivua mu nzubu wa Mvidi Mukulu. Bantu abu, kuambila muambi mukaji Ulda malu onsu awu.

Ebrewu 12:16

Muntu nansha umue kikadi muena malu a bundu, nansha munyangi wabintu bia tshijila, bu muvua Esawu mupane bukulu buende ku dilongu amu dimue dia biakudia.

Lewitiki 18:20

“Kuena ne bua kubuelela mukaji wa bana benu mu nzubu to, bualu udi upia mikiya.

Dielulula 22:22

Pikalabu bakuate muntu mubuelele mukaji wa bende mu nzubu, babajikile, babashipe bonsu babidi. Ke munudi mua kujikija buenzayi munkatshi mua bena Izrayele nanku.

1 Korente 6:18

Epukayi malu a bundu! Bubi bukuabu buonsu budi muntu wenza, kabuena bukuata mubidi wende to. Kadi udi wenza malu a bundu, udi unyanga mubidi wende.

1 Tesalonike 4:6

Mu bualu ebu, muntu kadingi muntu nende, kamuenzedi bibi. Tukadi bamane kunuambilambila, banubele bikole ne: Mfumu neanyoke badi benza malu a nanku.

Lewitiki 15:18

“Padi mulume mubuelele mukaji mu nzubu, bonsu babidi nebowe mayi mubidi mujima. Kadi nebikale bapie mikiya too ne ku dilolu.

Yobe 31:12

Diba adi, tshilema tshianyi tshivua mua kuikala bu kapia, kadi kanshidisha, kosha bionsu bimvua mupete.