Ebrewu 11:36 - MUKANDA WA MYIDI MUKULU

³⁶ Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Bakuabo bakangata diteta dia tuseku ne mikumu, ne dia nkanu ne nsubu ya nkanu ha mutu.

Ebrewu 11:36 Referans Kwoze

Yirmeya 20:2

Kufutaye Yirmeya mapi, kumuelaye ku tshikunyi tshivua ku tshiibi tshia kulu tshia bena Binyamine, tshivua mu nzubu wa Mvidi Mukulu.

Genese 39:20

Kukuatshishaye Yozefe, kumuelesha mu nzubu wa lukanu, muaba uvua bena lukanu bakuabu ba mukalenga. Yozefe kubuela mu nzubu wa lukanu wa ditunga.

2 Kulondolola 30:10

Bantu bavua Izkiya mutume abu, kuendakanabu mu buloba bua Efrayime ne bua Menashe. Kupitshilabu mu bimenga bionsu. Pashishe kuyabu mu tshisamba tshia Zebulone. Kadi muaba awu bantu bavua babaseka, babalembakaja.

Ebrewu 10:34

Bualu nuvua badisange ne bavua mu lukanu mu makenga abu. Pavuabu banunyenga bintu, nuvua bitabe ne disanka bua kubijimija. Bualu nuvua bamanye ne: tudi ne bubanji bupite buimpe budi bushala kashidi.

Matayi 23:34

Nanku telejayi: nennutumine bambi, bena meji, ne balongeshi ba bushuwa ba mikenji. Nenushipe bamue. Nenupopele bakuabu ba mitshi mitshiamakane. Nenutute banga mikaba mu nzubu yenu ya kutendelela. Nenubalondakaje ku tshimenga ne ku tshimenga.

Yirmeya 20:7

Maweja-Nangila wewe kuntekesha! Meme kuanyisha bua wewe kuntekesha! Wewe kunkuata, wewe kumpita bukole! Bantu badi banseka matuku onsu. Bonsu badi bampetula.

2 Kulondolola 16:10

Asa kufikila muambi Anani munda. Kumueleshaye mu nzubu wa lukanu, bualu miaku ya muambi Kua mimukebe tshiji tshikole be! Tshikondu atshi, Asa kutuadija kukengesha bamue bena ditunga.

Didimanyisha 2:10

Kutshinyi makenga adi makuindile. Teleja bimpe: diabolu neanutete. Neele bamue ba kunudi mu nkanu. Nebanukengeshe matuku dikumi. Wewe, ukoleshe amu muoyi, nansha bua kumona lufu. Nenkupeshe muoyi wa kashidi bu kalumbandi.

2 Timote 2:9

Ndi nkenga, mbansuike kabidi mu nkanu bu muena buenzavi, bualu ndi mmanyisha bantu Lumu lua Disanka elu. Kadi kabena mua kusuika muaku wa Mvidi Mukulu ne nkanu to.

2 Timote 1:16

Mfumu asankishe bena diku dia Onesifore, bualu uvua munsambe misangu ya bungi. Kavua mumvue bundu bua pamvua mu lukanu.

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Bienzedi 24:27

Kupita bidimu bibidi, Porsiyuse Festuse kupingana Felikse mu bulombodi bua ditunga. Kadi bu muvua Felikse musue kusankisha bena Yuda, ki mmupatule Polu mu lukanu nansha.

Bienzedi 21:33

Ke mulombodi wa basolayi kusemena kudi Polu, kutuma diyi, bua bamukuate, bamusuike nkanu ibidi. Pashishe kuebejaye ne: nnganyi ewu? Tshivuaye muenze ntshinyi?

Bienzedi 8:3

Shawule uvua wenza muende muonsu bua kubutula Tshisumbu tshia bena ditaba. Uvua upita ku nzubu ku nzubu, ukuata balume, ukuata bakaji, ubela mu lukanu.

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.

Bienzedi 5:18

Ke kukuatabu bapostolu, kubela mu nzubu wa lukanu.

Bienzedi 4:3

Kukuatabu Petro ne Yowanane, kubela mu nzubu wa lukanu, bualu butuku bukavua buila. Kubalamamu too ne ku dinda.

Luke 23:36

Basolayi pabu bavua bamuseka. Kusemenabu kudiye, kumupesha maluvu a buanji,

Luke 23:11

Erode ne basolayi bende batua baseka Yezu, bamupepeja. Kumutuadikabu tshilamba tshimpe tshitoke, kumupingaja kudi Pilate.

Luke 18:32

Nebamufile mu bianza bia bantu ba bisamba bikuabu. Bobu abu nebamuseke, nebamupende, nebamutuile mate pambidi.

Marke 10:34

Bobu abu nebamuseke, nebamutuile mate pambidi, nebamutuute mikaba, nebamushipe. Kunyima kua matuku asatu, neabiike ku lufu.

Matayi 27:26

Nanku Pilate kubalekela Barabase, kututshisha Yezu mikaba. Kutumaye kabidi diyi bua bapopele Yezu pa mutshi mutshiamakane.

Matayi 21:35

Kadi bantu abu kukuata bena mudimu bende abu, kukuma umue, kushipa mukuabu, muisatu kumuasabu mabue.

Matayi 20:19

Nebamufile mu bianza bia benyi. Bantu abu nebamuseke, nebamufute mikaba, nebamupopele pa mutshi mutshiamakane. Kadi papita matuku asatu, neabike ku lufu.

Yirmeya 38:28

Yirmeya pende uvua mushale mu lupangu lua bena mvita balami ba mukalenga too ne diba divuabu bakuate Yerushalayime. Malu avua menzeke pavuabu bakuate Yerushalayime adi nenku:

Yirmeya 36:6

Kadi wewe neubuelemu dituku dia kujila biakudia. Neubalemu ne diyi dikole malu avua Maweja-Nangila mungambile amvua mufundishe. Mu nzubu wa Mvidi Mukulu, neumvuije bantu bende too ne bonsu badi bafume mu bimenga bia Yuda malu aa.

Yirmeya 29:26

“Bu mudi Maweja-Nangila mukuteke bua kupingana Yoyada, utangile ne disu dikole bantu badi babuele mu nzubu wa Mvidi Mukulu! Nanku bantu batshimbakane badi badiamba ne: tudi bambi, ubele mu tshikunyi, ne nkanu mu nshingu.

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

2 Bakalenga 2:23

Elisha kumuka mu Yeriko, kuya mu Betele. Pawaye mu njila, bana ba balume bavua bafume mu tshimenga, kumuseka, bela mbila ne: — Muena dibala, banda! Muena dibala, banda!

1 Bakalenga 22:27

Ubambile ne: bele muntu awu mu nzubu wa lukanu mu dina dianyi. Bamupeshe kapese ka diampa ne mayi makese a kunua, too ne pangapingana katakata ku mvita eyi.

1 Bakalenga 22:24

Diakamue, Sedekiya, muana wa Kenaane, kusemena kudi muambi Mika, kumutapa dipi ku ditama, wamba ne: — Mmunyi muudi mua kujadika ne: mueyelu wa Maweja-Nangila mmupatuke munda muanyi bua kubuela munda muebe, kukuakuisha anu wewe?

Balombodi 16:25

Bu muvua bena Peleshete ne disanka dia bungi, kutumabu diyi bua bafike ne Shimeshone bua kubasekeshaye. Kupatulabu Shimeshone mu nzubu wa lukanu. Bantu bamumone, kusekabu bikole. Bamane kumuimanyika pankatshi pa makunji a ku nzubu wa mvidie wabu,

Efeze 3:1

Ke pandi meme Polu ntendelela Mvidi Mukulu bualu buenu. mBankuate mu lukanu, bualu ndi nkuatshila Yezu Kristu mudimu. Makenga onsu aa ndi ngumvua bualu buenu.

Yirmeya 32:8

Bu muvua Maweja-Nangila mungambile, Anameyele, muana wa tatu mukuabu, kufikaye kundi mu lupangu lua bena mvita balami ba mukalenga. Kungambilaye ne: — Wewe udi ne bua kusumba budimi bundi nabu ku Anatote, mu buloba bua bena Binyamine. Bualu wewe udi muanetu menemene. Wewe ke wa kumpala udi mua kubuangata, kubupikula bua buikale buebe. Ke meme kujadika ne: Maweja-Nangila ke uvua mungambile malu.

Yirmeya 39:15

Tshikondu tshivuabu balame muambi Yirmeya mu nzubu wa lukanu, Maweja-Nangila uvua mumuambile ne:

2 Kulondolola 18:26

Nubambile ne: mukalenga Akabe udi wamba bua kuela mulumiana awu mu lukanu. Bamupeshe anu kapese ka diampa ne mayi a kunua, too ne pangapingana katakata ku mvita eyi.

Danyele 11:33

Munkatshi mua bantu aba badi ne meji mapite, nebalongeshe bantu bakuabu ba bungi. Kadi matuku makese nebashipe bamue ba munkatshi muabu, neboshe bakuabu, nebeele bakuabu mu lukanu, bamane kubanyenga bintu biabu.