Dielulula 9:2 - MUKANDA WA MYIDI MUKULU

² Nenutshimune bena Anake, bantu bale ba bukole, badi bantu bakuabu batshina, bamba ne: “Kakuena udi mua kukandamana kudi ndelanganyi ya Anake!

Mukanda wa Nzambi Dihungila Dikulukulu ne Dihungila Dihia-dihia 2003

² bantu banene badi bale, bana balume ba Anaka, banudi bamanye; nuakulua lumu luabo ne, Nganyi udi mua kuimana ku mpala kua bana balume ba Anaka?

Dielulula 9:2 Referans Kwoze

Dibadika 13:22

Kubuelabu mu ditunga luseke lua kuinshi. Kufikabu pabuipi ne Ebrone, muaba uvuabu base kudi bena Akimane, bena Sheshayi ne bena Talmayi. Bonsu aba ndelanganyi ya Anake, muntu wa mpolondu. (Bavua base tshimenga tshia Ebrone, bidimu muanda mutekete bangabanga ne kuasa tshimenga tshia Tanise mu Ejipitu.)

Nahume 1:6

Padiye mufike munda, udi mua kukandamana nnganyi? Padiye ne tshiji, udi mua kushala ne muoyi udiku anyi? Tshiji tshiende tshidi tshilambuluka bu kapia, mbuebue mene idi ipandika kumpala kuende.

Danyele 11:16

Kadi udi ufika, ubuela mu ditunga, neenze mudiye musue. Bualu kakuakuikala muntu udi mua kumutuila nkanana. Pajikijaye kubutula miaba yonsu idiye upitshila, neabanze mu ditunga didi dipite buimpe.

Danyele 8:4

Meme kumona tshimpanga tshikuma nsengu ku luseke ludi diba dibuelela, ku luseke ludi ku mutu ne lua kuinshi kua ditunga. Kakutua nyama mukuabu utua mua kutshituila nkanana. Kakuvua muntu utua mua kudipandisha ku bumfumu buatshi. Tshimpanga atshi tshitua tshienza muatshi mutuatshi tshisue. Bukole buatshi buvua buenda budiunda.

Yobe 11:10

Nanku, padi Mvidi Mukulu ufika kuebe, ukukuata bu muena tshibawu, uya nebe ku kabadi, udi mua kumutuila nkanana nnganyi?

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Dielulula 2:21

Bena Refayime bavua bantu ba bukole. Bavua ba bungi, kabidi banene bale, bu muvua ndelanganyi ya Anake. Kadi Maweja-Nangila kubabutula bonsu, pakafika bena Amone. Nanku bena Amone kukuata ditunga adi, kuasamu.

Dibadika 13:33

Tuvua bamonemu ne bantu ba mpolondu, ndelanganyi ya Anake. Ku mesu kuabu tuetu tuvua badimone anu bu tunkenene. Bobu kabidi bavua mua kutumona nanku.

Dibadika 13:28

Kadi bantu badimu mbilobu bia mvita. Bimenga biabu bidi bialabale. Bavua babikoleshe ne bimana bile. Tuasanganyimu bantu ba ku ndelanganyi ya Anake, muntu wa mpolondu.

Ekesode 9:11

Bena majimbu ba bena Ejipitu kupanga mushindu wa kumonangana ne Moshe, bualu bavua ne maputa bu bena Ejipitu bonsu.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Yoshua 11:21

Mu tshikondu atshi, Yoshuwa kuluisha bena Anake, bavua ku mikuna mu Ebrone, mu Debire, mu Anabe, ne ku mikuna yonsu ya ditunga dia Yuda ne dia Izrayele. Yoshuwa kubabutula, kunyangakaja bimenga biabu.

Yoshua 11:22

Mu ditunga dia bena Izrayele, kamuvua mushale muena Anake nansha umue to. Bavua bashadile anu mu tshimenga tshia Ngaza, tshia Ngate ne tshia Asdode.

Yoshua 15:14

Kalebe wakipata meku asatu abena Anake awa mu tshimenga atshi: ke bena Sheshayi, bena Akimane ne bena Talmayi.

Amosa 2:9

Kadi meme mvua munubutuile bena Amore. Bavua bantu bale, bu mitshi ya sedre, bakole bu mitshi ya nsanga. Ke meme kukosa nsongu yayi, kuyijula ne miji yayi.