Ebrewu 10:35 - MUKANDA WA MYIDI MUKULU

³⁵ Nenku kanujimiji muoyi mushindame unudi nawu, neunupeteshe difutu dinene.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Nunku, kanuimashi dikima dienu, didi dinuhingishila difutu dinene.

Ebrewu 10:35 Referans Kwoze

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Ebrewu 3:6

Kadi Mvidi Mukulu udi wanyisha Kristu bu Muanende, udi ku mutu kua nzubu wende. Nzubu wende awu ke tuetu, amu patudi tuindila ne muoyi umue ne lutulu, bitudi tutekemena.

Luke 14:14

Nanku newikale ne diakalenga, bualu bobu kabena mua kukupingajilabi. Mvidi Mukulu neakupingajilebi diba didiye ubisha ku bafue bantu bavua benza malu mimpe.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Ebrewu 4:14

Nenku, tulaminayi momu ditaba ditudi tutonda. Bualu tudi ne mutuangaji mupite bunene, uvua mufike too ne ku mesu kua Mvidi Mukulu mene: ke Yezu, Muana wa Mvidi Mukulu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Matayi 10:32

— Muntu yonsu udi wamba kumpala kua bantu ne: ndi wa Kristu, meme kabidi nemmuambe ne: ngwanyi, kumpala kua Tatuanyi udi mu diulu.

Matayi 10:42

Ndi nnujadikila bulelela ne: muntu udi upa umue wa ku bakese banyi aba nansha dikopu dia mayi matalale, bua padiye mulongi wanyi, kakubula difutu diende to.

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Ebrewu 2:2

Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Ebrewu 10:19

Nenku, bana hetu, ku bukole bua mashi a mulambu wa Yezu, tudi mua kubuela ne muoyi mushindame muaba wa tshijila menemene mutudi basue.

2 Yone 1:8

Nunku nuenu kabidi nudimuke bua kanujimiji bipeta bia ku mudimu wenu. Kadi nukuate mudimu bua nupete difutu dienu dijima.