Dielulula 8:5 - MUKANDA WA MYIDI MUKULU

⁵ Numanye ne: Maweja-Nangila Mvidi Mukulu wenu, mmusue kunulongesha, bu mudi tatu ulongesha muanende.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nuenu nuelangane meji mu mitshima yenu ne, Bu mudi tatu ukengesha muanʼandi mulume, nunku Yehowa, Nzambi wenu, wakanukengesha.

Dielulula 8:5 Referans Kwoze

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

Nsumuinu 3:12

Bualu Maweja-Nangila udi unyoka udiye unanga, amu mudi tatu unyoka muanende udiye musue.

2 Samuele 7:14

Nengikale tatuende, yeye neikale muananyi. Pikalaye muenza bibi, nemmunyoke bu mudi tatu unyoka muanende.

1 Korente 11:32

Kadi Mfumu udi utulumbuluisha, utunyoka, bua kabavu kutupisha pamue ne bantu bakuabu ba pa buloba dituku dia tshilumbuluilu.

Misambu 94:12

Maweja-Nangila, muntu uudi ubela, ne uudi ulongesha ne mikenji yebe, udi ne disanka!

Yezekiyele 18:28

Neashale ne muoyi, bualu mmumone nuwuaye wenza bibi, mudilengeje. Nanku kakufua to.

Misambu 89:32

pikalabu banyanga mikandu yanyi, kabayi balama meyi anyi,

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Yezekiyele 12:3

Nanku, longolola bintu bua kuya nabi mu bupika. Ulongolole luendu luebe munda munya, bantu bonsu batangile. Umuke muaba uudi musombele, uye muaba mukuabu mu bupika. Umuke bantu bonsu batangile. Misangu mikuabu badi mua kudikonka, kuvuluka mudibu bena tshitunu.

Dielulula 4:23

Nudimuke, kanupu ndondu muoyi, uvua Maweja-Nangila Mvidi Mukulu wenu mutue nenu. Kanusongi mpingu. Kanuenji tshimfuanyi tshia tshintu nansha tshimue tshidiye munukandike.

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Dielulula 4:36

Nuenu nuakumvua diyi diende mu diulu, unulongesha bua kumutumikila. Pa buloba, wakanuleja tshimunyi tshia kapia, wakula nenu mu kapia aku.

Dielulula 8:6

Nutumikile mikenji ya Maweja-Nangila Mvidi Mukulu wenu, numunemeke, nuenze mudiye musue.

Nsumuinu 13:24

Udi ubenga kukuma muanende, kena mumunange to. Muntu udi munange muanende kena welakana bua kumunyoka to.

Muambi 7:14

Dituku dia disanka, usanke. Dituku dia dikenga, wela meji bimpe. Mvidi Mukulu udi utuma dikenga nansha disanka bua muntu kamanyi malu atshidi kumpala kuende.

Dielulula 1:31

ne mu tshipela. Nuenu nkayenu nudi bajadike muvua Maweja-Nangila munuambule, bu mudi muntu wambula muanende mu njila, too ne munudi bafike muaba ewu!”

Nsumuinu 3:11

Muananyi, anyisha bua Maweja-Nangila akuludike; kupepeji mibelu yende to.