Ebrewu 11:27 - MUKANDA WA MYIDI MUKULU

²⁷ Amu bua ditaba, Moshe kumuka ku Ejipitu kayi utshina tshiji tshia mukalenga. Utata ne muoyi mukole, bu muntu udi umona Mvidi Mukulu udi kayi umueneka.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bua ditabusha wakumuka mu Ejipitu kai utshina tshishi tshia mukelenge; bua yeye wakatantamana bu muakadiye utangila yeye udi kai umueneka ku mesu.

Ebrewu 11:27 Referans Kwoze

Ebrewu 11:13

Bantu bonsu aba, mbafue mu ditaba. Kabavua bapeta bivua Mvidi Mukulu mubalaye. Kadi bavua babimone, bisankisha pa bule, bamba ne: tudi bena tshimuangi ne bena luendu pa buloba.

2 Korente 4:18

Bualu katuena tobokela bidi bimueneka, kadi bidi kabiyi bimueneka. Bidi bimueneka kabiena binenga, kadi bidi kabiyi bimueneka bidi bishala kashidi.

Ebrewu 11:1

Muntu udi ne ditaba ukadi ne bidiye utekemena, ukadi mumanye bidiye kayi umona.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

Ekesode 11:8

Balombodi ba mu bukalenga buebe bonsu nebantuile binu, balengelela ne: “Umbukayi mene ne bantu bonsu baudi nabu!” Diba adi nenshishe kuya. Moshe kumuka ne tshiji tshikole kudi mukalenga wa bena Ejipitu.

Ekesode 4:19

Anu mu Madiyane amu, Maweja-Nangila kuambila Moshe ne: — Eyowa, pingana mu Ejipitu, bualu bantu bonsu bavua bakuelela meji mabi mbamane kufua.

1 Petro 1:8

Kanuyi banji kumona Yezu Kristu, nudi numunanga; kanuyi numumona mpindiewu, nudi numuitaba. Ke panudi nusanka nutshionkomoka kabiyi mua kuamba.

Ebrewu 10:32

Nuvuluke munuvua kale. Amu nuenu bamane kupeta butoke bua Mvidi Mukulu, nuvua bakenga bikole, nuvua balame muoyi mushindame mu mvita.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

1 Korente 13:7

Udi unanga, kena wela muntu nyima. Udi amu witaba muntu yonsu, umutendakena, umuakidila ne lutulu luvule.

Matayi 10:22

Bantu bonsu nebanukine, bualu nudi nungitabe Kadi wananukila ne ku ndekelu, nebamusungidile.

Ekesode 12:11

Nudie munyinyi awu mushindu ewu: nusuike mukaba mu tshimonu, dikombu ku bianza, bisabata ku makasa. Nudie anu lukasa lukasa, bualu ntshibilu tshia Dipita dia Maweja-Nangila.

Ebrewu 6:15

Abrahame kuindila ne lutulu. Ke muvuaye mupete tshivua Mvidi Mukulu mumulaye atshi.

1 Timote 6:16

Yeye nkayende kena ufua. Udi musombe mu butoke budi muntu kayi mua kusemena pabuipi. Muntu nansha umue ki mmuanji kumumona, kena kabidi mua kumumona. Lumu ne bukole bidi kudiye kashidi. Amene.

Bienzedi 2:25

Ke muvua Davide muambe bualu buende ne: “Mvua mumone Maweja-Nangila diba dionsu kumpala kuanyi, udi pabuipi nanyi bua tshizakadi.

Marke 13:13

Bantu bonsu nebanukine bualu nudi bannange. Kadi muntu udi unanukila too ne ku ndekelu, neapande.”

Marke 4:17

Kadi kabena baushindamija munda muabu. Badi baulama amu tshitupa tshipi. Padi ntatu ibakuata, nansha babakengesha bua muaku wa Mvidi Mukulu, badi bajimija ditaba diabu lukasa.

Matayi 24:13

Kadi wananukila too ne ku ndekelu, nebamusungidile.

Misambu 16:8

Ndi mvuluka Maweja-Nangila diba dionsu. Tshiena mua kuteketa, bualu udi nanyi

Ekesode 12:50

Bena Izrayele bonsu kuenza bivua Maweja-Nangila muambile Moshe ne Arone.

Kolose 1:15

Kristu udi tshimfuanyi tshidi tshimueneka tshia Mvidi Mukulu udi kayi umueneka. Yeye udi Muanabute, udi mupite bionsu bidi Mvidi Mukulu mufuke.