Ebrewu 11:17 - MUKANDA WA MYIDI MUKULU

¹⁷ Amu bua ditaba diende, Abrahame kufila Izake bu mulambu, pavua Mvidi Mukulu mumutete. Uvua muitabe bua kulambula muanende mulela umue,

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bua ditabusha Abalahama, hakamutetabo, wakafila Isaka bu mulambu; yeye wakamana kuitabusha milayi ne disanka, wakadi ufila muanʼandi umuehele mulela;

Ebrewu 11:17 Referans Kwoze

Genese 22:16

umuambila ne: — Maweja-Nangila udi ujadika ne: Bu muudi muenze nanku kuyi mumpale muanebe umuepele, bu mundi meme Mvidi Mukulu, ndi nditshipa ne:

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.

Yakobe 5:11

Tudi tubamba ne: mbena diakalenga, bualu bavua bananukile. Nukadi bumvue muvua Yobe mulame lutuulu, kabidi muvua Mfumu mumusankishe ku ndekelu. Bualu Mfumu udi muena dinanga ne luse.

1 Petro 4:12

Bana hetu basuibue, kanukemi bua diteta dikole didi dinukuata. Ki mbualu bupiabupia budi kabuyi buanji kuenzeka.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Ebrewu 7:6

Melkisedeke kavua wa ku ndelanganyi ya Levi nansha. Kadi uvua muangate kudi Abrahame tshia dikumi tshia bintu bi vua-ye nabi. Muntu uvua Mvidi Mukulu mulaye dilaya, Melkisedeke uvua mumuele kabidi lupemba.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Danyele 11:35

Bantu ba bungi nebafue munkatshi mua bantu ba meji. Lufu luabu nelumbushe mikiya ya bantu. Nelubalengeje, lubatokeshe too ne pafika tshikondu tshia ku nshikidilu wa malu. (Bualu tshikondu tshia ku nshikidilu ki ntshianji kufika.)

2 Kulondolola 32:31

Kadi pavua bamfumu ba bena Babilone batume bantu bua kumanya malu a dikema avua menzeke mu ditunga diende, Mvidi Mukulu uvua musue ne: Izkiya adienzele malu. Uvua muenze nanku bua kumuteta, bua kumanya muoyi udi Izkiya nawu.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Ebrewu 11:13

Bantu bonsu aba, mbafue mu ditaba. Kabavua bapeta bivua Mvidi Mukulu mubalaye. Kadi bavua babimone, bisankisha pa bule, bamba ne: tudi bena tshimuangi ne bena luendu pa buloba.