Ebrewu 10:11 - MUKANDA WA MYIDI MUKULU

¹¹ Ku dituku ku dituku, mutuangaji yonsu uvua wimana kulu bua kuenzela Mvidi Mukulu mudimu wende. Udi ulambula misangu mivule milambu ya momumue idi kayiyi mua kujimija mibi musangu nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muakuidi yonso udi wimana bulelela ku dituku ku dituku wenza mudimu wandi ne ufila ku musangu ku musangu milambu ya muomumue, yoyo mene idi kayi mua kumusha mibi tshiendelele;

Ebrewu 10:11 Referans Kwoze

Ebrewu 10:4

Bualu mashi a ngombe milume ne a mbuji ya mpumbu kaena mua kujimija mibi.

Ebrewu 5:1

Mutuangaji munene yonsu mmusungule munkatshi mua bantu, bua kuenzela Mvidi Mukulu mudimu ne bua kuakuila bantu. Udi ulambula malambi ne milambu bua kujimija mibi.

Dibadika 28:3

“Dituku dionsu nungoshile bana ba mikoku babidi ba tshidimu tshimue, kabayi ne bulema pambidi. Matuku onsu nenundambule milambu ya kuosha ayi mu bujima buayi.

Ebrewu 7:27

Yeye kena bu batuangaji banene bakuabu. Kena ne bua kulambula milambu ku dituku ku dituku, diambedi bua mibi yende, pashishe bua ya bantu bakuabu to. Uvua mulambule mulambu musangu umue bua kashidi, pavuaye mudilambule yeye mene.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.

Ebrewu 10:1

Mikenji ya bena Yuda kayena ileja menemene malu malelela nansha, kadi idi amu mundidimbi wa malu atshidi kumpala. Mmunyi mudiyi mua kufikisha bantu badi basemena pabuipi ne Mvidi Mukulu ku bujima buabu, padibu balambula milambu amu ya momumue matuku onsu, ku tshidimu ku tshidimu, kabayi balekela?

Danyele 12:11

Kubangila ku diba didibu bumbusha mulambu wa buatshia buatshia wa kuoshela Mvidi Mukulu, ne ku diba didibu bateka “Bualu bubi butambe” pa tshioshelu, matuku neapite tshinunu ne nkama ibidi ne makumi tshitema.

Danyele 11:31

Bena mvita bavuaye mutume nebanyange muaba wa tshijila. Nebakandike bantu, bua kabalambudi Mvidi Mukulu mulambu wa ku dituku ne ku dituku. Nebateke ‘Bualu bubi butambe’ ” pa tshilambuilu.

Danyele 9:27

Mu bidimu muanda mutekete bia ku nshikidilu, mfumu ewu neakengeshe tshisumbu tshinene tshia bantu bikole. Kunyima kua bidimu bisatu ne tshitupa, nealekeshe difila dia milambu ya kuosha, ne dia bintu bia pa madimi. Muena tshinyangu ewu neenze malu mabi ne lukasa luonsu, too ne diba didiye ufua lufu luvua Mvidi Mukulu mujadike.’ ”

Danyele 9:21

Pantshiwa ntendelela nanku, Ngabriyele, mutumibue wa Mvidi Mukulu, umvua mumone kumpala, diba diwa Mvidi Mukulu mundeje malu, kusemena pabuipi nanyi ne lukasa luonsu, diba didibu balambula mulambu wa dilolu.

Danyele 8:11

Kuluishalu mene mfumu wa bia mu diulu. Kukandikalu mulambu wa kuosha, uvuabu bamulambula ku dituku ku dituku. Kunyangalu muaba wa tshitendelelu, kuupishalu mikiya.

Yezekiyele 45:4

Tshitupa tshia ditunga etshi ntshia tshijila, ntshia batuangaji badi bangenzela mudimu muaba wa tshijila. Mu tshitupa atshi nebapete miaba ya kuasa, nebashiye kabidi muaba wa tshijila bua kuasa nzubu wanyi.

Dibadika 29:6

Nuenu bamane kungoshila milambu ya dituku dionsu, ne ya dituku dia kumpala kua ngondu, pamue ne milambu ya tshibidilu ya bukula ne ya maluvu a mvinyo, nenundambule kabidi milambu yonsu eyi, bua dipembu dimpe dia milambu ya kuosha eyi dinsankishe.

Dibadika 28:24

Panudi nuenza tshibilu tshia matuku muanda mutekete, dituku dionsu nungoshile nyama, pamue ne mulambu wa ku dituku ku dituku, ne mulambu wa mvinyo. Dipembu diayi nedinsankishe.

Ekesode 29:36

“Dituku dionsu, wikale wosha ngombe mulume bua kukobolola bantu. Wewe ujidila tshilambuilu, utshimiamina manyi.

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Ebrewu 8:2

Udi wenza mudimu wa butuangaji muaba wa Tshijila, mbuena kuamba ne: mu ntenta mulelela uvuabu kabayi base kudi bantu, kadi kudi Maweja-Nangila.

Ebrewu 8:4

Bu yeye mutshikale pa buloba, kavua mua kuikala nansha mutuangaji to. Bualu pa buloba batuangaji badi balambula milambu mudi mikenji ya bena Yuda yamba.