Ebrewu 13:2 - MUKANDA WA MYIDI MUKULU

² Nuvuluke ne: nudi ne bua kuakidila bimpe benyi badi bamvuila. Bualu bamue bavua benze nanku bavua bakidile batumibue ba Mvidi Mukulu kabayi bamanye.

Mukanda wa Nzambi Dihungila Dikulukulu ne Dihungila Dihia-dihia 2003

² Kanuhu muoyo bua kulesha benyi luse, bua bualu ebu bakuabo bakasangila banjelo, kabai babamanye.

Ebrewu 13:2 Referans Kwoze

Matayi 25:35

Bualu mvua ne nzala, nuenu kumpesha tshiakudia. Mvua ne nyota, nuenu kumpesha tshiakunua. Mvua muenyi, nuenu kumbueja mu nzubu muenu.

Genese 18:1

Maweja-Nangila kumuenekela Abrahame ku mitshi ya tshijila ya ku Mambre. Abrahame uvua musombe mu mushiku wa mbelu wa kazubu kende ka ntenta diba dia munda munya.

Rome 12:13

Ambuluishayi bana benu ne bidibu bakengela. Akidilayi bimpe badi bafika ku nzubu yenu.

1 Petro 4:9

Nuakidilangane mu nzubu yenu, kanuyi nusodia.

Matayi 25:43

Mvua muenyi, nuenu nansha kumbueja mu nzubu. Mvua butaka, nuenu nansha kumvuadika tshilamba. Mvua nsama, nansha mu lukanu, nuenu nansha kuvua kunkumbula.”

Tite 1:8

Amanye mua kuakidila bimpe benyi. Anyishe bilenga bidi bantu benza. Ikale muntu wa meji, muntu muimpe, wa tshijila, udi mumanye mua kudikokesha.

Yobe 31:32

Muenyi kavua ulala pambelu musangu nansha umue. Ku mbelu kuanyi kuvua anu kunzuluila muena luendu yonsu.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Matayi 25:40

Mukalenga neabandamune ne: “Ndi nnujadikila bulelela ne: bilenga bionsu binuvua benzele umue wa ku bana betu bakese aba, ke meme unuvua babienzele.”

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

Rome 16:23

Ngayuse, muena ku nzubu kundi, muaba udi bena ditaba bonsu basangile, udi unuela muoyi. Eraste, mulami wa mpeta wa mu tshimenga, ne muanetu Kuartase, badi banuela muoyi. [

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

Yobe 31:19

Mvua mumone mupele kayi ne bilamba, mukengi kayi ne tshia kudibuikila.

2 Bakalenga 4:8

Dituku dikuabu, Elisha uvua upitshila mu musoku wa Shuneme. Mu musoku awu, muvua mukaji mubanji. Mukaji awu, kusengelela Elisha bua alue kudia biakudia kuende. Nanku, biangatshile dituku adi, pavua Elisha upitshila mu buloba abu, uvua anu uya kudia biakudia kua mukaji awu.

Genese 19:1

Batumibue babidi kufikamu Sodome dilolu. Kusanganabu Lote musombe ku tshibuelelu tshia tshimenga. Lote ubamona, kujukaye bua kubakidila. Kuinyikaye mutu panshi, wamba ne:

3 Yone 1:5

Mulunda wanyi, biudi wenzela bana hetu, too ne benyi kabidi, bidi bileja muudi muntu wa diyi dimue.