Ebrewu 12:5 - MUKANDA WA MYIDI MUKULU

⁵ Nukadi bapue muoyi, miaku idi Mvidi Mukulu unukolesha nuenu bana bende, nayi ku muoyi anyi? “Muananyi kupetudi dinyoka didi Maweja-Nangila ukubela nadi. Kuteketshi mu maboku padiye ukutandisha.

Mukanda wa Nzambi Dihungila Dikulukulu ne Dihungila Dihia-dihia 2003

⁵ ne nuakuhua muoyo bua disengelela, didi diyikilangana nʼenu bu bana balume ne, Muanʼanyi, kumonyi dikengesha dia Mukelenge bu bualu butekete, Ne kuikadi ne mutshima mutekete hakubeleye;

Ebrewu 12:5 Referans Kwoze

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

1 Korente 11:32

Kadi Mfumu udi utulumbuluisha, utunyoka, bua kabavu kutupisha pamue ne bantu bakuabu ba pa buloba dituku dia tshilumbuluilu.

Misambu 94:12

Maweja-Nangila, muntu uudi ubela, ne uudi ulongesha ne mikenji yebe, udi ne disanka!

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Misambu 119:109

Muoyi wanyi udi mu njiwu diba dionsu, kadi tshiena mpua mikenji yebe muoyi.

Yirmeya 31:18

Mvua mumvue bena Efrayime badila muadi, bamba ne: “Maweja-Nangila, udi mutunyoke bikole, mudibu banyoka muana wa nyama wa ngombe wa balume, udibu kabayi banji kutekesha bimpe. Kadi mpindiewu utupingaje kuudi, bua tupingane kuudi bulelela, bualu wewe Maweja-Nangila ke udi Mvidi Mukulu wetu.

Misambu 119:75

Maweja-Nangila, ndi mumanye ne: mapangadika ebe adi makane, avua mamfuishe bundu pa bualu.

Misambu 118:18

Bulelela, Maweja-Nangila udi munkengeshe, kadi kena munshipe to.

Ebrewu 12:7

Numvue makenga enu ne lutulu bualu ke adi anulongesha malu. Bualu makenga aa adi ajadika ne: Mvidi Mukulu udi unuenzela bu bana bende. Kudi muana udi tatuende kayi unyoka anyi?

Nsumuinu 3:1

Muananyi, kupu dilongesha dianyi muoyi. Kadi uvuluke mibelu yanyi.

Nsumuinu 4:5

Peta meji ne lungenyi. Kubipu muoyi to. Kulenguludi bindi nkuambila nansha.

Misambu 119:83

Nkadi ne minyengu mu mpala bu mulondu muteka pa muinshi, kadi tshiena mpua biudi musue muoyi.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Yobe 34:31

Muntu udi mua kuambila Mvidi Mukulu ne: “Mvua mutupakane. Tshiena musue kuenza kabidi bibi to.

Luke 24:6

Katshiena apa. Ukadi mubiike ku lufu. Nuvuluke miaku ivuaye munuambile patshivuaye mu Ngalileya.

Luke 24:8

Ke bakaji abu kutuluka miaku ya Yezu.

Misambu 119:67

Mvua mupambuke kabayi banji kumfuisha bundu, mpindiewu ndi ngenza tshiudi muambe.

Muadi 3:39

Kadi muntu udi wabakana bua tshinyi? Nansha yeye ne mibi, ki mbamushipe to!

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

1 Timote 1:20

Munkatshi muabu mudi Imeneya ne Aleksandre, bamvua mufile kudi diabolu, bua balonge mudibu kabayi mua kusendeka Mvidi Mukulu.

Ebrewu 13:22

Bana hetu, ndi nnulomba ne: nuteleje ne lutulu miaku eyi ya kunukolesha nayi ku muoyi, bualu malu andi munufundile mu mukanda ewu kaena matambe bule.