Ebrewu 11:19 - MUKANDA WA MYIDI MUKULU

¹⁹ Abrahame uvua wela meji ne: Mvidi Mukulu udi ne bukole bua kubisha Izake ku lufu. Ke muvua Abrahame mupete tshiakabidi Izake bu muntu mubike ku bafue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ wakamanya ne, Nzambi udi ne bukole bua kumubisha munkatshi mua bafue mene, kuakamuangateye kabidi mu tshifuanyikishi.

Ebrewu 11:19 Referans Kwoze

Matayi 9:28

Yezu mumane kubuela mu nzubu, bampofu abu kusemena kudiye. Yezu kubakonka ne: — Nudi nuitaba ne: meme ndi mua kuenza bualu ebu anyi? Kumuandamunabu ne: — Eyowa, Mfumu.

Efeze 3:20

Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.

Genese 22:13

Abrahame ukenzakana, kumonaye mukoku wa tshimpanga, nsengu yatshi mipatame mu mutshi. Kuangataye mukoku wa tshimpanga awu, kulambula Mvidi Mukulu pa muaba wa muanende Izake.

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.

Rome 5:14

Kadi biangatshile ku tshikondu tshia Adame too ne ku tshia Moshe, lufu luvua amu ne bumfumu, nansha pambidi mene pa bantu bavua kabayi benze malu mabi mafuanangane ne avuabu benze kudi Adame, uvua mubenge kuitaba mikenji ya Mvidi Mukulu. Adame uvua tshimfuanyi tshia uvua ne bua kufika.

Matayi 12:36

Ndi nnujadikila ne: dituku didi Mvidi Mukulu ukosa nsambu, nebalumbuluishe bantu bua miaku yabu yonsu idi kayiyi ilengelela.

Ebrewu 9:9

Atshi ntshimfuanyi tshidi tshiumvuija malu a mu tshikondu tshitudi etshi. Tshidi tshileja ne: malambi ne milambu ya nyama ya kuosha bidibu balambula Mvidi Mukulu kabiena mua kufikisha muoyi wa muntu udi utendelela Mvidi Mukulu ku bujima buawu.