Ebrewu 10:33 - MUKANDA WA MYIDI MUKULU

³³ Pamue apa, bavua banupenda, banukengesha ku mesu a bantu. Misangu mikuabu nuvua nuambuluisha, nukolesha ku muoyi bavuabu bakengesha nanku.

Mukanda wa Nzambi Dihungila Dikulukulu ne Dihungila Dihia-dihia 2003

³³ tshituha tshia makenga mbualu bua nuakavuishibua bu tshintu tshia kutangilatangilabo bua bihendu ne makenga; ne tshituha tshikuabo bualu bua nuakalua babanyanganyi ne bantu bakadi benjibua nunku.

Ebrewu 10:33 Referans Kwoze

1 Korente 4:9

Bualu ndi mumone ne: Mvidi Mukulu mmututeke tuetu bapostolu muaba wa ku ndekelu. Tudi bu bena tshibawu, bua batushipe, bonsu batangile. Mbatuele mu tshialu bu bena manaya, bua bonsu bautangile, batumibue ba Mvidi Mukulu ne bantu kabidi.

Filipe 4:14

Kadi panuvua bangambuluishe mu dikenga dianyi, nuvua benze kabidi amu bimpe.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Ebrewu 11:36

Bavua baseka bakuabu, babakuma mikaba, bavua basuika bakuabu ne nkanu, babela mu nzubu wa lukanu.

1 Tesalonike 2:14

Bana hetu, malu avua menzekele bena ditaba ba mu Yudeya, badi balamata Mvidi Mukulu, bitaba Yezu Kristu, ke avua manuenzekele. Bualu bana benu bavua banukengesha, amu muvua bena Yuda bakengeshe bana babu bena ditaba.

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Misambu 74:22

Mvidi Mukulu wanyi, juka, udiakajile bualu buebe. Vuluka mudi bantu batatakane aba bakupenda diba dionsu.

Ebrewu 13:13

Nenku tuyayi kudiye ku mpenga kua mitanda, batupepeje muvuabu bamupepeje yeye.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

2 Timote 1:8

Nanku kuikadi ne bundu bua kujadikila bantu malu a Mfumu wetu, nansha bua kuntela meme, udi mu lukanu bualu buende. Kadi anyisha, ukenge nanyi bua Lumu lua Disanka, bilondeshile bukole budi Mvidi Mukulu nkupesha.

2 Korente 12:10

Ke pandi nsanka bualu bua Kristu mu butekete buanyi, nansha diba mene didibu batupenda, bantatshisha, bankengesha, bankuatshisha bowa. Nanku pandi ne butekete, ke pandi ne bukole.

Zekâya 3:8

“Wewe Yeshuwa, mutuangaji munene, teleja. Nuenu batuangaji badi bakuata nende mudimu, telejayi. Nuenu bonsu nudi tshimanyinu tshidi tshijadika ne: matuku adi kumpala nenupete lupandu. Nentume muntu wanyi, dina diende Lutonga.

Nahume 3:6

Nenkubondakaje ne bitotshi, utue bundu. Nebishale tshilejilu tshidi tshikuatshisha bantu bowa!

Misambu 89:51

Maweja-Nangila, uvuluke bipendu, bidi bantu ba bungi bampenda, meme muena mudimu webe. Uvuluke mundi ngangata mu mubidi wanyi bipendu biabu.

Misambu 79:12

Maweja-Nangila, bisamba bitudi nabi mutumba bidi bikuluisha, ubipingajile misangu muanda mutekete bipendu biabu, bivuabu bakupenda.

Misambu 71:7

Bantu ba bungi bavua bela meji ne: Wewe uvua muntshipe. Kadi Wewe ke tshianyi tshipanda tshia kushindamena.

Misambu 69:9

Nkadi muenyi munkatshi mua bena diku dietu, nansha bana ba tatu mene kabatshiena bammanye.

Ebrewu 12:4

Bualu nudi nuluisha mibi, kadi kanuena banji kuluangana too ne ku lufu.