Dielulula 6:7 - MUKANDA WA MYIDI MUKULU

⁷ Nuyilongeshe bana benu, nuyitele panudi basomba mu nzubu yenu, nansha bendakana mu misesu, panudi nulala, nansha nubika.

Mukanda wa Nzambi Dihungila Dikulukulu ne Dihungila Dihia-dihia 2003

⁷ wewe newayishe bana bebe, wewe neusombelele nʼabo bua mei au, hawashikama mu nsubu webe, ne hawenda mu nshila, ne hawalala, ne hawabika.

Dielulula 6:7 Referans Kwoze

Dielulula 11:19

Nulongeshe bana benu mikenji eyi, nuyitele diba dionsu, panudi nusomba ku nzubu yenu, nansha panudi nuendakana mu njila, panudi nulala nansha panudi nubika.

Efeze 6:4

Baledi, kanufikishi bana benu munda. Kadi nubakoleshe, nubakele, nubabele mushindu udi Mfumu musue.

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.

Dielulula 6:2

Nanku nuenu ne ndelanganyi yenu, nenunemeke Maweja-Nangila Mvidi Mukulu wenu, panutshidi ne muoyi. Nenutumikile meyi ne mikenji biende bimvua munumanyishe. Nenushale ne muoyi matuku a bungi panu.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Nsumuinu 6:22

Neakuambuluishe kuudi uya, ne kuudi ufuma. Nebikukube mu tulu. Paudi ubika ku tulu nebikuambile tshia wewe kuenza.

Luke 6:45

Muntu muimpe udi wenza malu mimpe, bualu muoyi wende udi muimpe. Muntu mubi udi wenza amu malu mabi, bualu munda muende mudi mubi. Bualu mukana mua muntu mudi muamba anu malu adi muwule munda muende.”

Matayi 12:35

Muntu muimpe udi wenza malu mimpe, bualu munda muende mudi muimpe. Muntu mubi udi wenza malu mabi, bualu munda muende mudi mubi.

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Malaki 3:16

Pashishe bantu bonsu bavua banemeka Maweja-Nangila, kuelanganabu pabu meji. Maweja-Nangila uvua mubateleje, mumvue bivuabu bamba. Kufundabu mena a bonsu bavua bamutshina, bamunemeka mu mukanda, yeye mutangile.

Nsumuinu 15:2

Miaku ya muntu wa meji idi ipetesha dijinga dia kulonga malu. Kadi mukana mua mutshimbakane mudi nnutangalaja amu malu mabi a bupote.

Misambu 129:8

Bapitshi ba mu njila kababambi ne: “Maweja-Nangila anuele lupemba!” Tudi tunuela lupemba mu dina dia Maweja-Nangila.

Misambu 119:46

Nengambile bakalenga mikenji yebe, tshiyi mfua bundu.

Rute 4:11

Bantu bonsu bavuaye mubikile muaba awu, ne bakulu, kuambabu ne: — Eyowa, tuajadiki. Maweja-Nangila ele mukaji awu lupemba, bu muvuaye muluele Rakele ne Leya. Bubidi buabu bawa batantshisha tshisamba tshia bena Izrayele. Wewe pebe, usanguke mu Efrata, dina diebe ditumbe mu Betleyeme.

Misambu 37:30

Muntu wa Mvidi Mukulu udi wakula miaku ya meji, umvuija bantu bidi Maweja-Nangila musue.

Rute 2:12

Maweja-Nangila akuvudijile disanka pa bionsu biudi muenze. Maweja-Nangila, Mvidi Mukulu wa Izrayele, akuele lupemba, bualu udi muvue kusokoma kudiye.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

Misambu 71:17

Mvidi Mukulu wanyi, udi mundongeshe biangatshile ku buana buanyi. Too ne lelu, ntshidi amu mmanyisha malu a dikema audi muenze.

Yeshaya 38:19

Amu badi ne muoyi ke badi bakusamuna, mundi ngenza meme lelu. Baledi nebamanyishe bana babu, muudi ukumbaja bionsu biudi ulaya.

Yobe 8:10

Kadi bankambua betu kabena mua kukulongesha, kukumvuija bivuabu balonga panu anyi? Nebabuelele tusumuinu ne:

Misambu 119:13

Mishiku yanyi idi ibala mapangadika onsu audi muambe.