Ebrewu 13:18 - MUKANDA WA MYIDI MUKULU

¹⁸ Nutulombele kudi Mvidi Mukulu. Bualu tudi bajadike mudi kondu ketu ka munda kakayi katupisha, bualu tudi tujinga kuenza bimpe diba dionsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nutulombele Nzambi; bua tudi tuitabushishibua ne tudi ne mioyomikese mimpe, tudi basue kuenda bimpe mu malu onso.

Ebrewu 13:18 Referans Kwoze

1 Tesalonike 5:25

Bana hetu, nutulombele ne tuetu kabidi kudi Mvidi Mukulu.

2 Tesalonike 3:1

Bana hetu, tulombelayi kudi Mvidi Mukulu, bua muaku wa Mfumu utante amu kutanta lubilu, bua bantu bawangate ne mushinga, bu munuvua nuenu benze.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

Kolose 4:3

Nutulombele kabidi kudi Mvidi Mukulu, bua atupeshe mushindu muimpe wa kulongesha muaku wende, wa kumanyisha bantu bualu busokome bua Kristu. Bualu mbangele mpindiewu mu nzubu wa lukanu, amu bua bualu busokome abu.

Rome 15:30

Kadi, bana hetu, ndi nnulomba ne: mu dina dia Mfumu wetu Yezu Kristu, ne ku bukole bua dinanga didi Mueyelu wa Tshijila utupa: luanganayi nanyi. Nutendelele, nundombele kudi Mvidi Mukulu.

1 Petro 3:21

Mayi aa adi tshimfuanyi tshia mayi mudibu banutua mpindiewu bua kunusungidila. Kabena batua muntu mu mayi aa, amu bua kumusha manyanu a pambidi. Kadi badi balomba Mvidi Mukulu bua umushe mibi yonsu idi kondu kenu ka munda kanupisha. Padibu banutua mu mayi, Mvidi Mukulu udi unusungidila, bualu Yezu Kristu mmubike ku bafue,

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Tesalonike 4:12

Nanku nebanunemeke kudi badi kabayi bena Kristu. Bujitu bua malu enu kabuakuikala pambidi pa muntu nansha umue to.

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Bienzedi 23:1

Ke Polu kutangila bena Tshipangu, wamba ne: — Bana betu, too ne lelu mvua mukumbaje bimpe bidi Mvidi Mukulu musue. Nanku kondu ka munda kakena kantuuta.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

Rome 12:17

Kanupingajidi muntu bubi ku bubi. Nukebe kuenza malu mimpe kumpala kua bantu bonsu.