Ebrewu 1:11 - MUKANDA WA MYIDI MUKULU

¹¹ Bintu bionsu abi nebijimine, kadi wewe neushale. Diulu ne buloba nebisunsuke bu bilamba bia kale.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bintu ebi nebijimine, kadi wewe udi ushala tshiendelele; Ne bionso nebikulukashe bu tshivualu;

Ebrewu 1:11 Referans Kwoze

Yeshaya 51:6

Tangila mulu, mu diulu! Tangila panshi, pa buloba! Diulu nedijimine bu muinshi. Buloba nebusunsuke bu tshilamba. Bantu nebafue bu njiji. Kadi lupandu lundi ntuadila bantu, nelushale kashidi tshiendelele. Bumfumu buanyi kabuakuikala ne ndekelu.

Marke 13:31

Diulu ne buloba nebijimine, kadi miaku yanyi kayakujimina tshiendelele.

Yeshaya 34:4

Mitotu ne mabulunge a kulu, bidi bienda bisunsuka. Badi bavunga tshibuashibuashi, bu mudibu bavunga mukanda. Bia mulu bionsu bidi bipona, bu mabeji muume a muonji wa mvinyo, nansha a mutshi wa mfiku.

Didimanyisha 21:1

Pashishe meme kumona diulu dipiadipia ne buloba bupiabupia. Diulu dia kumpala ne buloba bua kumpala bikavua bijimine. Mayi manene kaatshivuaku to.

Luke 21:33

Diulu ne buloba nebijimine. Kadi miaku yanyi kayakujimina to.

Matayi 24:35

Diulu ne buloba nebijimine. Kadi miaku yanyi kashidi kayena ijimina to.

Ebrewu 12:27

Miaku eyi: “Musangu wa ndekelu,” idi ileja ne: bintu bidibu bafuke nebizakale, bijimine, bua tshidi katshiyi tshizakala tshishale kashidi.

Yeshaya 65:17

Bualu nemfuke diulu dipiadipia, ne buloba bupiabupia. Kabakuvuluka kabidi diulu dikulukulu ne buloba bukulukulu. Kabakubielela kabidi meji to.

Misambu 90:2

Diambedi mikuna kayiyi mianji kuikalaku, diambedi buloba mene kabuyi buanji kufuka, ku kale kuonsu aku, wewe ke udi Mvidi Mukulu, newikale Mvidi Mukulu matuku onsu.

Misambu 10:16

Maweja-Nangila udi Mukalenga kashidi tshiendelele. Badi batendelela mvidie mikuabu nebajimine mu ditunga diende!

Didimanyisha 20:11

Pashishe meme kumona nkuasa munene mutoke wa butumbi, ne uvua musombepu. Buloba ne diulu bivua bimunyema lubilu, bijimina kashidi.

Didimanyisha 2:8

— Fundila mutumibue wa Tshisumbu tshia bena ditaba ba mu Smirna ne: “Wa kumpala ne wa ndekelu, uvua mufue, kadi mupete tshiakabidi muoyi, udi wamba ne:

Didimanyisha 1:11

diamba ne: — Funda tshiudi mumone etshi mu mukanda, uutumine Bisumbu muanda mutekete bia bena ditaba ebi: tshia mu Efeze, mu Smirna, mu Pergame, mu Tiyatira, mu Sardeze, mu Filadelfiya, ne mu Lawodikiya.

Yeshaya 50:9

Eyowa, Maweja-Nangila Mvidi Mukulu udi umbingisha. Udi mua kungamba ne: udi muena tshibawu nnganyi? Bena lukuna banyi nebasunsuke bonsu, mudi tshilamba tshisunsuka, padibu batshidia kudi musuasua.

Yeshaya 41:4

Uvua muenze bualu ebu nnganyi? Amu yeye udi mudianze kuamba bivua ne bua kuenzeka. Ke meme Maweja-Nangila, ndi ndudika malu a bantu. Ndiku, padibu babanga malu, nengikaleku, padibu baajikija.

Misambu 29:10

Maweja-Nangila udi uleja pa mayi manene mudiye mfumu, mudi bukalenga buende bua kashidi.

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Yeshaya 44:6

Maweja-Nangila, mukalenga wa bena Izrayele, udi uludika, ulama bantu bende. Yeye ke Maweja-Nangila muena bukole buonsu. Udi ukuambila, wewe Izrayele, ne: “Meme ndi wa kumpala, ndi kabidi wa ndekelu. Kakuena Mvidi Mukulu mukuabu, amu meme.

Misambu 102:26

Wakafuka buloba kale, diulu didi mudimu wa bianza biebe.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.